فلسفة عيايز ... عند العيايز كل شيء جايز

[ام ادويس]

--------------------------------------------------------------------------------

الســـــلام عليـكمــ ..

اشحالكم .. وشخباركم عساكم طيبين


××××××



واحـد ,, يـرمس عن جدته

شووفوو تفسير العيـــــوزة هههههه للأمور ,,



اليوم موضوعي عن العيايز ويدتيه الله يحفظها وحده منهن

وعندها فلسفة عجيبه في تفسير الأمور


والحين بجلب وياكم موسوعة يدتيه الفلسفيه:



1) الحريم و مرض السكر

تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير




2) أمراض الدم

لول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في ربنا لوليين

(شفتوفايدة القمل).



3)الجن و المس

لول الدنيا فضا و الفرجان متباعده و كل فريج فيه كمن خيمه ينعدن عالصبوع.. والجن سكون في الخلا لكن من يانا

الخير زادو الأوادم و زادت البيوت وعدو على بقع الجن..عاد الجن ما حصلو بقعه يسكنونها قامو و سكنو في الأوادم



4)رغوة الحمام

دخل اخويه الصغير الله يعزكم الحمام و ترس البانيو ماء و رغوه.. يوم دخلت يدتيه الحمام و شافت الرغوه قالت يالله

بالستر بلاه مايكم وارم


5)البر و الموتر

يوم سرت ويا يدتيه العزبه يوم كنت صغير غرز الموتر و الهندي ما عرف شو يسوي نزلت أطالع السالفه.. جان أقول

ليدتيه إنزلي شوفي الموتر .. لقيتها يالسه في السيت الجدامي و تدز اطابلون بريولها قلتلها شو تسوين؟ قالت: أدز

الموتر عشان يظهر ..


6) الفتين و الهزاب

تقول يدتيه لا تفتنون على الأوادم و إتهزبونهم لأن رب العالمين قال: الفتنه أشد من القتل


××××××××





هههههههههههههههههه

الله يحفظ جدته له

عليها تفسيرات عجيبه خخخخخ

ان شاء الله ينال الموضوع اعجابكم