ايتها المبائض والأرحام انفتحي ؟ كي يخرج الخبيث !

[بدرالوابلي]

اقتباس:  المشاركة الأصلية كتبت بواسطة احمد النجم     موضوع القراه على المرضى الذي أصبح شبه ظاهره في المجتمع احيانا -للاسف- يتم أستغلاله بطريقه بشعه وقد يصبح مهنه من لامهنه له! وحتى المرضى وذويهم يتعلقون ببعض القراء.. الشفاء عند المسبب وليس عند السبب! ولو اجتهد المريض او القريبين منه بالقراءه عليه لكان اجدى طبعا يوجد اشخاص نذرو انفسهم ووقتهم من اجل الرقيه ويرجون الثواب من عند الله وليس لهم مطامع ماديه . ولكن الذي انتشر هو امتهن بعض العوام وممن ليس لديه مخزون شرعي بالقراءه ..وربما هذا ماينطبق على ماشاهده العزيز /بدر في احدى غرف المرضى .

هلاوالله بخوال عيال بنت بنت خالتي ؟ تراي حاضرن العرس بالرياض وخطيت حرتي بالقويصره من يد مانعدمهاش^^
بس ماشفتك خساره ؟ يقولون انك بلش بالصناعيه اللي بطريق الخرج تدور عمود كرنك حق 240 هارتوب موصى عليه ! امزح ياخو قلبي ومن غلاكم يالنجم صرت امون ...

بالفعل القراءه او الرقيه الشرعيه <لاحظ الشرعيه صارت مهنة من لامهنة له ؟ شوية اكسسوارات على المظهر وتطويل اللحيه ومكياج على الوجه لتكون المسرحيه جاهزه على منصة العرض الخائب للمجتمع ؟ الله يحمانا وذرارينا وشكرا لك استاذي الفاضل احمد النجم على المشاركه

[بدرالوابلي]

لي عوده لباقي الردود في اقرب فرصه ان شاءلله

[بدرالوابلي]

اقتباس:  المشاركة الأصلية كتبت بواسطة الصمت الخجول     لا حول ولا قوة إلا بالله ، لم يكن عند الصحابة رقاة معينين ينشدهم الناس ، بل كان الواحد منهم يرقي نفسه كي يكون ممن وعدهم الله بدخول الجنة من غير حساب . فكيف بالاستعانة براقٍ مبتدع .. ؟! هذه أقرب لشعوذة ساحر منها إلى رقية يستطب بها .. !

هنا مربط الفرس ؟ مرتزقة الرقية الشرعيه باسم الدين في العصر الحديث جاءوا بما لم يجيء به الأولون ! اهونها الأستغلال الفاضح لاموال الناس والتعدي على حرماتهم كما قرانا في وسائل الأعلام من القبض على مدعي الرقيه الشرعيه من قبل رجال الحسبه وفقهم الله وسدد خطاهم الى مافيه خير الأمه حيث وقوفا سدا منيعا لأصحاب النفوس الضعيفه الذين امتهنوا الرقية الشرعيه لأهداف خبيثه والعياذبالله ...

جزاك الله خيرا الصمت الخجول .

[بدرالوابلي]

اقتباس:  المشاركة الأصلية كتبت بواسطة أبو عبدالرحمن’     الجهل مشكلة كبيرهـ لاحول ولا قوة إلا بالله شكرا لك يابدر

الجهل ضيع امم وشعوب وحضارات قامت على الخرافات والخزعبلات ؟فكيف بمجتمع مسلم تم تخديره باسم الدين لمستفيد واحد هو دجال الرقيه والخاسر هو مجتمع بأكمله ان اصبح اسيرا لهؤلاء المشعوذين ! لاحول ولاقوة الابالله .

شكرا اباعبدالرحمن .

[بدرالوابلي]

اقتباس:  المشاركة الأصلية كتبت بواسطة كااااجو     قريبه لي اصيب ولدها بالسكري من النوع الاقشر اللي يضيق الصدر وهو صغير هالمسيكين وجابت شيخ يقرأ عليه ولهط منه 6 الاف ريال في سبيل اخراج الجني اللي بوه وشكله تقاسمهن هو والجني حسبي الله عليه من دجال واللي يقهر قال له وقفي العلاج اللي معطينك المستشفى لأن اللي بو جني مهب سكر وقاسمهما اني لكما من الناصحين هالشيطان وترك العلاج قرابة الشهر وتدهورت حالته حتى شارف على الهلاك وادخل العناية وحاله مايعلم بها الا الواحد الاحد ....وش نسوي بالناس المضطرين واللي يصدقون على طول والا من متى العلاج يتعارض مع القراءة ولكن في مجتمعنا مازال هناك تخلف تقبل اضافتي اخي بدر ياولد الوابلي

الله يشفي قريبك - والمفروض ان ولي امره يتقدم بشكوى للجهات المختصه من باب الأخوه الايمانيه فالسكوت على هؤلاء المجرمين مشاركة لهم في الجريمه بحق المجتمع لأن هناك ضحايا آخرون في قائمة الأنتظار وقد يكونوا اعزاء عليك ؟ لاحول ولاقوة الابالله.
..وشكرا على اضافتك كااجو

[بدرالوابلي]

اقتباس:  المشاركة الأصلية كتبت بواسطة قـتـالـه     والله مو كله تخلف المبتلى بمرض هو اسير الآمه يجرب هنا وهناك واذا بارت حيلته صار يسمع حكاوي الناس يدور الخيره . . ! قريب امي استاذ مشارك بأحد الجامعات صابته كحه مستشره لمدة عام كامل لدرجة انه يربط اضلاعه بحزام خاص عالج هنا وهناك ومافيه فايده سافر الاردن ورجع بعقاقير مهوله بنكهة الصعتر |: اخر شي جرب الكوي ولا جاب نتيجه تدرين وش سوى ؟ شرب دم ضب وقسم :/ على ذمة استشارة اعرابي مايفصخ فروته حتى بالصيف :| شفتي كيف ذابت الشهادات الاكاديميه امام خناجر الالم ! عافا ربي كل مبتلى

مع احترامي لك ياذباحه ؟ فالتخلف بعينه مايفعله المتعلمون بذهابهم الى هؤلاء الدجالين باسم الدين وليس الجهلاء من يوصفوا بالتخلف مع انه ليس هناك جاهل وانما هناك ضعيف الأيمان والتوكل على الله فليس الألم سبيل الى الى ماحرمه الله بالتعلق بما يخل بالدين والعقيده فالله هوالشافي المعافي وحده ! وعقلك في راسك تعرف خلاصك ....

[بدرالوابلي]

اقتباس:  المشاركة الأصلية كتبت بواسطة أحب نفسي     بدر آول شيء دخولك لثلآجة آلموتي صرآحه شيء مُرعب .! آذكر مرهـ دخلت آلمغسلة لتوديع صديقة آلروح , وإلى يومك كل حلومي فيهآ !! مرآت آحلم آشوف آمي بمكآن آلتغسيل ,, و مرآت آشوف آلميته نفسه تفتح عيونه وكأنهآ تصحى ومرآت ,,,, و خذ وخل .! شيء مفزع كآن ,, آلله يرحمهم و يغفر لهم وآلمسلمين آجمعين .! و بآلنسبة للرقيّة آفضل شيء آلوآحد يرقي نفسه ,, آلنآس آللحين صآروآ دعآيآت و آعلآنآت و خذ وخل ,, >>>>>>>>>>>> آنآ تسد قريت ع وحده من قرآيبنآ و تخيل يوم قريت عليه و يجي يغمى علي آنآ >> شكلي آنآ آللي بي آلبلآ ههه و للحين لآطق عودن عود قآلوآ آهلي تخبرين يوم تقرين ع فلآنه همن آغمى عليتس .! هههههههه بدر آشسموهـ ذآ ,, ترآك تقرب لي و تسذآ >> هههه تحس آنه كشخه ترآه ههه

دخولي للثلاجه ومغسلة الموتى مكره اخاك لابطل؟ عسانا ماندخلهن الا وحنا راضين مرضيين واياك ومن تعزين ......


وحلومك طبيعيه ؟ <ابمثل دور دجال واصير مفسر احلام (ايها المخيخ انفتح وايتها الجدايل انقضي........)!

بس لاتعودين له وتقرين على احد ؟ ودي ادري وش يقولن اللي يقرن ؟ (ايتها المدري وشن انقبضي مثلا )!! لاحول ولاقوة الابالله ....

وشكرا لك ياقريبتي العزيزه وحياك الله عند ام محمد في البيت الجديد بس مهوب الحين ؟ لاركبنا المطبخ عقب توزيع الورث حق الصباخ بعد عمر طويل ان شاءلله خخخخخخ

[بدرالوابلي]

اقتباس:  المشاركة الأصلية كتبت بواسطة أحب نفسي     تذكرت مرهـ خآلتي رآحت ب بنته يقرآ عليه و صغيرهـ آلبنت !! وتجي تلقى بدويه معهآ بنيّتهآ عمرهـ 17 آلبنت !! تقول آمه آن بنتي سآكنه 17 جني ع تقول خآلتي توحشت زميت بنيّتي و طلعت آلحمدلله مآقد رحت لأمآكن تسذآ , وآللي يروح غلطآن و ستين .. آلشفاء بيد آلرحمن آلرحيم ,, وأن يرقى آلمريض نفسه آفضل من آللجوء إلى آخرين

الباديه سوق مربح لمدعي الرقية الشرعيه واهلها يصدقون اي شيء بسبب طيبتهم الفطريه فلديهم قابليه عجيبه لتصديق الخرافات التي يروجها مرتزقةالقراءه الموسومه كذبا بالصفه الشرعيه ؟ ومايسمى بالطب الشعبي القائم على الوهم وتسفيه الطب الحديث والتشكيك بالعلاجات الحديثه التي يحاول مدعي الطب الشعبي تجاهلها والزعم بانها غير فعاله في محاربة الامراض حتى يستفيدوا من الهاله الأجتماعيه التي يحيط بها المدعون انفسهم ؟والتي يؤمن بها الكثير من السذج بادية وحاضره نسال الله السلامة والعافيه

حيث تجد ان اكثر المترددين على القراء هم من اهل الباديه ! واي عارض صحي لديهم من كثر مايسمعون عن الجن والعين والسحر يعتقدون انه بسببه ؟ والعجيب الغريب ان اكثر مدعي الرقية الشرعيه هم من اهل الحاضره ؟؟؟؟؟؟؟؟؟؟ قاتلهم الله انى يؤفكون أي المدعين !

[مليار]

بدر وين الجزء الثاني؟؟

[بدرالوابلي]

اقتباس:  المشاركة الأصلية كتبت بواسطة مليار     بدر وين الجزء الثاني؟؟

بالصفحة الثانيه يامليار ...شرفت

[مليار]

فعلا هذا واقع لمن يدعي بأنه راقي ..
فهي وظيفة مضموووووونة الربح


شـــــكـــــرا بدر.

[بدرالوابلي]

اقتباس:  المشاركة الأصلية كتبت بواسطة بدرالوابلي     لي عوده لباقي الردود في اقرب فرصه ان شاءلله

عد فنحن في انتظارك ؟

هه نسيت اثره انت انا !

[بدرالوابلي]

اقتباس:  المشاركة الأصلية كتبت بواسطة مليار     فعلا هذا واقع لمن يدعي بأنه راقي .. فهي وظيفة مضموووووونة الربح شـــــكـــــرا بدر.

واقع مؤلم ومسيء بحق المجتمع المسلم العربي السعودي ؟

ولايهون بعض مفسري الاحلام فهي وظائف مربحه كونها على كادر الخرافات والخرابيط وللاٍسف لها زبائنها ورزق الهبل على المجانين كما يقال !

شكرا مليار .