( آبـبـقـى مـثـل مـا كـنـتـي تـعـرفـيـنـي ) . . . صــوتــيـّــه . . .

[سـلـمـان الـجـفـن]

[align=center]بسم الله الرحمن الرحيم

آلسـلآم عليكم ورحمة الله وبركاته

* * *

> > للحفظ .. بزر الفـأره الآيسر .. آضـغـط هـنـا < <

* * *

آمـّـــه

غذّته و ربّـته

حزنــت وفرحــت لأجلـه

فمـا كان منه بعـد زواجــه

إلا تركهـآ وحيـده

ليرحل عن دارها

مع شريكة حياته

فما كان منهـآ إلا

: : :[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أمانه كيف ترضى إنّك تخلّيني = وتتركني وهموم القلب تشقيني !!
وما تدري بأنّ الفكر بك يسلى؟ = وما تدري دموعي فوق خدّيني؟
نسيت الماضي يوم إنّك صغير السّن = وآنت أحلى الأماني في وسط عيني !!
إلا أقبل ظلام اللّيل ناديتك = وضمّيتك وسط صدري بيدّيني
نسيت إنّك تنام بوسط مرقادي = ويوم تقول : يمّه .. حيل ضمّيني !!
إلا شفتك حزين وضايقٍ صدرك = يضيق البال ويحزن كل ما فيني
وإلا شفت آبتساماتك على وجهك = أقول : الله يسعدك ويهنّيني
كبرت وصرت رجلٍ آتمسّك به = ومن ما يجرح الخاطر .. تداويني
وفي ليله .. حكيت وقلت يا يمّه : = أبي بنتٍ أسلّيها وتسلّيني
وقلت : آبشر وآبدوّر لك أحلاهم = و ياخوفي بعد عرسك تجافيني !!
وقلت : إنّي أبد ماني بمتغيّر = آببقى مثل ما كنتي تعرفيني
وجتك البنت مثل ما أنت تتمنّى = وكنت آخشى حقوقي ما توفّيني
ويوم العرس كلّ الناس فرحانه = وأنا أفراحي دمعاتٍ تخاويني
وسافرت آتّونّس أنت وإيّاها = وأنا وقتي قضى مابيني وبيني
وبَعَدْ ما آنتهى شهر العسل ألفيت = وقلت : أهلاً هلا باللّي يراعيني
ضحكت وقلت : يا يمّه خذي هذي = ورودٍ لك قطفته من بساتيني
بداياتها وفيت بوعدك الأول = ( آببقى مثل ما كنتي تعرفيني )
بَعَدْ مدّه جلست وقلت يا يمّه : = آبي آطلع وما ودّي تردّيني
وقلت : إني أنا وافقت يا وليدي = ولكن آنتبه تنسى عناويني !!
وآقفى زولك وحزني بدا يلفي = وأحزاني بدت تكوي شراييني
وآنا بين أربعة جدران آسامرها = سواتٍ منك سوّيته تبكّيني
تعبت بتربيتك وإنت ما تدري = ويوم إنّك كبرت الحين .. تعصيني!!
تعبت أدوّر لخاطرك آجملهم = جزآي إنّك تصير اليوم ناسيني !!
ومنّك مابقى إلا ( الورد ) يوم إنّك = تجيبه لي بعد عرسك .. وتهديني !!
عسى ربـّي يهنّيك ويهنّيها = وتراني راضيه مابيك ترضيني
( قبل تنسى ترى الجنّات يا وليدي = قبل تنسى تراها تحت رجليني )[/poem]

[align=center]* * *

وســلااامتكم جميعــاً

آحترامي لكم وتقـديري
سلمان بن عبد العزيز[/align]