ثورة السيراميك... !!

[لمبة شارع]

اقتباس:  المشاركة الأصلية كتبت بواسطة شخصية     ألا على طاري السيراميك , وشو أحسن المحلات التي تبيع السيراميك ببريدة من حيث السعر لاحظ ,, من حيث السعر فقط ولا المحلالت كثر التراب وكلن صار يبيع سيراميك حتى بقالتنا أخبره حق رخام أخوي راشد

هلا شخصية....

غريبة ماقلت انتم معقدين يالرجعيين انتم وهيئتكم اشغلتونا حتى السيراميك حرام!!!!

بس الظاهر انك ملقيت مدخل على الهيئة والا كان ماتقصر

على العموم اذا بغيت سيراميك رخيص وكويس رح للعوض اللي في شارع دار التربية او هضاب الخليج اللي جوار مكتبة الرشد ولهم فرع في طريق عمر بن الخطاب ا والمحلات كثيرة لكن هالاثنين من حيث المبدأ

واذا بغيت فخم وغالي رح للفدا بطريق المدينة او الحجر الازرق بطريق المدينة برضوه

واذا بغيت شي نظيف وظريف ومتعوب عليه واسعاره مدروسة وذوق معقول وعصري جدا رح ل ماتي في تقاطع اشارة الريان مع عمر بن الخطاب ...
وهذا الكلام مش دعاية بس بحكم تعاملي في الفترة الاخيرة مع هؤلاء هذا اللي خرجت فيه

[الذاهبة]

مرحبا لمبة شارع الموقر ..

بصراحة السيراميك جيد إذا كان البيت جديد و لسه تحت الإنشاء ..

و لكن أبداً ما حبيت فكرة ترميم المنازل القديمة و استبدال الموكيت بالسيراميك ..

يطلع البيت كأنه عجوز ( عزبة ) توهم مكيجوها عشان يزوجونها ..

بس ولو الاسنان طايحة و البشرة نص نص .. و الشعرات مقعرطين .. إلخ إلخ ..



بالمناسبة .. تصميم المنازل الحديثة و بما فيها أرضيات السيراميك و غيرها

أحس إنها تفقد العائلة جو الألفة و الدفء العائلي ..

عشان كذا بيتنا موكيت و ما عندنا نية نستبدله ..

[ABDUL AZIZ]

[align=center]تصدق يا لمبة ان فرشة المنتدى الأوله أزين من هالسيراميك ..

لكن الميزة الوحيدة بهالسيراميك انه ناعم قوة ويزلق <<<<<<<< يفتح المواضيع بسرعة


.[/align]

[لمبة شارع]

[quote]

اقتباس:  المشاركة الأصلية كتبت بواسطة عبدالله30     أهلا لمبة شارع00 المساجد السنوات الماضية حمى تغيير القبلة00والحين السراميك والمكيفات 0

المساجد ياعبد الله انظف لها السيراميك صراحة!! لكن البيوت تصير كأنها دايرة حكومية او مستوصف !! ولا فيها روح ولا دفء ولا روح اسرة وكأنك غريب لا هذا بيتك ولا هذولا اهلك!!!

اقتباس: قصور وضخامة ويطلع عليك بزر نصه سعابيل بسراويل بدون فانيله ولا فانيلة بلا سروال!!

هذا اذا ما (وش ) عليك حصاة ماتاقف الا بالقزازة القدامية!! وان فاتت القدامية لحق الخلفية!! وان سلم الحال .. ما سلمت من الشتايم واللعان!!

لا وتلقا ابوه قاعد بالسيارة (ينقم فصفص) او (يسوي مساج لخشمه من جوا)!!

اقتباس: حتى منتدانا تغير وضيعنا ادروبنا 00عندي اني منول بالصندوق وهالحين بالغماره ولا أدري وش السالفه اخاف اضظط زر وبلش!! تحياتي

أما منتدانا فالله يلوم اللايم !!

ياشيخ تقل محجوبين عن الملح والدهن!! لا غدانا غدا.. ولا عشانا عشا..!!
لكن مانقول الا سقا الله زمان الموكيت الرصاصي والتبطح على الارض بكل ربعة...!!

[لمبة شارع]

اقتباس:  المشاركة الأصلية كتبت بواسطة اسمر ومملوح     التغير مطلووووب لكسر الروتين وهو مطلب ضروري للترويح عن النفس البشريه شكراً لكم

كسر الروتين يا أسمر!!!

قل كسر النظارات !!!

قل كسر الشاشة !!

قل كسر الخواطر!!

سقالله الروتين وايامه ...!!

بس تدري عاد؟؟؟

التغييرات اللي صارت اليوم في التقسيمات ممتازة وكأن الضباب بدأ ينقشع !!

يعني صرنا نشوف شوي ..! وابشرك بديت ادل ..
وكلها كم يوم ونتعلم لغة برايل ابشرك..

[الوطني]

ليتهم يالمبة شارع .. شاورنا قبل مايسرمكون

السيراميك والبرسلان .. ممتاز في الاماكن العامه .. وممرات المنازل .. اما في غرف النوم والجلوس في المنازل .. يبدو لي انه متعب وغير مريح ..
الآن بدا يشيع استخدام ( الباركيه ) الارضيات الخشبيه .. حيث يجمع بين ميزه السيراميك من حيث الشكل وسهولة التنظيف .. وميزة الموكيت من حيث الالفة والراحة في الاستخدام .. بالاضافة الى ان حرارته ثابته وما يتأثر بحرارة الجو .. ولا يتسبب في تكوين ازعاج وصدى للصوت مثل السيراميك ..

[نجم النعايم]

لمبة ...... اسعد اللهه أوقاتك
وانا اقرأ موضوعك..... تذكرت تلك الدعوة التي اكرمنا بها أحد الاصدقاء
عندما ولجنا الى منزله بعد التغييرات السيراميكية على أرضيته, والا صديق لي ينزلق من أول المدخل الى أن وصل الى الباب الفاصل بين صالتي الرجال والنساء, لولا هذا الباب لوجدناه في اقصى غرف المنزل
بعدها قضينا ساعات من وقتننا الذي من المفترض أن نقضيه في الفرفشة والضحك, قضيناها في احد المستوصفات فصديقي اصيب باصابة بالغة في المفصل
على أية حال التغيير مطلوب, وقد عملوا المسئولين على المنتدى خيرا بهذا التطوير, فقط نريد العمل بالملاحظات التي ابدوها الاعضاء.

وسلامتكم,,,

[فريـــد]

العزيز : لمبة شارع
ثورة السيراميك أصبحت واضحة جليّة ..
لكن ثورة قلمك هذه .. ممتعة ولذيذة ..
ويومًا بعد الآخر تجذبنا إلى قلمك ..
بالفكر الراقي .. والأسلوب المحبّب .
دمت لمّاعا <-- علشان السيراميك

[فور يو]

[align=center]اهلا وسهلا بالغالي لمبه

شكل العمار والتشطيب لخبط افكارك , انت تسمرك هناك والحلوه يسمرك هنا

هقوتك لمبه سرمكتك هناك بتكون مثل اللي هنا ..؟

الجديد لذيذ و كلها كم يوم ومن حلاة السرمكه الجديده بتمشي فوقها وبعز البرد حافي ...

الغالي لمبه حفظك الله ورعاك وحقق لك مبتغاك ...

على فكره تراي مانسيت بس كل ماخشيت هناك مالقيتك .[/align]

[لمبة شارع]

اقتباس:  المشاركة الأصلية كتبت بواسطة انسان ثاني2     [align=center] الا خ الغاااالي : لمبة شاارع الثورة طغت في كل مكان فلمااااذا لا تصل الى هنا ؟؟؟؟ لكن اسأ ل الله الا تطغى تلك الثورة على عيو ننا فتكون المصيبة اشد واعظم !!! وعندما نذهب للعلاج من هذه الثورة سوف نجدهااا تتنتظر نا في مد خل ذالك المسشفى الخا ص لتعمي عيو ننا من جديد لمبة : حمى الله عينك وعيو ننا ايه الصد يق [/align]

اهلا بالغالي انسان ثاني ..

هل تذكر مشكلة الحساسية واحمرار العيون التي اصابتك قبل بضعة اشهر؟؟

عندما سرمكو المنتدى تذكرتك وقلت في نفسي : هالحين انسان ثاني ما ارتاحت عيونه رغم الستايل القديم فوش يبي يصير عليه اذا فتح الجديد؟؟؟ شكله يبي يزلق من المنتدى السياسي ولا وهو واقف الا بمجلس النساء اللي اسمه منتدى المرأة ...!!
لكن الظاهر يا انسان ثاني ان الله سلم !!!

على العموم يا اخي الغالي لاحظت من امس انهم ركبوا (احزمة وفواصل) بين المواضيع المثبتة وغيرها وبدينا نعرف المجلس من المقلط من غرفة لمبة من غرفة انسان ثاني ..!!

[جلوي العتيبي]

اخي لمبة شارع في ظل هذا البارد القارس

كرهنا السراميك وموضته

أفشل موضه أنتشرت في بلدنا <<<<كل يوم يردد هالجمله

وإلا في المساجد !!!تخيل جاي والإمام راكع وتوك متوضي وتمشي مليون والله مايردك إلا الميكرفون

أما المنتدى انا اقول وراه هاليومين بارد شوي وإذا جيت أدخل تلبست

أبشر بعزك أفضل موكيت لعيون لمبه جاي طلبيه بس على الله ما يتأخر

دام هذا التواجد بدون سيراميك

[لمبة شارع]

اقتباس:  المشاركة الأصلية كتبت بواسطة ViMtO LiPs     السيراميك ماخلي الا للفقرا لان السجاد اغلى والرخام اغلى واغلى واتوقع ان اللي صاب عبدالله ووالمنتدى انه طفر بسبب الاسهم وقرر يبيع الموكيت ويستيفيد من الفلوس والسيراميك ارخص

يا فيمتو ليبز فقراء والا اغنياء..انت قلطنا لمنتدانا وورنا محلنا وكثر خيرك ...وعبد الله الحلوة اتركه علي !! اباقف له بمدخل حراج المقاصيص اذا جاء جالبن قشنا الاول ثم أبشريه باللي هو فيه وافتح فيه منتدى (استعمال حشمة) بلا سيراميك بلا بورسلان..!

[فارس الميدان]

ههههههههه والله انك صادق

عاد تدري يالبمة انا احسبك من المبلطين لسرميك المنتدى .. وثر مالك دخل
يعني انا بشوف الطرقه الي تتبعها انت وبشد وراك المقاسات
والله اني مضيع ومن شدة التضييعه صار مالي خلق ادخل .. احس اني غريب

الله يعين يارجال





فارس

[راشد الصليحان]

يالمبة الحين وش فيك أشغلتنا بالسراميك ؟

اكيــد مالقيت سراميك على كيفك ! لاتكون تعمر ؟؟

تخيل يالمبة الحين أنك مبلط ومليص في هالبرد ؟؟

تلقى حالك حالة الأيدين والرجلين شهب واطرافك مثلجة !

كسافة الله يعين العمال !

احمد ربك يالمبة إنك تمر عليهم وانت داق اللطمة دقايق وتهج وتخليهم !

[بنت البدائع]

من الطرائف عن السيراميك

جدتي الله يطول بعمرها تسميه... الرماتزم...

بس التغير مطلوب ... وخصوصا نحن نعايش الان عصر التطور و..و...و..