هل تجــــمل الرجل يعتبر من الرجوله أم ان هذا ما يسمى بل (((( مخنث )))) ( موضوع حساس )

[الهيثم]

[align=center]انا لم ارى الصورة الاولى

ولكن الصورة الثانيه أرى انها صورة رجل وسيم فقط
واضح انه طبيعي كذا
وظلمتوه في اقحامه بالموضوع
اعتقد ان الرجل لايلزم انه يكون صاقعته الشمس لين قلب لونه
ولايلزم يكون راسه أصلع مافيه شعر
لكن يبقى تمساح
مجرد رأي فقط[/align]

[السعلوووه]

الصوره الاولى لاحول ولاقوه حتى الوقفه وقفت حرمه ...استغفر الله

اما الثانيه عاديه وطبعيه ...

بس فرق بين الاهتمام بالنفس والنظافه ,, وبين المكياج والاستشوار ..

الا على فكره اذكر صورة الثاني منزلينها باحدى المنتديات انه ملك جمال السعوديه ... تحرونه صز ؟؟

[الـمـهـاجـر]

لاشك أن الاهتمام بالتجمل خلق حميد و تركه عيب و دناءة ، و لكن ذلك لا يعني أبدا التشبه بالنساء .

[صدى الصوت]

بالعكس اخوي المظهر الخارجي الرزين والنظيف مطلوب للرجل او الشاب ليس فقط للنساء

وانا اؤيد الصوره هاذي اذا كان قصده تحسين مظهره..... لانه ماتدري هالشخص هاذا مايرتاح نفسيا الا اذا كان مظهره الخارجي متكامل ومتناسق وهاذا يرجع للراحه النفسيه لذات الشخص

( ان الله جميل يحب الجمال) وأنا مأقول انه جميل بس الواحد لاصار جميييل وش يسوي بعمره هاذا خلقة ربي وبعض الناس الله يهديه يشوه نفسه وهو جميل من اجل ( الناس وكلامهم) وهاذا اكبر خطأ

ولا انت وش رايك<<<<<<<<<<<<<<<

يعني تبي الواحد يكون مظهره غير لائق بمعنى انه( لايهتم في ملبسه ولا شكله ولا حتى نظافته)

(والنظافه من الايمان)

وانا ارى كثير في مجتمعنا يعارضون مثل هاذه الاصناف .......... مادري ليش؟؟؟؟؟؟؟؟


يعني بالعربي يبونك تلبس وتاكل مثلهم وهاذ طبعا خارج عن المألوف وكثييييييييير ناس يتضايقون اذا لبسو مثل هاللبس من اناس اخرين لايفهمون بالاناقه والشياكه يظنون انه حرام فاهم غلط وياكثر اللي تعرضو للكلام من هالناس الضعاف

يظن انه مخالف للمجتمع وهاذا بالعكس ليس خطأ وللعيب ولا حرام بالدرجه الأولى

والصوره اللي انت نزلت تدل على (الايمان )اللي فالشخص

ولايمكن نحكم على الصوره ومقاصده مادام لانعرف الشخص


تحياتي( فااااااارس) اخوووووووووك/ صدى صوتها

[صدى الصوت]

مشكلة السعلووووووووووووه


ماعمره طلعت شكله بس بالبيت


الله يفتح عقلك


وش تعوذين بالله منه


تعوذين من خلقة ربي استغفري لاتطنزين


ياحبكم للشماته الله يعافيكم ولا بلانا

لازم يبغالك تحديث انتي انت شفرتك قديمه

تحياتي

اخوكم صدى صوتها

[DeWDrOp]

الذاهبه وش معدله في ردي؟


ماذكر وش انا كاتبه

[صدى الصوت]

الذاهبه


الله يهديه بس تحذف عساه ماتصير مديره كان تشوتنا

[الذاهبة]

ديو دروب

ما حررت شي يا قلبي .. !

لا تقلقين ما عندك مجاوزات لفظية ..

هو تعديل بسيط يوم كان الموضوع عندي بالاجتماعي أمس !!






صدى صوتها ..

أتمنى ان تتغير الفكرة هذي عني ..

و الله يسامحك !

[شقرديه]

موب وع

لكن موب رجل ولا دلته الرجولة ولا ينفع بقرش

ما عليه متكل يدوبك يلحق يحط له روج وعدسات

بس لا تخلطون بين التجمل الزايد والجمال الطبيعي الهبة من الله تعالى مع شيء من الاهتمام خاصة بالنظافة

مثلا مثلا

الشيخ العريفي مزيون ويبرق نظيف ولا انقصه جماله من رجولته شيء بالعكس يكسوة هيبه ووقار
مثال ثاني

الأمير سعود الفيصل الله يمتعه بالصحة والطاعة

جميل جدا ووسيم جدا (قبل عشرة سنوات) لأني زمان ما شفته

ومع ذلك يسمى الداهيه السياسي لذكاءة وحسن تصرفه ووزير خارجية أهم دولة إسلامية

فيه مثال قريب وحي بس ما كل شيء يقال

تحياتي

[أبو حنين]

مشكووووووووووووووور

ما اقدر اتكلم معاي غثيان

[السعلوووه]

صدى صوتها وراك جايبن حاصلك الحين تارك كل الردود ونحرن ردي ....هماي قيله لك نط ردي وانت بحل والف ظل بس الظاهر ان اول رد تقراه ردي ...احم احم

اذا الصوره الاولى تعجبك وتعتبر الروج والكحل من التزين فأستغفر الله الف الف مرررررررررره ...

اقتباس: مشكلة السعلووووووووووووه ماعمره طلعت شكله بس بالبيت الله يفتح عقلك وش تعوذين بالله منه تعوذين من خلقة ربي استغفري لاتطنزين ياحبكم للشماته الله يعافيكم ولا بلانا لازم يبغالك تحديث انتي انت شفرتك قديمه تحياتي اخوكم صدى صوتها

ياشين الي يتمدن شلف ولاعمره عاش بنعمه.... دايم يشوف الامور عكس . ..



تشاوااااااااااااااااااااااات

[ابو الحسن]

الأخ فارس
السلام عليكم ورحمة الله وبركاته
في الحقيقه تطرقت إلى موضوع هام جدا وقد نشاهده على بعض شبابنا هذه الأيام
الاسلام يحث على أن تظهر أثار نعمة الله على عباده
بل دعى الشرع الحنيف على أخذ الزينه في كثيرمن مواطن العباده
ولكن بحدود فلا يتشبه الشاب بالنساء في التجمل
وقد حث ديننا على التعود على الخشونه وفي الأثر
(( اخشوشنوا فإن النعم لا تدوم ))
يجب عليينا التصدى لهذه الظاهره كل حسب قدرته واستطاعته
اشكر لك اخي فارس على حسن طرقك للموضوع
وأتوقع مستقبل لك في فن الكتابة ومعالجة القضايا التربوية والتى كتبت عنها في أكثرمن موضوع في منتدنا الغالي
وأتمنى لك التوفيق

[عبد الله الفقير]

[align=center] عزيزي

تطرقتـ لموضوع من ( أجمل ) و ( أقوى ) ما قرأت في حياتي في ( الشبكة ) العنكوتية , بالفعل لا مست الجرح ,
لماذا أصبح شبابنا كل همه ( الجل ) و جل تفكيره كيف تكون تسريحه شعره , لا شك أن الدين يوصي بالنظافة
لكن لا و لم يوصي بهذه العادات ,

برأيي أن ما يحدث لشبابنا , سببه الرئيسي القنوات الفضائية و متابعة بعض الشباب الخليجي و كيف يكون ( الجمال )
المزيف و الذي هم يستخدمونه و أقصد بذاك شباب الكويت ,

الجمال الحقيقي جمال الروح و النظافة , لا بـ الجل و وضع الأصباغ و غيرها .. [/align]

[فارس الميدان]

اشكر الجميع على المرور والتعليق

تحياااااااتي للجميع

فــــــــــــــــــــــــــــــارس

[فارس الميدان]

الاخ عبدالله الفقير /
اشكرك على التعليق ولكن ارجو منك عدم التركيز على احدى الدول
لكني لا نتسبب في اسائه لاحد

اشكرك مره ثانيه









تحيااااااااتي /



فــــــــــــــــــــــــــــــــارس