الله يعينك على غربتك ..
تبي طبق سهل ولذيذ !!
شف وأنا أختك ..
تحب المكرونه ؟!
زين تابع ..
طبعاً بإمكانك تشتري أي نوع تحبه أكواع (زي شكل الي بالصوره فوق) , مكرونه طوال .. الي تبي ..
لكن نصائح لك قبل لاتشتري ..
اذا تحب النوع العريض الي على شكل كوع أو أنبوب اشتري الصغير منه علشان أسرع بالنضج من الكبير .
أما إذا تحب الطوال ,, كسرهن إلى 3 أجزاء أو اثنين .
نبدأ الحين الطبخه :
المقادير :
نصف علبة مكرونه <<اذا ودك حط كل العلبه وحطه بالثلاجه وابدأ سخن منه اذا اشتهيت . بس عن نفسي ما أفضل كذا .
ملح حسب الرغبه .
بهارات حسب الرغبه .
نصف حبة ماجي أو أقل .
شوي زيت
قشطه
زبادي
كمية القشطه والزبادي على حسب الرغبه اذا تحبه تكون غنية بطعمهم حط العلب كامله واذا لا اكتفي بالقدر الي تحبه .
ولا تخاف ماراح يبين طعمهم لو كنت ماتحبهم .
يعني أنا ما أحب القشطه لكن اذا حطيته مع المكرونه مايبين له أي نكهه .
الطريقة :
فوّح ماء بالبريق ..
وحط المكرونه بقدر واذا فاح الماء صبه عليه وخله يغطيه بقدر 2سم
وشب عليه النار على الشعله الصغيره.
حط الملح والبهارات والزيت ..
وخله تطبخ ..
بعد ما تلاحظ انه بدت تنبر (يطلع منه فقاعات 
) اقصر عليه على أقل شيء الي يسمونه نمل أو خريزات .
واخلطه بخفه علشان ماتتكسر .
بعد كذا كل 5 دقائق ناظره واخلطه علشان ماتلزق بالقدر وتبلش بعمرك .
ترا طبخه ما يأخذاكثر من 20 دقيقة أو 25 .
بعد ماتحس ان الماء حول يخلص ذقه علشان تتاكد من :
1- طعم الملح ..
2- نضجه ولينه ..
اذا حسيته قاسيه زيده ماء أقل من مستواه وخله تطبخ واذا هي زينه الحمدلله قربت تخلص .
اذا نضجت ووصلت للقدر الي تفضله من النضج وشربت الماء حقه <<<حتى لو ماشربته كله وحسيته خلاص زينه اشخله بقدر ثاني وخل معه شيء بسييييط من الماء يمكن ربع فنجال .
وحط عليه الزبادي والقشطه وخله تطبخ شوي على أقل شيء من النار (النمل أو الخريزات) علشان يتجانس معه طعم القشطه والزبادي ومايصير لهن نكهه به .
وبالهناء والعافيه ..
تراه سهله وما تـأخذ جهد بس أنا مطولة بالشرح علشان ما تغلط به همن تدعي علي ..
وبالهناء والعافيه .
.gif)
الله يحرم ايدينك عن النار
آآآآآآآآآآي
العرض العادي
