((((((((((( الخديعـــة )))))))))))

[عبدالله الحبيشي]

أحبتي : فرسان بريدة ......................................... لاعدمتكم



ألقيها بين ذوائقكم ....... فلعلها تحضى بمصافحة بياضكم .....

[poet font="Simplified Arabic,6,darkblue,bold,normal" bkcolor="transparent" bkimage="backgrounds/7.gif" border="none,4,gray" type=3 line=200% align=center use=ex length=0 char="" num="0,black" filter=""]
ما شكيت الجرح منك إلاّ عليّ = يا عسى ضنّي بنفسي ما يخيب


الرضى عندك تساوى و زعلي = استونّ وصرت لك مثل الغريب


و استوى عِرفي بحبك و جهلي = طاب جرحي فيك و إلاّ ما يطيب


حيرتي ما بين نارك تصطلي = استوى عندي عدوّي و الحبيب


إفتحي صدري تعالي و ادخلي = تعرفين شلون ..... ذوّبني اللّهيب


شوفي اللي كان قصرٍ معتلي = ما بقى يا كوووود عِدٍّ مع قليب


إملي الكفّين منها .... بسملي = و استعيذي قبل يخذلك النصيب


إشربي ماها عسى لك تنجلي = ثورة الدخّان ... مع وقت المغيب


يمكن تشوفين (شاتك و اجملي) = و يمكن تشوفين ... شيطان وطبيب


في طموحك ذيب عوّد لك طلي = و أنهدم حلمك مع الصبح القريب


أدري إنك غادية مير اسألي = من ضميرك صوت حقِّ لك يجيب


أدركي باقي حياتك و اعدلي = خطوةٍ عوجا عن الدّرب الصويب


والا أنا يا بنت عِفتك و ارحلي = أذكر إنك يوم قلتي لي(( حبيب ))


!!!!!!!!! هه !!!!!!!!!!!!!!

غرِّبي أو شرّقي و الاّ اشملي = شـــــارةٍ منّي ... و يفهمها اللّبيب


اطلعي لاقصى السماء والا انزلي = الجروح تطيب .... ويطيب العطيب


هاردلك / هه/ ما عليش استحملي = يا خسارة خانك الفكر الرهييييييب


إندبي حظّك و صيحي و ازعلي = ما بقى لك شي فيني يستجيب


الخديعة ما تدوم .... و تنطلي = ماهو لازم ... كل سهمٍ لك يصيب


ما شكيت الجرح منك إلاّ علي = يا عسى ضنّي بنفسي ما يخيب


[/poet]


أخوكم /