قبل شوي رحت وسيرت على الشباب بستراحتهم جلسنى شوي
كلمني واحد اعرفة على الجوال فقلت له سير علي الرجال ماصدق خبر
على طول يله انت وينك إنحرجت لان الاستراحة مهي لي وانا ضيف
فضطريت اوصف له الاستراحة وقالولو الشباب عادي خذ المفتاح خله معك
واستانسو انت وخويك وحنا دايخين نبي نروح ننام ...
المهم جلسنى انا وصاحبي وتخبرون العزوبية قشر الفصفص في كل مكان
وقراطيس العشى وعلب الببسي المهم الاستراحة أنقلبت فوق على تحت
صاحبي ودعني وجلست لوحدي طيب الاستراحة محيوسة وهي مهي لي
قلت لنفسي ياوبد عيب قم كنس ونظف الاستراحة
غسلت الصحون
البيالات
الفناجيل
الزمزمية
يعدين جاء وقت التكنيس
نظفت نصف الاستراحة بعدين حسيت إني خلاص اعصابي ضربت وراسي
صدع...
حطيت المركى وجلست عليها على إطلالة رائعة من اكوام قشر الفصفص
والقراطيس وغيرها
حطيت يدي على خدي وسرحت وتذكرت كيف كانو الينات يشتغلون في
البيت اللي اكبر من الاستراحة بمية مرة وكانو مبسوطين وانا غرفة وحدة
ورتفع ضغطي...
واعترفت ((اني بالقوة الجسمانية اقوى من الجنس الناعم ولاكن بتحمل
الاعمال الشاقة غلبني))
وليس انا وحدي بل كل الرجال وجزمت اني ما ارمي بالبيت ولا عود كبريت
العرض الشجري