الحـظ العـــــاثر

[راعي العنود]

بسم الله الرحمن الرحيم




اخواني واخواتي : السلام عليكم ورحمة الله وبركاته .........وبعد,,

رغم هذا الركود الحاصل بالمنتدى بسبب الامتحانات إلا اننا يجب ان نحاول

تحريك المنتدى على قدر جهدنا...ولذا احببت ان يتميز هذا الخمول بوضع قصيده

يستحقها كل من تواصل مع هذا المنتدى رغم ظروفه فللجميع اهديها..

قصيده جديده لم تخرج في اي منتدى اومطبوعه...وتستاهلون...



أنا اللي لك يا حياتي صابر وصابر### ما والله اقطع رجاء شوفتك بالمره

انا معك وانتي فيني جفني الساهر###أسهرك لين الشـفق تـبدا به الغــره

يا منيتي والليالي وجـهـها غابر ### في كـل يومن تجـينا بحـال مفتره

عشنا الاماني مع الاحلام نتعاسر### ضاقت علينا الوسيعه و اصبحت مره

ما عـدلت للمعـنى حـظه العــاثر ### ما تفـترك بالحـشى من سبته ذره

جتني هموم الليالي تكمل القاصر### في كـل ليله تجـي و تعـاود الكره

ماترحم اللي عليه من الدهر جاير ### مـا باقـي الا يشـق الثــوب و يقره

يارحـمة الله دخـيلك انتي الجابر ### من عـوق سـود الليالي ضاعت الجره

مادمت انا ساكنٍ في قلبك العامر### حـي الله اللـي يجـيني برده وحره



وسلامتكم ...


ارجو ان تحوز على رضاكم وتسلمووووووووووون..



مع تحيا1111111111تي ,,

[الذهبي]

أخي راعي العنود ذوق رفيع وإختيار رائع للكلمات فعلا .. تحسد على هذا المستوى

من الرقي في الفكر ..قد يختار اي انسان منا مقطوعة شعرية او نص ادبي او انه يكتبها من نسج خياله

لكن ان تصل إلى اختيارك اعتقد انه ليس ممكن

اشكرك على هذا الاختيار كم اتمنى ان يستمر نزف مشاعرك على صفحات

منتدى بريدة



تقبل تحياتي لك ..
الذهبي

[الشقردي]

اخوي الغالي راعي العنود 00000

صح لسانك يابو صالح قصيدة طيبه من وجه طيب عودنا دائما وابدا على الطيب

هكذا انت يابو صالح دائما متواضع وهذا طبع الكبار ثق ثقة تامه ان جميع ما تقدمه لنا يعجبنا بل يحلق بنا في سماء الاعجاب000 بارك الله فيك0

استلم

انا قايل انك والله بالشعر شاطر

--------------------------------- جبت القصيد اللي به النفس مستره

النجم يضوي بشعرك بالسماء صاير

--------------------------------- لك لمعة بينهن تقصـد وتتشـــــــره

تبكي على حظك العاثر وهو داثر

---------------------------------- راع العـــنود انتبه للزين لاتطـــــره

مادمت ساكن بقلبه مالك مخاشــر

--------------------------------- البس ثياب الهــــــــناء وزراركم زره

عش في حياتك هناء مرتاح ماتخاطر

--------------------------------- مادام خلك معك بكيفكم فــــــــــــره

وسلامتكم 000

والعذر والسموحه عن التقصير0000

الشقردي

[ساره الصغيره]

الأخوه الأعزاء

أتمن التوفيق للجميع فأنتم بحر لاساحل له

ونهرلانهاية له .......وشمس لمثيل لها...



تحياتي ..........ساره الصغيره

[راعي العنود]

السلام عليكم ...

اخوي : الذهبي .................ياهلا والله ومسهلا فيك والساعه

المباركه بحضورك الطيب يابعدي ....وابشر بسعدك الله يسلمك ..

حضور مميز الله يحفظك ....


مع تحيا1111111111تي...

[راعي العنود]

السلام عليكم ...

أخوي : أبوسلطان .....................ياهلا والله ومسهلا اخوي ..

صح لسانك وبيض الله وجهك ...والله يابوسلطان إني متهول منك من

تالي وانك تخوف والله من صدق....وين هالحين ووين أول معرفتنا والله

فرق السماء عن الارض ماشاء الله ماشاء الله الله لايضرك ....هالحين

ماشاء الله وزن ومعنى جزل وسهوله في العبارات وعدم تكلف ...ياسلام

عليك والله يابوسلطان ....

برضه فيه أثنين في منتديين مثل سالفتنا ورديه انا وياهم ومن بديت الين هالحين مااذكر اني ارسلت لهم رساله قلت هذا البيت مكسور او فيه ثقل ...ابد لاوالله لكن اشوف انهم بس يحتاجون للممارسه وفعلا مع الردود اللي بيننا صاروا وين والله شي خيالي حتى ان احدهم قلت تعال

ابقدمك لمنتدى فيه شعراء معروفين بالساحه وورهم إنتاجك بس واستفد من توجيهاتهم واسمع وش يقولون..

لأنه ينشر بإسم مستعار قلت شرط باسمك الصحيح انت حرام تضيع قصايدك تحت اسم مستعار ,,,

لكن الرجال عنده أفكار عجيبه رهيبه سبحان الله ,,,

المهم طال عمرك تراك غاثني من صلاة العشاء وانا اكتب لك مع السلامه


مع تحيا1111111111تي ,,

[راعي العنود]

السلام عليكم ...........

اختي : ساره الصغيره ....................ياهلا والله ومسهلا بك

شرفتي مشاركتنا والله يوفقك ...تسلمين..


مع نتحيا1111111111تي ..

[نسناس]

أهم شي يكون الركود جاب نتيجه

[راعي العنود]

السلام عليكم ...

اخوي : النسناس أكيد مادام شفنا طلتك البهيه أكبر نتيجه..


مع تحيا111111111111تي..