السلام عليكم ورحمة الله وبركاتة اسعد الله صباحكم اليكم هذة الابيات المتواضعة :
غصب (ن) على الحزن ماني مانع الضحكة
لية الحزن دام عمر الآدمي فاني
حتى ولو قالوا الآحداث مشتبكْة
بكتب هجينيتي والبال طرباني
الليل كايد بة الاحزان مشتركْة
لا تنجرف للحزن تلقى لك احزاني
والليل بيت القصيد الآسر بحبكْة
يموت فية الحزن لا صرت فرحاني
اطلق عنان الفرح لا يقعد بشبكْة
الا متى وانت للأفراح سجّاني
بعض البشر في حزن والنفس مرتبكْة
يشرب هماج الحزن مرّات ويعاني
يقول طير الحزن بالقلب لة برْكْة
يقول محدن قدر يقصّ جنحاني
ياسرعها ضيقتي دايم تجي حرْكْة
ولا ستر سرّ هذا الحزن كتماني
وش حيلة اللي عذاب الوقت معترْكْة
ضيّع طريقة وصار اليوم حيراني
من عظم همّة تشوف النفس منعلّكْة
يقول من فرحتي أعلنت حرماني
بعدة عن الدين دايم يحبس الضحكة
يشيل حزن الحياة وعمرة الفاني
وسلامتكم
العرض العادي
