لو كان مديرك غثيث.. وودك تبتسم له.. كيف تتصرف..؟؟

[نــواف]

[align=center]صباح الخيرررررررات ..

أكيد أن في حياتنا بعض الأشخاص غير المرغوبين..
مدرسة.. تتنكد كل ماشافت الموجههة طابة عليها...!!
أو موظف.. ينحاس مريرة ويتلعثم اذا شاف مديره طابن عليه فجأة..
هذه مواقف عادية تصير بيننا كثيررررر

من الاشياء ايضا ..
انك تحس باكتئاب وضيقة وماتقدر تفتح شفايفك عشان تطلع ولو ابتسامة
مع أحد معين من الأشخاص تربطك به علاقة
ومصيبة لو كان هالأحد مديرك والا رئيسك وإلا واحد مهم
على طووووول بيقرر ابعادك عن وجهه .. وان كنت لاتملك حصانة وظيفية .. يمكن يفنشك...!!

أؤمن أن لكل شيء في الحياة حل .. لايوجد مشكلة معلقة...!!
إلا مشكلة فلسطين...طبعا
ولأني كذلك.. فلله الحمد أساهم في حل مشاكل بعض الزملاء
ان قلتوا فراسة.. فهي فراسة .. وان قلتوا دراسة.. فهي دراسة.. حيث تخصصي يفيد ذلك

احد الزملاء كان عنده مشكلة ... طريفة بس مزعجة
يقول ابو الشباب انه مايواطن بعيشة الله مديره في العمل...
يحس اذا دخل عليه ان عزرائيل هو اللي داخلن عليه...!!
طبعا شدة المدير وسوء معاملته سبب في هذا الشيء...
وعشان كذا.. يقول نفسيتي معاه (نعال أبو كريم)- هذا نص ماقاله .. عاد وش معناها .. اسألوه....
الشاهد يقول انه لاجل ذلك.. فأنا غير مرغوب فيني في العمل.. وزملائي مرضي عنهم وانا لا

سالته بوضوح: مالذي تريده بالضبط _ ( قايل لكم ماني هين )
قال اريد ان اكسب وده واخليه راضي عني...
قلت له الأمر سهل... أهم شي تخليه يشوف ابتسامتك على طوووول ، ابعد التكشيرة عن وجهك
قال صعب... حاولت ما اقدر... تول هالرحال ذابحن احد عيالي...!!

قلت له طيب عندي لك طريقة (علمية) ... بس طبقها زين
قال هات.....

قمت... طلبت من رفيقي انه (ينسدح) .. ويسترخي... على الآخر
وانا بحكم خبرتي قاعد اعطيه عبارات ايحائية... شوي وهو نيم
بعديم جلست اطلب منه انه يرسم شخصية لذلك المدير....
تخيله واقفا امامك... انت تنظر اليه.. تخيل أن اذنه اليمنى طوووويلة... تصل لأعلى رأسه.. وأن أنفه طوووويل ولونه أصفر مبقع ببنفسجي.... تخيل جبهة مديرك وقد لونت بألوان الطيف.. احمر اخضر اصفر... وسطها كلمة بلون ازرق هادئ هي : انا مبتسم...

المهم.. جلست معه حوالي 20 دقيقة... وكنت الاحظ تغيير قسمات وجهه واحسه يكتم الضحكة..
قلت له.. تمرن على هذا التمرين... كم يوم... وبتدعي لي...!!

وش اللي صار....؟؟
يقول ابو الشباب.. انه بات اذا شاف المدير مايقدر يمسك نفسه من الضحك... والابتسام..
والمدير يحسبه مبسوووط لانه شافه... بينما رفيقي يتذكر الاذن الطويلة والانف ووووووو
وتحسنت علاقته بالمدير بنسبة 95% جعله من اقرب المقربين له...

طبعا هذي وصفة سريعة..
ممكن احد يظبقها ويدعي لي
لي لايعلم مديره بالسلالفة تصير دوااااهي [/align]

[نــواف]

[align=center]
صباح الخير
احترامي الكبير لمن قام بنقل الموضوع..
لكن لو تمت قراءته جيدا
سيجد أن الموضوع ليس (طريفا) ولا (ساخرا)
هو موضوع يستند إلى رؤى علمية... مستمدة من علم النفس..
هو رسالة لكيفية تواصل بناء وفاعل مع الآخرين...
أكرر .. وجهة نظر أحترمها...[/align]

[د . سداح]

[align=center]اخوي نوااااااااف

مشكور على الموضوع الرائع

بالفعل النااااااااس اجناس

عندك انا مثلاً مديري صاير

كنه جو الريااااض

يوم يجي عنده احسن وااااحد هو سداح

و يوم يجي مكتم ما تدري وش صاير فيه

بس الله لا يجيب اليوم اللي يصير فيه اسوأ واحد عنده

سدااااااااااااااااااااح

حاولت اسايسه لكن مايفيد

قلت يارجال طنش تعش تنتعش

وصرت اخلص شغلي وزيادة شوي و لا التفت له

آسف للإطاله وشكراااااااااااا[/align]

[قاهر]

[align=center]المشكلة معروفة عند المتزوجين

وش يعكر المزاج[/align]

[نــواف]

اقتباس:  المشاركة الأصلية كتبت بواسطة سداح ( سادس ج )     [align=center]اخوي نوااااااااف مشكور على الموضوع الرائع بالفعل النااااااااس اجناس عندك انا مثلاً مديري صاير كنه جو الريااااض يوم يجي عنده احسن وااااحد هو سداح و يوم يجي مكتم ما تدري وش صاير فيه بس الله لا يجيب اليوم اللي يصير فيه اسوأ واحد عنده سدااااااااااااااااااااح حاولت اسايسه لكن مايفيد قلت يارجال طنش تعش تنتعش وصرت اخلص شغلي وزيادة شوي و لا التفت له آسف للإطاله وشكراااااااااااا[/align]

فعلا مسالة الأمزجة هذي مزعجة...
لكن هناك (مفتاح) خفي لو عرفته .. استطعت أن تنقله من حالته المزعجة للحالة السابقة التي اعجبتك...!!
كيف...؟؟
تحتاج لشرح ... لعلي اعود له لاحقا....

[نــواف]

اقتباس:  المشاركة الأصلية كتبت بواسطة قاهر     [align=center]المشكلة معروفة عند المتزوجين وش يعكر المزاج[/align]

وشلون عند المتزوجين...؟
مافهمت...!!

قصدك يعني وجود الملل والضيق بينهما...!!!!؟؟

لا اعتقد.. لأني لايمكن أن أعيش مع وحده أضمر لها مشاعر سلبية...!!!

عن الزوجين... عندي خلطة سرية ساكتبها في المنتدى الاجتماعي ...

بس خلني افرغ زين...!!!

[فهـــــودي]

متاكد منها ولا لا

ومشكووووووووووووووووور

[نــواف]

اقتباس:  المشاركة الأصلية كتبت بواسطة فهــــــــودي     متاكد منها ولا لا ومشكووووووووووووووووور

التجربة خير برهاااااااااااان
وعلمنا باللي يصير معاكم