معركة حامية بين (4 سعوديات) لالتقاط صور مع مطرب مشهور!!!

[خن بط]

حامد العلي - سبق- الدمام: نشبت معركة حامية بين أربع فتيات سعوديات, داخل أحد قصور الأفراح بالمنطقة الشرقية, بسبب تسابقهن على التقاط الصور التذكارية مع مطرب عربي شهير كان يحيي الحفل, وقد بدأ الأمر بملاسنة بين الفتيات الأربع, وتطور إلى عراك استخدمن فيه الأيدي وشد الشعر .


وقالت إحدى المدعوات لـ"سبق" إن أصحاب حفل الزفاف دعوا المطرب المعروف لإحياء حفل زفاف ابنهم، وخصصوا له ولفرقته أماكن خاصة في القاعة، إلا أن بعض الفتيات ذهبن إلى المكان المخصص إلى مكان الفرقة وصعدن للمسرح لالتقاط صور تذكارية مع المطرب، لكن بعض الفتيات من أقارب العريس حاولن منع أي فتاة من الاقتراب إلى الفنان، فنشبت بينهن ملاسنة سرعان ما تحولت إلى عراك بالأيدي، ما دعا الفنان إلى التوقف عن الغناء أكثر من ساعتين قبل أن يستأنف الغناء بعد تعيين حارسات أمن من قِبل إدارة الصالة، لمنع الفتيات من الصعود للمطرب والتقاط الصور معه وهو يغني !(منقول).
ياأمة ضحكت من جهلها الأمم !! يالله شلقوا بنات ويبن يصورن مع فنان ..ياأحبائي أن الحياء والدين عند البنات قد ذهب إلا من رحم ربي.
أمهات المستقبل يبن يصورن مع فنان .هزلت والله هالنوعية من البنات من المستحيل أن أثق فيها كزوجه .

[ابوغرام]

اقتباس: ياأحبائي أن الحياء والدين عند البنات قد ذهب إلا من رحم ربي.

هوه مادريت انه قضى ون الي رحمهن ربك تزوجن بعد
اغديك تدوره بالشام ولا بافريقيا ههههههههههههههههههههه
كل ماشذت وحده عممو على الجميع وقللو الصالحات

[شميساوي]

إذا أنتزع الحياء من النســـــاء ,,, فـ أنتـــظر الســـــآعه

[الشام شامي]

نعم والعياذ بالله اذا انعدم الحياء قل على الامة السلام والله تشوف بعض تصرفات البنات تقول هذه بنات شوارع للاسف ان الحياء شعبة من شعب الايمان

[سني متبع]

السلام عليكم ورحمة الله وبركاته ،،،
اللهم صل على محمد وآل محمد ،،،

ألأخ الفاضل كاتب الموضوع (خن بط) ،،،
كيف حالك؟ ،،، أسأل الله أن ينفع بك الإسلام والمسلمين ،،،

بالفعل واقعة أدمت فؤادي قبل أن أدمعت عيني ،،،

بقي أن أشير إلى أن ماحدث -(إن صح الخبر)- لايعكس حال فتياتنا بأجمع ،،،
فكما أن هناك فئة طالحة ، فالصالح موجود وهو الباقي والمنصور حتى وإن كان قليل فهو سيكثر بإذن الله إن عاجلاً أم آجلاً ،،،

في الأخير جزاك الله خيراً على غيرتك على دين الله وأسأل الكريم بمنه وجوده أن ينفع بك الإسلام والمسلمين إنه على كل شئ قدير وبالإجابة جدير ،،،

تذكرت هذا البيت عندما قرأت الخبر ،،،
رحم الله أبا حفص عمر***وسقى بقعته صوب المطر
ترى هل سيكون الحال هو الحال لو كان أبا حفص موجود ،،،؟
رضي الله عن صحابة رسوله أجمعين ،،،
اللهم صل على محمد وآل محمد

[اللورد حمود]

و خزيااه ..... لا تلقاهن بنات ناس و امهاتهن من اطيب العوائل و اخزياااه بس

عاد تراها ماهي جديدة مثل هالحركات الماصله ، تذكر يوم يجي فزاع لبرج المملكة يوم يتناطحن عشرات العنزات عليه عرفت ان كل العنزات ذيك الليلة رخيصات مثلهن مثل اللي تبيع الهوى ..،

[طَبعيّ صَريحْ]

في بداية الامر :
انا لا إلقي اللوم على تلك الفتيات !!!
والسبب :
لان اللوم كل اللوم على أهلي أصحاب الزوج ..
كيف يمكنهم من دعوة الفنان بين النساء ..
شي غير معقول ....
من سياق الخبر أستشف ان المطرب ..
كان في قاعة النساء !!!!
لاااا تعليق ...

اما عن تلك الفتيات فا أقول :
إذا كان رب البيت بالدف ضاربُ ،،، فشيمة اهل البيت الرقص ...شاكر لك خن بط على الموضوع الرائع ..
وتقبل مروري وتعليقي طَبعيّ صَريحْ.

[الزنون]

[align=center]

اقتباس: بعد تعيين حارسات أمن من قِبل إدارة الصالة

ودي اصدق بس عجزت ما دخلت راسي
الحين مطرب وعربي بقسم النساء
لا وحارسات امن
ليش ما جابوا حراس ذكور
دام المطرب داخل عندهم

وليتهم معطيني خبر
عشان اصير انا حارس الامن
[/align]

[عجوز سمنسي]

[align=center]المسألة تتعدى المضاربة ياخن بط

المسألة اكبر من هذا

مطرب عربي وبين النساء مع فرقته في بلادنا ؟

وين حنا فيه

انا ما اشره على الحريم اللي تتهاوش عقول الحريم وهذا طبعهن

قلة حياؤ وقلة عقل

لكن الشرهة على الذكور اللي عندهم وجايبين مطربين بين حريمهم ورجال تناظر

اتوقع المطرب المسكين جته حالة اشمئزاز من الوجيه اللي يشوفها واتخيله يقول يلعن ام الفلوس اللي ذلتني وخلتني اشوف الوجيه الكشابير [/align]

[عذبـــــة]

اقتباس:  المشاركة الأصلية كتبت بواسطة عجوز سمنسي     [align=center]المسألة تتعدى المضاربة ياخن بط[/align][align=center] المسألة اكبر من هذا مطرب عربي وبين النساء مع فرقته في بلادنا ؟ وين حنا فيه انا ما اشره على الحريم اللي تتهاوش عقول الحريم وهذا طبعهن قلة حياؤ وقلة عقل لكن الشرهة على الذكور اللي عندهم وجايبين مطربين بين حريمهم ورجال تناظر اتوقع المطرب المسكين جته حالة اشمئزاز من الوجيه اللي يشوفها واتخيله يقول يلعن ام الفلوس اللي ذلتني وخلتني اشوف الوجيه الكشابير [/align]

اول شي الحمد لله على سلامتك وعودا حميدا
ماشاء الله هالمرة جاي العفو عنكم والإفراج قبل دخول رمضان بفترة طويلة شوي
او ان قضيتك هالمرة مو قتل ولا سرقة
اعتقد مغازل كم عبده بحديقة الإسكان ومبلغة عنك لأنك رفضت تشحن لها بعشرة ريال
كان شحنت وفكيت نفسك من الفضايح والسجن
وكان مامعك انا اعين واعاون ترى الفلوس وسخ دنيا

الزبده .. انت ماتدري ان هالفنان يقول في نفسه اثري ضايع بديرتي !!!
يشوف الزين اللي دايما مغطى ويقول يابختكم ياسعوديين

هالفتيات اللي اتهاوشن على التصوير معاه انا اجزم ان اعمارهن ماتتعدى العشرين يعني بزارين الوحده عقلها ماجمد مثل الجلي

البلا فيكم يارجال ياشنبات ياابوهات العيال يامتزوجين ياعقال يامربين ياللي عليكم القيمة الواحد اذا شاف شغالته مرت بالصاله وهو يناظر التلفزيون فز قلبه وبدا يناظر حرمته ويقول ليتك تنامين ولا تقومين ياوجه الفقر
شلون اذا شاف مطربه ؟؟؟
يوقفها ويسوي ضجة عشان صورة معها .. واذا اخذ الصورة تلاقيه حاطها بالماسنجر يوري البنات وحاطها في بروفايله اللي بجواله ورازها بكل اجتماع له هو ورجال دلوخ مثله
ابي اعرف وين الرجوله ماادري
نسيت هبال الاسمراني عند هذيك المذيعه؟؟
هذا واحد من مليون
انا غاسلة يديني منكم والله .. البياض ظهر بوجيهكم وقلوبكم للحين سودااء يبيلها تنظيف بفلاش عشان تصيرون رجال صح وتحترمون انفسكم وزوجاتكم وبيوتكم وعيالكم
الله يكون بعونكن يازوجات .. الصراحة ماتنلامن تناظرن هالفنانين الشقران واذا التفتن على ازواجكن تعوذتن من ابليس
اخخخ يالقهررر

[عجوز سمنسي]

اقتباس:  المشاركة الأصلية كتبت بواسطة عذبـــــة     اول شي الحمد لله على سلامتك وعودا حميدا ماشاء الله هالمرة جاي العفو عنكم والإفراج قبل دخول رمضان بفترة طويلة شوي او ان قضيتك هالمرة مو قتل ولا سرقة اعتقد مغازل كم عبده بحديقة الإسكان ومبلغة عنك لأنك رفضت تشحن لها بعشرة ريال كان شحنت وفكيت نفسك من الفضايح والسجن وكان مامعك انا اعين واعاون ترى الفلوس وسخ دنيا الزبده .. انت ماتدري ان هالفنان يقول في نفسه اثري ضايع بديرتي !!! يشوف الزين اللي دايما مغطى ويقول يابختكم ياسعوديين هالفتيات اللي اتهاوشن على التصوير معاه انا اجزم ان اعمارهن ماتتعدى العشرين يعني بزارين الوحده عقلها ماجمد مثل الجلي البلا فيكم يارجال ياشنبات ياابوهات العيال يامتزوجين ياعقال يامربين ياللي عليكم القيمة الواحد اذا شاف شغالته مرت بالصاله وهو يناظر التلفزيون فز قلبه وبدا يناظر حرمته ويقول ليتك تنامين ولا تقومين ياوجه الفقر شلون اذا شاف مطربه ؟؟؟ يوقفها ويسوي ضجة عشان صورة معها .. واذا اخذ الصورة تلاقيه حاطها بالماسنجر يوري البنات وحاطها في بروفايله اللي بجواله ورازها بكل اجتماع له هو ورجال دلوخ مثله ابي اعرف وين الرجوله ماادري نسيت هبال الاسمراني عند هذيك المذيعه؟؟ هذا واحد من مليون انا غاسلة يديني منكم والله .. البياض ظهر بوجيهكم وقلوبكم للحين سودااء يبيلها تنظيف بفلاش عشان تصيرون رجال صح وتحترمون انفسكم وزوجاتكم وبيوتكم وعيالكم الله يكون بعونكن يازوجات .. الصراحة ماتنلامن تناظرن هالفنانين الشقران واذا التفتن على ازواجكن تعوذتن من ابليس اخخخ يالقهررر

تصدقين قهر الواحد يسجن علشان شحن بقيمة عشرة ريال

بس يالله حنا بدولة القانون اللي على كيفهم

ماعلينا

لا لاتصدقين ابد انه من الممكن ان المطرب العربي يقارن بنات ديرته بالمطلسات بالمحاييج

الحين افتحي قناة لبنانية وشوفي الحريم اللي فيها

مايعرفن المكياج ابد ومع ذلك يالله من فضلك

المطرب هذا قاعد بالحفلة يتعجب ويقول كم يصرفون على البويات اللي حاطينها

وربي لو تغسلون وجيهكم مايفطر الصايم عندكم

بس احمدن ربكم ان الله عطاكم البترول واغتنيتوا وصرتوا تستوردون المكاييج اللي رقعت فيكم ترقيع

والا نصف وجيهكم مطبات مثل مطبات طريق الناصرية

وبعدين بنات بالعشرين وعقولهن للحين تقل جلي يرج ؟

اجل متى يعقلن ؟ يعني ماهو السن القانوني للرشد ؟

بنات الغرب سن الرشد عندهم 18

شكل الرشد عنكم بسن الخمسين ويالله يالله تعقلون

انا ما الوم اللي يناظر شغالته

تدرين ليه

يناظر اللي بجنبه وكأنه شايف عزرائيل ياكافي
شعر منفوش

وخشة مشسفة

وتطق حنك

وتكلم بالجوال وهي تمطمط خشته وتقول : هوووووو عساه للطاعون ورااوووووو يعرس على مرته

وربي تحوم تسبده من شكلها

الشغالة وهي شينة ازين من مرته العوبا

عاد لاتنسين تكفين اذا بغيتي تغسلين يدينك تغسلينهم بكلوركس انظف لهم

هلا فيك

[الشرق الأدنى]

مع أنها قضيــة خاصــة إلا أنها تعكس صورة قادمــة لامحالة .. لأوضاع الأفراد والأُسر .. وتخليهم عن تعاليم الدين الإسلامي .. وعاداتنا وتقاليدنا وموروثنا العظيم .. وهويتنا !!!


المشكلة لاتتركز في زاوية ضيقة ! علينا أن ننظر الى مسبباتها ونقرأها بعين الرقيب .. الحر الشريف ! لا بعين النفاق والتدليس والهروب من الحقيقــة .


عندما نقول أن المجتمع بدأ يتحول الى مجتمع هجين مسخ .. حتى بدأ الخطر يحوم حول الأُسر المحافظــة .. وأنه لم يعد لصلاح التربية وتغذية الروح بنسائم الإيمان ذلك الأثر الكبير .. فالفساد كالسم يتسلل الى الشرايين ! ولايمكن مواجهة شرور أهل الفساد وأدواتهم بنصيحة المجتمع وتبيان خطرهم وخطر دعاويهم .. وكأننا كالبنّاء الذي يبني وغيره يهدم ؟؟؟


أقول / إذا أردنا أن نصوب سهامنا فلنصوبها الى المتسبب الحقيقي .. وإلا فالصمت .

مجتمع تربى على قنوات المجون والخلاعة ؟ بالتأكيد سيكون هذا حاله !


رحم الله الحق .. فقد دفن تحت ذريعة الفتنة ؟

[كلوز]

للأسف الشديد حال أمتنا مبكي جدا للغايه !!!

ودخول تلك القنوات اللعينه إلى البيوت ماهي إلا سببا من أسباب تعلق الفتيات بالفنانين

الله يصلحهن

[..همسة عتآآب..]

يقول الشيخ عبدالرحمن البراك حفظة الله..

الذي(ولم يقل رجل) يسمح لزوجته او اي من حرمه بالتواجد في اماكن يوجد بها رجال لغير الحاجه بالاسواق (ديوث)..

وانا هنا لا الوم الفتيات لانهم ناقصات عقل ودين والملاحظ ان لومي كله على الرجال لانهم (انقص عقل ودين) في هذه الحاله..

عافانا الله واياكم

[فديكا التميمي]

يفرحون بهالاخباااره يدورون الزله على الحريم..
الله يعافيهم ولايبلاناااا..
تلقاااهن مرراهقااات والا مابعد فطمن ماعليهن شرهه الشرهه اللي جايبن هالمطرب بوسطهن
مع اني قد حضرت زي هالعرس بس هاللي يقاله مطرب على قولتهم مايكون معنااا بنفس القاعه
يعني موب مشكله لادام الواحد دافع يدفع على رجل احسن من هالطقاقه هي وصوته اللي يجدع التسبد...