شايب عينوه مشرف

كروومه · 15-12-10, 09:02 am

السلآم عليكم ورحمة الله وبركآته ..~

مسااائكم ورد
..

..

موضوع قريته وفطست عليه من الضحك وحبيت تشاركوني الضحكه ..
موقف صار لاحد الاخوة مع شايب مشرف في منتداهم يقول عن هالشايب :
أخينا في الله ... إنسان طيب لدرجة كبيرة .. بس مع ذلك هو على نياته
في كل مرة أخش قسم المحذوفات أضحك وبقوة ...
دايم أحذف مواضيع مخالفة ... في ذاك المنتدى ... مثل صور شبه عارية أو موضوع سب إلخ ...
المهم هذاك كل وقت .... يكون في منتدى المحذوفات ياليت يطلع ويمشي
لا ألقاه يعلق وينصح ... وطبعاً منتدى المحذوفات .. ما يطلع عليه غير
الإداريين ... وهو على باله ... القسم مفتوح للكل ... المشكلة أن الرد
يكتبه تقريباً عشرين سطر ... تقدر تلخصهم بكلمتين وهي خاف ربك
ولما أوضح له وأقول المنتدى ما يشوفه غيرنا قال لا ياخي موجود
بالصفحة الرئيسية ... والمشكلة يقول لي بالرسائل الخاصة ياليت
تنصحهم معي ... حاول مدير الموقع معه ما نفع ... قالنا نخليه على وجهه ...
وفي مرة من المرات أرسلت له مشرفة ... رسالة تحب تستشيرة بموضوع ...
قالت له فلان بودي أطرح موضوع كذا وكذا في قسمك .. ما أدري وش رايك
رد عليها في قسمه يعني نزل موضوع قدام الاعضاء
يقول إلى الأخت الموقرة ... فلانه أنا إنسان متزوج وعندي عيال ... أرجو إني ما زعلتك ...
أرجو يكون الكلام قدام الناس مو بالرسايل الخاصة وشكراً
من شان كذا طرحت الموضوع ما ابي يكون الشيطان ثالثنا ...
جفل البنت علينا وتركت المنتدى بسبته ...
والمشكلة المشرف العام يحذف موضوعه ويكتبه مرة ثانية
وحاولنا نفهم بالرسايل ما رضي يفهم يرد عليه ويقول
لابد أنصحها ... المهم البنت أظنها لليوم مافتحت المنتدى وأظن النت كله بعد ...
وفي مرة عقدنا اجتماع ... عشان نحرك المنتدى ونسوي مسابقات تحرك المنتدى
كل واحد منا ... تزهل يعني تكفل ببطاقة سوا أم 100
المهم صار كل واحد منا يسوي مسابقة ... اللي بالخواطر يختار أفضل خاطرة للشهر
واللي في الجوال أفضل برنامج
وهو اختار أسئله يطرحها على الأعضاء ... لمدة اسبوع
واللي يجمع أكثر نقاط ... يفوز ....
أخينا في الله ماشي بالمسابقة تمام ... بس في آخر المطاف
عند تسليم الجائزة اللي هي بطاقة سوا ... تتوقعون وش سوى ؟
بدال مايرسل البطاقة للعضو بالرسائل الخاصة كتب رد في نهاية المسابقة ...
يقول مبرررروك للفائز .. ببطاقة هلا ... وإن شاء الله يكون حافز للنشاط
وهذا رقم البطاقه0000000000000 سجله قدام الكل ...
الرجال اللي فاز بالمسابقة يقول وين البطاقة ...
قال برد في الموضوع قال ياخي ما تشحن
قال والله جديدة ... وظن أنه مالطشها أحد الزوار أو الأعضاء يعني بزعمه منظم
راحت البطاقة وتكفلنا نشتري للرجال بطاقة نرسالها له على الخاص
المصيبة أحياناً ينزل مواضيع في قسمه ...ويكتب أرجو التثبيت ...
وزي منتم عارفين المشرف هو اللي يثبت المواضيع ويفكها ...
لا هو يكتب الموضوع بالقسم اللي يشرف عليه ويقول أرجو التثبيت ...
والله حاله ما كنه طولها ؟؟
المشرف العام تحمله ... لسببين ...أولهم أنه رجال عمره فوق الخمس والأربعين
والسبب الثاني أنه على نياته ... وطيب ...
طولها آخر شيء كتب المشرف العام بطريقة غير مباشرة يقول في قسم المشرفين ..
يا جماعة ... اللي ما يقدر على الإشراف يقدم اعتذاره ...
كان المشرف العام يتوقع أنه يرد ويقول أنا أقدم اعتذاري وش قال هو ...
قال :
فعلاً هناك بعض المشرفين باردين أتمنى يتحركون من شان مصلحة المنتدى
وياليت يتفاعلون مع الأعضاء .... عشان يوصلون لأعلى المناصب ... <_ هع هع
الرجال يخطط على مراقب أو نائب مشرف عام ..هع

تحياتي

الخيال العالمي · 15-12-10, 09:14 am

أول شي طاحت عليه عيني كلامك الأخير @@@@@@@@@@@@@
إثر النية وسط ههههههههه ،،،
لي عودة للقراءة والتعليق ،، بس الحين جاني شغل ،،،،،
أشكرك أخي الكريم .

ابوغرام · 15-12-10, 09:20 am

ههههههه

شكله مايطلع من قسم المحذوفاات بلش يحذف هههه

تااج الورد · 15-12-10, 09:20 am

ههههههههههههههههههههههههههههههههههههههههههههه

ينرحم صدز انه حبيب بس ولو جااهل هاالشويب اجل ارجو التثبيت ههههههههههههههههه

والا رقم البطاقه رازه لي عند العالم هذي بلحاله هههههه

بس ولو مايحقر روحه على اخر هرج له واثق خخخخ

ليتس مكبره الخط تعبت وانا اقرأ

عبود زمان · 15-12-10, 10:33 am

هههههه يامسكين

هذا المفروض يمسكونه ويحطونه بمزرعه ويقولون له هذي ترآه هي المنتدى

قلبي يحبك · 15-12-10, 12:26 pm

ههههههههههههههههههههههههههههههههههههههه لو انا منهم اهج واخلي المنتدى له لحاااااله

ماء يابس · 15-12-10, 01:22 pm

الله يهديه بس!!

t u l i p | n · 15-12-10, 02:43 pm

هههههههههههههههه

هههههههههههههههه

هههههههههههههههه

ياقليبي يالمشرفه ضاع وجهه اجل أنا متزوج وعندي عيال

يااااحياة الشقاااا

والله ماهي حاله

بس ولو يعجبك الواثق خخخخخخخ

آبو بتال · 15-12-10, 02:45 pm

هههههه
المفروض يحط بمزرعة

خّــرشّه · 15-12-10, 03:32 pm

الشـرهه موب عليه الشـرهه على اللي معلمه النت وهو فوق الخمس و اربعين يالله حسن الخاتمه
صـح انه موب كبير مــرره بـس ولو يعني لهدرجه فاضي ماعنده عيال يبلشون ببوهم
او يمكنه موب شايب يمكن واحد من الشباب يلعب على المنتدى يعني بس يستهبل ومثل الدور صـح

ويسلمووا على الموضوع المضـحك

و صدز صدز اني اويتله و رحمته و الله مسكين هالشايب