والله يابنت الحلال المواضيع الإجتماعيه اللي يكون طرفها رجل وإمرأة تحوم كبدي
لو تكلمت بعقلي ومن نظري أنا أحس إن التغيير حلو
الرجل يمل من كرف زوجه واحده
بهالحاله لا بد من التغيير لكي يستعيد شبابه ونشاطه
وما يأتي هذا التغيير إلا بتغيير الزوجه !
بما إني أتكلم بدون سابق تجربه لهذا الشيء
لكن يورالي أنه لا بد للرجل أن يبدل مهما كان حبه لزوجته الأولى
يتزوج لإجل غرض ماء ليؤنس شبابه !
مره من المرات سألت أبي وطبعآ أبي خمسيني وينقط عسل من حلاته
وقلت له لماذا كل يوم وراء الثاني ماخذ زوجه مسيار
وش فيك على أمي يا حول
ترى هاللي تسويه أعتبره فسق وظلم وسلب لحقوق أم عبدالله
وأمي ماشاء الله عليها رزه ماهنا ملحه تحط بنت المشعلاني بحجاجه اليمين وتلف يسار
قال لي حظرة الاب .. ماورى ما كرفت أمك
وضرب لي مثال وقال : الحين إذا أشتريت سياره وكرفتها لمدة عشرين سنه ويكون شغلك معاها شغل حشمه ونظافه مع الزمن أكيد بتهرب أصوفه وتبدأ تخر أزيوته
أمك مثل كذا أعطيتها كل شبابي ونشاطي ويكفي إنك منها << آيه هين
وعطاني دفعه معنويه لإجل يتمسكن معاي عشان ما أخبر الهلي وقال راح تاخذ شهادة المتوسط بعد كم يوم وترفع راسي وتصير أحسن جندي بحرس الحدود
أنا بهالحاله عذرته ورفعت يداتي للسماء وقلت يارب أرزق أبي ثلاثينيه مدبدبه تشفي غليله !
قال أبي لي .. لا تكفى أدعي لي إن الله يوفقني بسوريه
أنا بهالحال جتني صدمه .. سوريه مره وحده
والله إن تنسيه أم عبدالله وأعياله وبكذا نروح في خبر مظلم
عاد أنا عطيته نصيحه أخويه وقلت له : وبعدين لو فرضآ أهديتك سوريه توقطر قوطره .. ترى عرسك على أمي وإنك ماخذن عليها سورية لاتفرح به واجد ( اليوم تعطيها سكاته ) خاتم ملحوسن بشوية ذهب وباتسر عفشك بتشوفه منثور بالملحق .. بعدين يابوي ترى ماكل من أعرس على مرته أستانس .. وحتى لو كنت اليوم مستانس وعندك أسامي واجد عشان تساهم بهم في إكتتاب ( بنك الإنماء ) بكره طال عمرك بتنشب بهم وماتقدر توفي دراهمك عشان تشتري طبق بيض الأخوين ... بس فكرت أنا وقلت خل عنك يا عبوتشي بكره بستانس عند ربعي ووريهم أخوي ( بشار ونبيل ) وأقول هذولا أخواني من أبوي وإذا بغيتوا شيء من مطعم يامال الشام دقوا علي وبيولمون لكم الطلب على طول .
فمان الله يا مكذبتني
بايوووووووووووووووو
العرض الشجري