يابنت ..تتزوجينني بمهر وقدره (ريال) واحد فقط ؟؟؟

[قـتـالـه]

همن لدخلت عليهن بالاستراحه قالن جت ام ريال !
ياناس المهر قدر للبنت بعين زوجها واهلها .. ولا ضرر ولا ضرار

[فديكا التميمي]

اقتباس:  المشاركة الأصلية كتبت بواسطة البارق     اخوي خن بط سؤالك صعب ومحير وصعب على البنات إجابته لكن بدون مثالية اقول صعب فيه وحدة بتوافق

لاصعب ولاحاجه الريال يشري به صامولي لاهله ويقعد عندهم ...
ايقال المهر عايقهم المهتوي يقطع المستوي
...

[روح لايسعهآ جسـد]

جيب لي رجل صح
ونفس الموصفات اللي في بالي
وانا ادفع له مهر ريال

[باسم الثغر]

88
8
وجيبي لي مرة زي اللي ببالي
وأنا أعطيها وأهلها اللي يبون



لازم في هالوقت مهر للزوجة
خبرك
ذهب وملابس وغيره
ولاأظن الرجال يحب زوجته تدخل عليه وتجهيزها مش ولابد
ولاتنسى
إنها مرة بالعمر وخلااااص ، خصوصا للبنت

أشوف
إن المشكلة مو بالمهر
المشكلة فيما بعد الزواج
من لوازم للبيت ومصاريف الحياة
يمكن اللي مهرها (ريال) تبي تدج بك دجة
واللي مهرها (أربعين أو خمسين أو غيره) تبي توفر عليك وتونسك وتنسيك هاللي دفعت

[قـتـالـه]

اقتباس:  المشاركة الأصلية كتبت بواسطة باسم الثغر     88 8 وجيبي لي مرة زي اللي ببالي وأنا أعطيها اللي تبي

ماادري ليش استفزني ردك مع انه عادي وترا القنابل الجايه لايقصد فيها باسم الثغر
انما من قالوا هذه المقوله قبله :
رددوها عدد حبات رمل الدهناء نبيها مواصفات لكي يكون مكانها سواد العين ..
ويسر لهم ربي اكثر مما تمنوا . . وماذا بعد انبهارهم بها ايام العسل والتي لا تحمل من العسل الا دبقه وشدة سماره !
تجاهل وألم دواخل هذا ماتجنيه صاحبة المواصفات بين ايدي من لايثمن الاشياء !

[باسم الثغر]

اقتباس:  المشاركة الأصلية كتبت بواسطة قـتـالـه     ماادري ليش استفزني ردك مع انه عادي وترا القنابل الجايه لايقصد فيها باسم الثغر

للرجل حق
كما أن النساء تطالب بحقوق

وصدقيني
الرجل يعرف ويقدر
بس خلية يشوف شي بعينه
مراعاة واهتمام وحس انثوي للحياة الزوجية
لاتصير
مصالحها مقدمة على مصالحة
والناس أغلى من الزوج

[فديكا التميمي]

اقتباس:  المشاركة الأصلية كتبت بواسطة باسم الثغر     للرجل حق كما أن النساء تطالب بحقوق وصدقيني الرجل يعرف ويقدر بس خلية يشوف شي بعينه مراعاة واهتمام وحس انثوي للحياة الزوجية لاتصير مصالحها مقدمة على مصالحة والناس أغلى من الزوج

وصدقن الحريم ماقصرن الا القليل..
لكن ماشافن الا نفسن شينه وجلدن مروح...

[ابو ريما الخالدي]

المهر المعقوول من الــ 40 الى الــ 60

[قـتـالـه]

اقتباس:  المشاركة الأصلية كتبت بواسطة باسم الثغر     مصالحها مقدمة على مصالحة والناس أغلى من الزوج

هو قعد لها علشان يشوف وش تقدم من مصالح..
كأن العرس معناه طفة الايام الاولى وبعدهاغصة روتين الايام ومصالى الذريه !

[ابو فارس الحمادا]

اقتباس:  المشاركة الأصلية كتبت بواسطة فديكا بريده     مااردى من خمسين وعسااهن يكفننا والله يعين...

وش تبي تشرون بالخمسين
اناأقول 15ألف بركه لازم قصر وذهبان وعشيات
وخرابيط
(ايسرهن مئونة)

[أنـ ودك لوانك ـا]

[align=center]السلام عليكم ورحمة الله وبركاته

الله يسلمك ريال وش تسوي به
الحين اللي مهره خمسين الف تخلصه ويزوده ابوه بعد>>كل شي غالي
لا وبعد الزواج كله على أبوه

بعد مين اولى بتحمل الدين ؟؟؟؟>>الزوج ام الأب
اتوقع أن الزوج اولى>>بالعقل[/align]

[النهى]

اقتباس: يابنت ..تتزوجينني بمهر وقدره (ريال) واحد فقط ؟؟؟

هذا اللي نقص
ومنهو ان شاء الله الرجال اللي يستاهل ارمي نفسي عليه بريال بس
انتو والمهور على 70 و50 الف منتم معطين حريمكم قيمه شلون اخذتوهن بريال وش بيكون حالكم

[بنت رجـــال]

ذُكر ريآل كناية ع تخفيض المهرّ ..

لكن المهر المتعارف عليه 50 وبلآش خربطه ,,
وهذآ الدنيآ ضيّآن وكل شيء غالي وصلخ ولآ أرتفع المهر .. من يوم أمي وهو 50 بالعكس قلّ بعضهم يعطي 40 ..
وأنآ أشوف أنه مافيها لآ غلآ ولآهمّ يجزنون ..

واللي مامعوش مايلزموش,

[كلوز]

هلابك خن

الظاهر بيجي للبنت نفسيه من الريال

أذكر قصه حصلت قبل فتره لواحد أخذ وحده وبنت عمه بريال ع حسب طلب والد البنت

وبعد مااخذها بفتره بدى يعير بها ويقول إنتي قيمتك بيبسي

همن حمقت وراحت لم ابوها وقالت له السالفه ولارجعها له إلا بعد إن دفع 100 الف ريال

طبعا ضغوطات من والد الشاب على الابن

قسط سيارتين بسبب تشمته

بعض الرجال مالهم خاتمه للأسف

شكرا لك

[لعيون دودي]

عزيزي...

﴿وَآتُوا النِّسَاءَ صَدُقَاتِهِنَّ نِحْلَةً فَإِنْ طِبْنَ لَكُمْ عَنْ شَيْءٍ مِنْهُ نَفْسًا فَكُلُوهُ هَنِيئًا مَرِيئًا (4)﴾ (النساء).
المهر هبه الهية وهبها الله عز وجل للمرأه تكريما لها وحق من حقوقها
كثيرا من الرجال حين يحين وقت العقد يكتب بان صداق ابنته(ريال) تمشيا مع قوله صلى الله عليه وسلم: "أعظم النساء بركة أيسرهن مهرًا".
وعلى الزوج بعدها دفع مايشاء ان رغب بدون شرط او قيد من وليها
(وهذا حال والدي اطال الله بعمره) ان دفع فهو لابنته وان لم يدفع او كان المبلغ لم يغطي
مستلزماتها زاد هو من ماله فهو يشتري رجل وليس مالا
انا اتفق مع الاخوان بان الامور اختلفت عن سابقها نظرا لما نشهده من غلاء بالاسعار لكن ذلك لا
يستوجب علينا (تنفير) الشباب من الزواج خاصه اذا كان الشاب ممن قال فيه الرسول عليه الصلاة والسلام( مَن جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد كبيرا".
المرأه الحكيمه من تسدد وتقارب وتساند زوجها لا على ان ترهقه (ديون) فوق دينه فوالله ان(صلاح ) الرجل فوق كل اعتبار ومادامت البركه والصلاح بالبيت حتما سياتي الرزق وتتسهل الامور
دمت برعايه الله