حلويات الأرياف

[رموز]

السلام عليكم

انا عاجبني معمول بالتمر اللي في حلويات الأرياف
اللي على شكل اصابع او دوائر
المهم
ابي طريقة هذا المعمول لانه هش ويجنن
جربت كذا طريقة بس مثل هالمعمول ماذقت

ارجوا من اللي يعرف يكتب لي الطريقة

[رموز]

وش دعوة اللهم ياكافي

[جناان]

عجزت اتصور شكله ..!!
وضحي اكثر
رموز

[رموز]

ياحبيلك ياجنان والله يقدرك مثل ماقدرتي موضوعي
هذا المعمول ياطويلة العمر معروف بالارياف
محشى تمر وهو معمول عادي ويحطون اشكال منه
شي طويل على شكل اصابع وشي دوائر على شكل كورة
وينثروا فوقه فستق
معمول عادي بس ابي مقادير العجينه نفسها لانها هشه وتجنن ياجنان

[العبرى]

للأسف ماأذكر من الأرياف إلا فطائر المدرسه

وكم طلبات مجنونه

إن شاء الله يفيدونك اللي عندهم الأرياف

وطولي بالك خيتوو




تحيتي,,,

[(( نـــدى ))]

اختي رموز انا والله ماعرف معمول الارياف

لكن اناعندي لك معمو رهيب ولذيذ الا عاد اذا ملزمه على حق الارياف

اذا تبينه قولي لي وانااعطيك اياه

بس على شرط تسوينه وترسلي لي منه هذرته واجده

[رموز]

مشكورين على الردود

ندو
ارسلي لي الطريقة وابشري بسعدك

[البراق999]

رموز

وشوله العثى والتعب .. روحي اشتريه من الاياف وريحي نفسك .. والا اقولك سوي نفسك فهيمه وقولي لهم ابي وشلون تسوونه .. امزح

يالله اللي يعرف الطريقه يقولها

مشكوره وتسلمي

[سماءنجد]

السلام
أهلين... رموزه
هذي طريقة معمول اخذتها من المنتدى منزلتها الأخت قمرا جربتها حلوه مره....سويت ملى صينيه وبسرعه خلص... سهل وخفيف
معمول الجالكسي



المقادير
.ك.ك.دقيق ابيض احسن شي الدقيق الكويتي
1.اصبع زبده بحرارة الغرفه
6.حبات جبنة كيري
2.م.ك.سكر
4.الواح جلكسي ساده ابو ريالين يعني يجي فيه 24 مستطيل صغير
الطريقه
تخلط المقادير جيدا ثم تقسم الى اربع وعشرين قطعه متساويه ثم توضع في اليد ثم تحشى بقطعة جلكسي ثم تدخل للفرن وتحمر من تحت ثم من فوق
(انا حطيت من عندي إضافه وهي خطوط بالشوكه كشكل)
اتمنى يعجبك

[(( نـــدى ))]

اهلين رموز
يالله سجلي معي

المقادير

3كاسات دقيق ابيض ثلث كاس نشاء نصف كاس سكر ناعم 2بيض 2وربع اصبع زبده
2ملعقه صغيره بكنج باودر فانيليا

الطريقه
نضرب الزبده جيد بخفاق الكيك ثم يضاف له السكر الناعم والفانيليا

نضيف الدقيق والنشاء وال بكنج باودر ثم يضاف لزبده بالتناوب مع البيض ثم تترك ترتاح

لمده عشر دقائق ثم تحشى بالتمر المعبوط مخلوط معه زبده وقرفه ويشكل بقوالب المعول رشي

دقيق على قوالب المعمول عشان ماتلتصق ثم دخليه الفرن الحار بس انتبهي لاتحمريه زي الفطائر

خليه فاتح هذا السر في كونه هش

ويالله بلاش كسل سويه معقهوة المغرب

وادعي لي بالصلاح والهدايه

[رموز]

مشكورين على الردود الحلوة
سماء نجد
بجرب طريقتك ان شاء الله

ندى
تسلمي لي بس اسويها اليوم صعبه شوي خليها بالويك اند

[فراشة الالماس]

ما اعرف لكن راح ارفع الموضوع لعيونك.

[رموز]

تسلم عيونك