تعالي لتعرفي كيفية اختيار كريم الأساس حسب لون ونوعية بشرتك
بسم الله الرحمن الرحيم
حبيباتي بنات منتدى بريده
حبيت اعطيكن معلومات تساعدكن عند شراء كريم الأساس
لأني كثير اشوف بمحلات التجميل بعض الحريم تحتار وتلقينها تجرب على بشرة يدها عدة انواع وعدة الوان ويمكن تاخذه وهي اصلا ماقتنعت فيه او ماتدري اصلا اذا يتماشى مع نوعية بشرتها او لا .
لكن فيه طريقة تغنييييييك عن الحوسه هذي كله وتدخلين وانتي واثقه وش اللون اللي انتي تبين ماعليك الا انك تنظرين لكف يدك ووشو اللون اللي يميل له
مثلا يميل للوردي >>> تختارين الأساس المائل لللون الوردي
يميل للون الأصفر او البيج >>> تختارين اللون المائل للأصفر او البيج
وفيه بعض صاحبات البشره البيضاء يتساوى لون كف يدها مع لون بشرتها بهالحاله تختارين لون فاتح مره يميل للأبيض اكثر من كونه يميل للوردي
اما صاحبات البشرة السمراء يختارن اغمق لون من الوان كريم الأساس
اذا اتبعتي هالطريقه راح تطلعين وانتي واثقه من شكلك وانك مو مثل اللي نشوفهم بالأعراس كأنها لابسه قناع لشدة الفارق بين لون بشرتها ولون كريم الأساس
الحين عرفنا نختار اللون المناسب وباقي نعرف نختار حسب نوعية بشرتنا
فيه من تكون بشرتها جاااااافه >> هالنوعيه دائما تكون خشنة الملمس ويظهر عليها قشور >>> بهالحاله لابد من استخدام صنفره قبل وقت المناسبة بعدة ساعات ومن ثم ترطيبها بأي كريم >>> لكن بتسألوني وشو الأساس اللي يتماشى معها
بقووولكم النووووع الثقيييييييل السبب ؟ لان البشره الجافه قابله انها تتشرب اي شئ ممكن تضعينه على بشرتك لكن الأساس الثقيل يصعب امتصاصه وبذالك تضمنين انه يجلس معك وبحاله ثابته لأطول فتره ممكنه
فيه من تكون بشرتها دهنيه >>> هالنوعيه واضحه بظهور الزيت عليها وكثرة البثور ولمعان البشره بسبب ترسب الزيوت >>> بهالحاله لابد من تنظيفا باليوم عدة مرات بأستخدام الصابون وقبل وضع كريم الاساس حاولي تمسحين بشرتك بقطنه فيها اشوي من محلول اسكينول ومن ثم انتظري حتى يجف وضعي الكريم
بتسألوني وشو الأساس اللي يتماشى معها
بقووولكم النوووع الخفييييييييييييييييييف السبب ؟ لأن النوع الخفيف يكون نسبة الزيوت اقل من النوع الثقيل وحاولوا تستخدمون معه بودره خاليه تماما من الزيوووت مثل البودرة الفلبنيه وبكذا تضمنين ثبات الأساس لأطول فتره ممكنه
وفيه من تكون بشرتها حساسه وتتهيج عند استخدام مستحضرات التجميل <<< بهالحاله تستشيرين دكور جلديه عن ماينسبها من مستحظرات التنظيف اما بالنسبه لنوووعية الأساس انصح بأستخدام كلينك لأنه طببببييي
وفيه من تكون بشرتها مختلطه <<< هالنوعيه تكون منطقة الأنف والجبين واسفل الفم دهنيه اما باقي الوجه تكون جااافه >>> هذي اصعب نوع من انواع البشره من ناحية كيفية التعامل معها يعني ندمج ماعرفناه بالبشره الدهنيه والبشره الجافه يعني الاماكن الدهنيه نستخدم معها كريم خفيف وذالك بعد تنضيفها اما بالنسبه للمناطق الجافه نحاول نستخدم النوع الثقيل وذالك بعد ترطيبها
وهذذا كله من دراستي وخبرتي في مجال المكياج وانشاء الله تستفيدووون وتدعون لي
يعطيك العافيه بس ممكن وش احسن نوع ماركة للبشرة الدهنية والبودرة بعد
هلا بك اي ماركه تناسبك بس اهم شئ تكون خفيفه وبالنسبه للبودره انا افضل الفلبينيه لانه خاليه من الزيوت تماما وتخلي الماكياج مايبقع لساعات اطول حتى لاحظي بعض الكوفيرات يستخدمونها واشوف الناس دائما اللي يشوفون معها مثله ينتقدونها ويقولون لاعبة علينا تجيب لنا من الرخيييص ومايدروووووووون وش فايدتها وخصوصا للبشره الدهنيه بس اهم شئ تكون الأصليه
هلا بك اي ماركه تناسبك بس اهم شئ تكون خفيفه وبالنسبه للبودره انا افضل الفلبينيه لانه خاليه من الزيوت تماما وتخلي الماكياج مايبقع لساعات اطول حتى لاحظي بعض الكوفيرات يستخدمونها واشوف الناس دائما اللي يشوفون معها مثله ينتقدونها ويقولون لاعبة علينا تجيب لنا من الرخيييص ومايدروووووووون وش فايدتها وخصوصا للبشره الدهنيه بس اهم شئ تكون الأصليه
هلا بك اي ماركه تناسبك بس اهم شئ تكون خفيفه وبالنسبه للبودره انا افضل الفلبينيه لانه خاليه من الزيوت تماما وتخلي الماكياج مايبقع لساعات اطول حتى لاحظي بعض الكوفيرات يستخدمونها واشوف الناس دائما اللي يشوفون معها مثله ينتقدونها ويقولون لاعبة علينا تجيب لنا من الرخيييص ومايدروووووووون وش فايدتها وخصوصا للبشره الدهنيه بس اهم شئ تكون الأصليه
يعطيك الف عافيه دله ببسي
بس حبيت اقولك كيف يستعملونها البودره الفلبينيه لأني شاريتها من زمان الاصليه بس اذا مسحت السفنجه به مايطلع شي
هل لازم احط مويه بالسفنجه ولا لا
العرض العادي
