فطورنا ماتغير من يوم عرفنا رمضان !!

[عاشق ديرتي بريده]

برمضان نستعد استعداد تام للأكل

واول مايجي طاري رمضان يجي طاري عجينة السمبوسه والشوربه

الافطار معروف لدينا الا ماندر

تمر وماء وشوربه ومعجنات

ومن لم يفطر بالمذكورات نستغرب منه !!

استغرابي على اي اساس اصبح الافطار مائده معروفه لا تتغير !

وفي اخر الشهر تحصلنا ملينا من السمبوسه وننتظر رمضان يخلص علشان نتركه !!

كنه غصب

هل فكرتوا يوم من وين اخذنا العاده !

مثل الغداء معروف انه رز ومعه لحمه او دجاج ولبن !!

حتى اللي مايأكلون رز تحصلهم مايتغدون لأنهم مايشتهونه !

[اسمـرني]

احمد ربكـ واشكرهـ غيركـ مالقى يأكل ..ويفطر على مويه بس

[>ريانه<]

عاد حنا نزين السمبوسه برمضان او غير رمضان

لكن نفس التفكير فعلا ليه قبل رمضان الناس قدورهم تدهر من الف والفيف

مثل اخوي اليوم امي مازينت سمبوسه يقول مو فطور ذا استغفر الله ههههههه

عاده شينه الصدز

مايحمدون ربهم

[╝◄ ساندرا ►╚]

مثل ماقال اسمراني احمد ربك غيرك ماعنده شي يفطر عليه

مو مهم ليش مايتغير فطورنا وصار عاده
الاهم كيف نغيرونطور انفسنا في رمضان
اذا احنا مقصرين في رمضانات الي راحو نحاول نعوض في رمضان هذا
مثلآ الي ماعمره ختم القران يختم في هاشهر
والي ماقد تصدق في رمضان يتصدق على المساكين الي في كل مكان
المفروض نستغل هالفرص في هاشهر

ودمتم بخير

[العالميه]

هذا اللي مميزه ...اللقيمات والسنبوسه
الله لايحرمنا يارب...
وبعدين التراويح والقيام بس في رمضان
ماقلت ليه بعد؟؟؟؟

[صرقعة جيل]

فعلاً؟؟؟؟؟؟
؟

[سـمـاء]

هو صحيح نفس النوع بس يختلف الطعم كل يووم

ــ
وفي اياام نسووي عشااء كبسة من احلى مايكون
وفطور بسيط
كله عشان النفس تنفتح
يعني خلاصة الموضوع على حسب الأسره واللي تعودو عليه

[ونة خفية]

اقتباس: فطورنا ماتغير من يوم عرفنا رمضان !!

من سابع المستحيلات كسر هذه العادة الرمضانيه الوثيقة
فيما بين رمضان والشوربه والسمبوسه والتوت < لا أحد ينساه
والمشكله ماتحس بطعم وحلاوة رمضان إلا بها
وراح تتوارث جيل بعد جيل
ونوعيه هذا الفطور اعتقد أنها من بقايا ماخلفه الترك ايام الحكم العثماني
وعادة الغداء بـ الرز إيضا اعتقد من خلال تعامل واختلاط التجار الهنود مع العرب
وتبادل الثقافات الغذائيه فيما بينهم
ولاننسى الثقافه الغذائيه الأندنوسيه يتفطورن ويتغدون بإندومي
وبناتنا نفس الشيء يتفطرون ويتغدون بإندومي يالله لك الحمد

[عاشق ديرتي بريده]

اقتباس:  المشاركة الأصلية كتبت بواسطة اسمـرني     احمد ربكـ واشكرهـ غيركـ مالقى يأكل ..ويفطر على مويه بس

الحمدلله والشكر

وانت شايفن مصور توت بارد ومرسله لفقير !

على العموم جزاك الله خير

[عاشق ديرتي بريده]

اقتباس:  المشاركة الأصلية كتبت بواسطة >ريانه<     عاد حنا نزين السمبوسه برمضان او غير رمضان لكن نفس التفكير فعلا ليه قبل رمضان الناس قدورهم تدهر من الف والفيف مثل اخوي اليوم امي مازينت سمبوسه يقول مو فطور ذا استغفر الله ههههههه عاده شينه الصدز مايحمدون ربهم

تذكرت بنتي مسوين العشاء رز وتقول بتله غداء !

[عاشق ديرتي بريده]

اقتباس:  المشاركة الأصلية كتبت بواسطة ܔ ســـاندرا ܔ     مثل ماقال اسمراني احمد ربك غيرك ماعنده شي يفطر عليه مو مهم ليش مايتغير فطورنا وصار عاده الاهم كيف نغيرونطور انفسنا في رمضان اذا احنا مقصرين في رمضانات الي راحو نحاول نعوض في رمضان هذا مثلآ الي ماعمره ختم القران يختم في هاشهر والي ماقد تصدق في رمضان يتصدق على المساكين الي في كل مكان المفروض نستغل هالفرص في هاشهر ودمتم بخير

جزاك الله خير

[عاشق ديرتي بريده]

اقتباس:  المشاركة الأصلية كتبت بواسطة العالميه     هذا اللي مميزه ...اللقيمات والسنبوسه الله لايحرمنا يارب... وبعدين التراويح والقيام بس في رمضان ماقلت ليه بعد؟؟؟؟

والله مادري وش ارد عليك !!

لكن انا اتكلم عن عادات وماتكلمت عن دين !

[فديكا التميمي]

وهي اوقفت على رمضان عاده مثل هالعادات اللي عندنااا لا اكثر ولا اقل
لكن اللحين هالاكلات بكل وقت اللهم الشوربه والتوت والعصير برمضان وبس...

[عاشق ديرتي بريده]

اقتباس:  المشاركة الأصلية كتبت بواسطة صرقعة جيل     فعلاً؟؟؟؟؟؟ ؟

وهــ لقيت احد مثلي !

[ابو ريما الخالدي]

ياعاشق الحمدلله على كل هالنعمه
واللي عرفنا بالسمبوسه راجع مدونتي وتعرف
منين عرفناها
والشوربة هذي من القديم معروفه وقديماً تسمى ( دويفه )
والعصيرات جت مع قدوم الخوجات والعمال العرب
ووووووووبس