السلام عليكو
اوقاتكم سعاده جميعا
اهم قرار يتخذه الانسان في حياته هو اختيار شريك الحياة
وبما ان عقد القران يعتبر بدء حياة جديده لازم الواحد يتمتعن ويدقق ويتمقل زين في المعرس او العروسه اللي لابسه النفاشي
طبعا انا كـ فتاة من حقي اختار مواصفات فارس الاحلام
مابيه على خيل ابيض كنه خكري لااااا ابيه على بعير
وبما ان سوقي قايم قررت احسم الموضوع واحلم واحاول اصنع من الحلم حقيقه
وحطيت عيني على
على
على
على
شايب
ورسمت ولونت وشكلت حياتي معه بالالوان الفلومستر
يعني نوع من المبالغه في الوضوح
تخبرون الشيبان النظر شجر
ونخوش سيده في شهر العسل بلاش روتين سوالف عن زفه وعرس وناس
عاد انا حبيبه مابي امرمط هالشايب في طيارات ولا حتى سيارات
يكفي انه معي لو على عربه
نقضي شهر العسل جنب واحد من الوديان عند الشعيب والسيول
ننصب خيمه .. انفه له
ومع الشروق نروح لم هالمستنقع
وندودل سيقانا
ونشوطح في هالمويه
وياربيييييه على سيقان ذا الشايب
مغير تتصافق من زود الرقه
ولا سيقان سلوى
والشورت الاحمر اللي ح ياكل حته من ذا اللي متدودل من شحوم سيقانه
والا لين جا بيطشر علي
يبي لي خمس دقايق عشان يرفع رجله شوي
ووقتها تكون جفت المويه
بعدين ما اسمع الا لهاثه من التعب
ويقولي يالله ياشقيه نقوم نفطر
طبعا هو مايعترف بحبيبتي وعمري وهالطقه
صارت دقه قديمه
والا لين قالي يافراشه يا اني اطير بها طير
ومغير اناقز
ونقلبها لعب
ويقوم يلحقني
ادور دورتين على الخيمه وهو توه صالب طوله
ويجيني ذاك الصوت اللي يرد الروح
ارنووووب اعقل
ويكتسيني الحياء كلي
واصرف الموضوع واجيب الحليب والخبز
يغط طبعا
افود وألين
ونقضي شهر العسل تسذا
مغير مااسمع الا ذا السيقان تتصافق
وذا اليدين ترتجف
وذا الحتسي الا مابوه مثله
دب شقي ارنوب
كني عايشه في حديقه
بس يا خساره
صكته الشمس ورجعنا لعش الزوجيه
والاثاث المتكتك
خوص
سعف
والدكه بذا المراكي اللي كنها وسايد
والزوالي شي
والا المواعين يالله عليها ماقد شفتها الا في التلفزيون
شي مخطط
وشي ملون
وش اقول بس وش اخلي
ويا زين ذا البيت
نجيب القهوه والقدوع ويعقد يطربني بهالربابه
لين يغفي
ويصبح مع الاذان والا الفطور زاهب
حليب وخبز
ويغازلن شوي
ورده فراشه نحله بعسل
واقوم انا عاد وانثرررر من الحياء واقوم اركض
ويلحقن
واتخبى
واقول واحد طش ثنين طش
ويبطي مايطلع !
واطلع راسي ادوره الاه قاضبن مسكة الباب ياخذ نفس
ومااشوف هالابتسامه اللي شاقتن وجهه شق
ويقول تعالي ياشقيه
شفتك
واتفتق وناسه
يجي وقت الغدا
وياااااااا دب وين الغدا
والاني مصلحه ذاك المرق اللي يذوب في فم المولود
واحلف الا ءأكله بيدي
عاد هو يحب المرق تسذا بدون خبز ولا ملاعق
يقول بها تسذا من الباديه للفم كنه يسوي دعايه برنجيلز لبى قليبه
عاد انا خفت ءأكله من الباديه واخبط واحد من هالسنين الباقيه وابلش
قلت يا بنت بيدتس اغرفي ووكليه
واغرف
والا اللي تنشب يدي بين اسنانه
وابلش
اخاف اجرها بقوه وألقى الفك بكبره في يدي
واخاف اخليها وينكتم
بس الحمدلله ربي رحمن ومال واحد من ذا السنين وطلعت يدي
وقعد يلعط خشته ولا كأن شي صاير
ونخلص غدا
والا اليوم موعد زيارتي لاهلي
ونركب ذا السياره اللي كنها عربه
نجرها وتجرنا
بس اسلم له لين راح من ياخذ محله
وينزلني
ويسلم على ابوي اللي هو خاله طبعا
واذكر ان باتسر عند اهلي عزيمه
واقوله اني بنام عند اهلي
ووافق بعد حب الخشوم
خبركم ما يحرك ساكن بدوني
ويوم جا الليل والا اقوم من صوت الجوال يدق يدق يدق
كن فيه بلى
واشوف المتصل الاه >> شمعة حياتي
وارد
ويداهمني بذاك الصوت المتقطع من الصيااااح
يا دب وحشتيني
ويشاهق ويشاهق
واقوم اخوي يالله اقحص ماقدر ابعد عنه
وطرزان وصلنا البيت
والاه ياعمري يدور يدور يدور ويناشق ويشاهق
ويتكور في الزاويه
كنه بزر ضايعتن امه
ويغني
الاماااااااااكن كلها مشتاقه لك
اركض له بايسكريم وما اشوف الا سعابيله
وينام في مكانه
كنه قط شقي
وانا الدبدوبه الشقيه
خلصت الحتوته
وععععععععععععععععععععععععععععععع يا انها حايمتن تسبدي حومه
أهم شي اعجبتكم ولا لأأأأأأأأأ
ابي رايكم...................
نمووووووووووووووووووووووووووووووله
فارس احلامي بالفسفوري
العرض الشجري