الطالبات تشتكي

[متيمة]

إلى من المشكتى يا جامعة القصيم فالأمر لايحتمل ...

-تتأخر الدكتورة عن وقت المحاضرة ربع ساعة على الأقل ولا يحق للطالبة أن تتأخر وفي النهاية تأخذ من وقت الطالبة وربما تكون لديها محاضرة أخرى وقد فاتها أول المحاضرة أو قد تكون أخذت من وقت استراحتها . هل هذا من العدل ؟ وهل من تفعل ذلك تستحق أن نقتدي بها ؟

- الجداول والكشوفات حتى الآن لم تنزل من قبل الجامعة نصيحتي تترك في مكانها لافائدة لتنزيلها فقد شارفنا على نهاية الفصل ودعوا الأرضة تتعيش عليها



-أسعار الكافيتيريا الباهضة و كأننا قد استلمنا المكافأة لنصرفها على الكافيتيريا , غير ذلك تنتظر اللحظات الطوال لتدفع جزء من مكافأتك و تحصل على ساندويشة , والذي يرى المنظر من بعيد يظن أننا في مجاعة وأن هذه تبرعات توزع بالمجان.



-الفوضى العامة في الساحة من ناحية ترتيب الطاولات والإهمال التام للنظافة .


-دورات المياه أعزكم الله لا أدري هي مسبَكة أم لا ..!؟

لكن لا أعتقد ذلك .




-بعض الموظفات والكبر العظيم و كأنك تطلب منها الدنيا و ما فيها وقد نسين أن هذا ما كلفن به فـ كم طالبة ضاع مستقبلها بسببهن ولدي الكثير من مآسي ضحايا جامعة القصيم




من المسؤول يا كلٌ من :

- د . محمد الوطبان

- د . منيرة العبدان

- د . نوال الثويني



وفي النهاية أقترح تغيير وكيلة الكلية ووضع مكانها من يستحق ذلك المنصب وليس ذلك بصعب لمن حرص على طلب العلم





ابنتكم :

أ . م . ش

طالبة في كلية التأهيل - قسم قرآن ودراسات إسلامية - الفرقة الرابعة

[نجداوي]

اتمنى صوتك يوصل للمسؤالين المذكورين اعلاه .

احترامي .

[جلوي العتيبي]

الثقافه القديمه

الأستاذ الجامعي لارقيب عليه لازالت سائده وبعض الأساتذه فاهم العمليه بطريقه عجيبه !!!!

اما وضع الكليه بهذه الصوره التي ذكرتي فهو لايرمز لأي معنى من معاني هذه المرحله الراقيه في كل شيء

كان الله في عونكم

[كاترينا]

لاحول ولاقوة إلا بالله’’
احتسبي الاجر وتذكري انك في طلب العلمـ
ولاتكثرين التشرهـ وخلتس قنوعة .ذذ
وترى مابقى شي وتخرجين’’’

[متيمة]

تتتتش وحنا قادرين نتعلم منهم اكره مشكلة الحريم لاصارن يرأسن حريم صارن ديكتاتورات
وش عاد لاصارن عجز

[متيمة]

ياليت يا تنقلونه لقسم بريدة ولو يحصل بعد يحط بالمجلس عشان ابرد تسبدي

[جذابه بطبعي]

الله يعينا وياكم ...

[ورده الأمل]

الله يكون بعونكم ,,,الصراحه جيتي على الجرح ,,, ذكرتيني الايام اللى عشنا في مذله من الوكليه واللى تحته تصدقين يوم كنا في المستوى الخامس رافضه تفتح قسم رياضيات تقول علوم ورياضيات واحد راح تدرسين في الابتدائيه يعني كله واحد خير ان شاء الله غضب ندرس علوم بس الحمد الله فتحنا القسم من فوقه من الجامعه والحمد الله تخرجت من قسم رياضيات ,,, , .>>>,وان اقولتس تحملي مابقى شي وتتخرجين <<<

[| ~ ســمــو ~ |]

آآآه ذكرتيني للزمان الاغبر !!

الله يعينكم ووسعوا صدوركم وطولوا بالكم
وحطي ببالك انك تبي تخرجين وانت ماشفتي شي من التغيير اللي تكلمتي عنه ،
قولي ليش ؟
لانه يبي سنوااات عشان يسمع صوتك ثم يبي اضعاف اضعافها عشان التنفيد وذاك الوقت الله يرحمنا برحمته ..

ما استغربت .. طبيعي هالشي في البلدان الناميه

[متيمة]

[align=center]شغلهم مب طبيعي قسم
تخيلوا:
- وحده قالوا له أجلي الترم مانزل لك ولا مادة يوم راحت للعبدان ونضفته نفض نزلت له مواد
-والثانيه جت تاخذ وثيقته مالقوا الا 3 مستويات وشلون يعني تعيد دراسته مثلا
-والثالثه منجحينه بمواد مادرستهن
-والرابعة طلع تسجيله بالتأهيل يوم جت تختبر قالوا انتي بالآداب وعيوا الآداب تختبر قالوا له ارجعي للتأهيل وراح عليه اختبارين وهي تردد بين الكليات هي ومجموعة بنات معه طبعا
-والفرقه الرابعه قالوا لهم احذفوا مواد المعدل مايتحمل وادرسوا السنة الجايه متى صارت ذي

وكل ما رحنا لموظفه قالت مالي دخل
تحرونه منهو اللي له دخل اجل ...

ولو أبتل أكتب ما خلصت [/align]

[زوجه رجل]

--------------------------------------------------------------------------------

من شرط المنتدي عدم التشهير والتجريح وين انتم يامسؤلين المنتدي
يأختي العزيزه تقولين مستوي النظافه متدني هذا من الطالبات امثالك ولا الشهاده لله كنت مره متأخره واناظر الطاولات بعد البنات ولاها زززززباله حتى النعمه مالها قدروتعالي من بكرا الصبح تلقين الطاولات فاضيهونظيفه هذا وش معناه خلي بس المهيلللط الزااايد عن حده ولا الحمامات اوالفوط الصحيه اعزكم الله ومن عندي والسامعين "مناظرطبيعيه " جنااان من حطهن الموظفات والحراس مثلاً
وتقولين والاسعاريأعزيزتي بكل مكان ورقه تقول واذا فيه اي زياده في الاسعار راجعي صندوق الطالبات حتى مهتمين بخواطرنا اذا فيه اي شكوي من عاملات المقصف راجعي صندو ق الطالبات انا يامهارجتك ولا يهونون الحاضررين رحت لصنوق الطالبات ولقيت منهم كل الرحابه والادب والاهتمام حتى انها نادت وحده من اللي يبيعن ونفضته نفض قدامي وش تبين اكثر من ها الحبابه
واللي تسب نوال الثويني ومنيره العبدان انتي تعاملتي معهن اصلاً هن دائما في صفنا ولا الوطبان ابرااااااي لله مااعرفه مع اني اسمع عنه هرج زين
واتقي الله يامن جعلتي سعه الصدر والوناسه في التشهيييير بخلق الله وتذكري ان مايلفظ من قول الا لديه رقيب
واللي مهوب عاجبه على هاذي

[متيمة]

اقتباس:  المشاركة الأصلية كتبت بواسطة زوجه رجل     --------------------------------------------------------------------------------

اقتباس:  المشاركة الأصلية كتبت بواسطة زوجه رجل     من شرط المنتدي عدم التشهير والتجريح وين انتم يامسؤلين المنتدي << مديرة المنتدى مثلا !! يأختي العزيزه تقولين مستوي النظافه متدني هذا من الطالبات امثالك ولا الشهاده لله كنت مره متأخره واناظر الطاولات بعد البنات ولاها زززززباله حتى النعمه مالها قدروتعالي من بكرا الصبح تلقين الطاولات فاضيهونظيفه هذا وش معناه خلي بس المهيلللط الزااايد عن حده ولا الحمامات اوالفوط الصحيه اعزكم الله ومن عندي والسامعين اقصد بالنظافه نظافة الأرض "مناظرطبيعيه " جنااان من حطهن الموظفات والحراس مثلاً وتقولين والاسعاريأعزيزتي بكل مكان ورقه تقول واذا فيه اي زياده في الاسعار راجعي صندوق الطالبات حتى مهتمين بخواطرنا اذا فيه اي شكوي من عاملات المقصف راجعي صندو ق الطالبات انا يامهارجتك ولا يهونون الحاضررين رحت لصنوق الطالبات ولقيت منهم كل الرحابه والادب والاهتمام حتى انها نادت وحده من اللي يبيعن ونفضته نفض قدامي وش تبين اكثر من ها الحبابه اهرجي عن كان بك سنع انا مالقيت احد واللي تسب نوال الثويني ومنيره العبدان انتي تعاملتي معهن اصلاً هن دائما في صفنا ولا الوطبان ابرااااااي لله مااعرفه مع اني اسمع عنه هرج زين وهم فتحوا لنا مجال نهرج ؟ واتقي الله يامن جعلتي سعه الصدر والوناسه في التشهيييير بخلق الله وتذكري ان مايلفظ من قول الا لديه رقيب واللي مهوب عاجبه على هاذي

الساكت عن الحق شيطان اخرس
لمتى وحنا نسكت !!!
كرهونا الدراسه

[خفايا الروح]

زوجه رجل وش هالحب البنت العبيدان والثويني ودي مره اسمع احد غيرك يمدحهن والله كلهن شايفتن انفسهن على وش مادري
وبعد سكرتيره وكيله كليه التربيه والله يهي شيفتن نفسه علي وش مادري والمشكله كانت قبل سنه مشرفه بقسم التاريخ
اصلن اغلب السعوديات اذا امسكت وظيفه لو هي مشرفه وممعه غير شهاده المتوسط
بس الحمدالله اني تخرجت وافتكيت من وجع الراس والمشاكل مع هالدكتورات
ومتيمه الله يوفقك ويكون بعونك وتتخرجين

[الخيآلي]

الله يعينكم
واتمنى صوتك يوصل لهم

[صواديف الدهر]

واجب علينا ان نرتقي باسلوبنا وحوارنا
فليس الدعوه كيديه او انتقام لنرد عليها بهذا الاسلوب
فالطالبه تكتب معاناتها ووجهتها الى اهل الاختصاص فنتمنى ان تصل لهم
ليتحققو منها فان كان هنالك تقصير كما ذكرت اختنا فيتم اصلاحه وان لم يكن كذالك فلن يظلم احدا في الموضوع...........


انا لست طالبه في هذه الكليه ولكن كنت طالبه في كليه الاداب ثم انتقلت الى الشريعه ورايت امور مماذكرت الاخت من عدم النظافه في الكافتريا حتى كرهنا الاكل في الكليه وهذا يرجع الى المطعم المتعاقد معه فاللاسف الجميع يشتكي من عدم نظافته والطامه الكبرى ان جميع الكليات تتعاقد معه
اما عن النظافه العامه في الكليه فمؤكد ان اي مكان يجتمع فيه اعداد كثيره سيتسخ ويحتاج الى تنظيف فمن غير المعقول انه سيستمر الى اليوم التالي^^كما ذكرت الاخت,, زوجه رجل,,ولكن الواجب على الكليه توفير شركه تنظيف تكون متواجده في الكليه فقد رايت ذالك في كليه الشريعه وكانت الكليه في اجمل شكل حتى نهايه الدوام حتى المعقمات ومعطرات الجو تستخدم ولكن للاسف بعد شهر انهو التعاقد معهن
ولو كل كليه تعاقدت مع شركه تنظيف لاصبحت كلياتنا في منتهى النظافه