السلام عليكم .. بنات انا جرّبت هذا الحلا وبصراحه عجبني كثير .. سهل ولذيذ
وبعد ينفع حق الناس اللي عندهم اطفال ما ياكلون التمر .. بيفيدهم ان شاءالله لانهم بياكلونه بدون ما يحسّون ان معاه تمر
جربوه واحكموو
المقادير :
كاس تمر منزوع النوى (15 تمره تقريباً )
باكيت بسكوت شاي
اصبع زبده
علبه قشطة
علبة صغيرة حليب نستله مركز ( ممكن جاهز واذا ما توفر لك ممكن تسوينه انتي بالبيت )
ملعقة نسكافيه
ظرف كريم كراميل
ملعقة صغيره بيكنج باودر
(اختياري )زياده من عندي << تحب تألف وتزود مقادير
( نصف ظرف دريم ويب + نصف حبة جالكسي شوكولاته خالص + ملعقة مسحوق شوكلاته نسكويك )
الطريقة :
يطحن البسكوت وتسيح الزبدة ثم يفرك البسكوت بالزبدة ويفرد في الصينية ويدخل الفرن 10 دقائق حى يتماسك قليلاً .. ثم يخرج
توضع جميع بقية المقادير في الخلاط وتخلط حتى تمتزج ..
ثم توضع في الصينية على البسكوت وتوضع في الفرن على نار هادئه مشتعله من الاعلى إلى أن تتماسك وتتحمر قليلا تقريباً 25 دقيقه ..
إذا اخرجتيها من الفرن ضعي على وجهها حليب مركز على شكل خطوط طولية وعرضية للزينة...او جمّليها بالهيرشي او مو ضروري 
..
ضعيه في الثلاجه حتى يبرد ثم قطّعيه وضعيه في اوعية الورق للتقديم ..
وبألف عاااافيه يا حلوووات
العرض الشجري