لاتبزع وعن اصدقاءك في المطاعم تدفع

[sozo]

اقتباس:  المشاركة الأصلية كتبت بواسطة عاشق عبير     المشكلة كثيرا ماتتكرر اولا يفترض أن الانسان يكون على معرفة تامة باصدقاءة يعني تعرف كامل صفاتهم ومميزاتهم مثلا تعرف القادر منهم على غير القادر تعلم ان فلان فادر وكريم وفلان قادر وبخيل وفلان كريم لكنه غير قادر وهكذا ومن خلال هذه المعلومات تحدد مصيرك بالدفع فالمبادرة اذا كنت تعرف ان من معك كريم واخر غير قادر فهذا تصرف جميل منك هذه طريقتي مع من اتعامل معهم واعايشهم كثيرا ما ادفع واحلف بالدفع ونا مغمض لكن لو كان معنا شخص اعلم انه قادر وبخيل والله لو يبون ذنب وهنا اطالب بالقطة ليس بخلا ولا تدقيق حساب لكن من شان هذا البخيل المستغل ابيه يلعن كترة وكثيرا ماتكتشف ان هذه النوعية ربما يحرم نفسه من شان مايدفع أهم ما بالقضية يجب ان تعرف اصحابك جيدا وكثيرا ما ارى انسان دخله ضعيف والمسكين تجده يبادر ورغم معرفة الاغلبية بوضعه تجدهم ياكلون ومبسوطين وقل من تجد من يطالبهم بالدفع لهذا الشخص

الله يبارك فيك لو ان نصف شبابنا مثلك لاغلقنا الموضوع وارجو من الشباب الاقتداء بك وبطريقتك المثالية
لو اني انقد عليك انك تحاسب وانت مغمض صحيح فيه مواقف لازم تؤدي فيها الواجب وتحاسب اما دائما فلا حتى لو كانو صفوة الشباب كل واحد لابد ان يشارك

[sozo]

اقتباس:  المشاركة الأصلية كتبت بواسطة الاخطبوط المرقط     اللي يدفع الحساب ويطق صدره ابن حلال أصقع لو جاء يتزوج اختي مسكته الباب الا ان كانت مناسبة سعيدة ، أو عليه الدور. أمي الله يرحمها تقوووووووووووول .. من خدم الناس ببلاش اتهموه بالسرق .

رحم الله والدتك واسكنها الفردوس الاعلى ذكرتني كلمتها بكلمة مشهورة كان يقولها قريب لي
عندما يطلبون منه الشباب ان يباشر عليهم يعني يشتري لهم على حسابه
يقول كلمته المشهورة( اللي يباشر داشر)

[ليلـ]

لو كنت ذا ترف لاأصرفت على كل من حولي
ولاكن للقطيه فوائد جمه..!

[sozo]

اقتباس:  المشاركة الأصلية كتبت بواسطة ..twix..     قط ..قط ..قط ..قط .. ترى ذا مو صوت دجاجة هذي أحسن سياسة لدوام العشرة وهي القطقطة أنا ما يغث قلبي إلا لا دفعت الحساب ثم وصفت من هراج القفى بالسذاجة ... حشفا وسوء كيلة .. قعاطة وشذب من وراك .. يقولون .. إن سياسة الحريم في دفع الحساب أحسن سياسة وهي اتباعهن للسياسة الأمريكية نفسي .. نفسي .. وامريكا ما خلت شيء كل شيء تعلمنا عنه ..

كلامك ذهب وقطقطتك قمة المرح اضحكتني اضحك الله سنك لكن حرمتنا من الاستمتاع به من صغر الكتابه

[sozo]

اقتباس:  المشاركة الأصلية كتبت بواسطة فهد الحربي     الحال من بعضـه هههه في احد المهمات وجهت لي مهمة حجز استراحة للعائله لمناسبـه وتم دفع العربون وكل مايلزم تجاه الاجتماع وعنـدما اردت ان يقوم كل شخص بدفع ماعليه من مبالـغ بدات الاعذار والحجج الواهيـه والمجادلات تجاه بعض الاشياء ومالك بالطويلـه راح نص المبلـغ على وجهه وصار درس لي والسفر يبين لك كثير من هالنوعيات

بارك الله فيك يافهد وهذا ليس درسا لك وحدك بل لنا جميعا والمشكله الكبرىولا واحد حاس فيك انك تعبان وقعد كم يوم تدور على الاستراحات تدور لهم استراحه ويمكن العشاء وغارم نص الفلوس
ذكرتني بمن يقومون بالطلعات البريه يقوم الفجر ويشتري ذبيحه ولوازمها وجميع اغراض الطلعه ويمكن يذبح ويطبخ والبهوات مشخصين وبعد الاكل كل واحد ياخذ منقاش ينقش سنونه ويشتغل عليك مدقق حسابات ثم تحس بفداحة فعلك وتبدا تستجدي فلوسك منهم هذا ان سلمت من نقد الطبخ اما قومة الصبح وتحميل الاغراض والتعب فاحسنهم سوف يقول حنا قايلين لك قم الصبح

[sozo]

اقتباس:  المشاركة الأصلية كتبت بواسطة to be     [align=justify] بعد يقولون والعهده على الراوي وصلت قطتهن في الاستراحات البيالات والفناجيل [/align]

سلم لي عليهن والله
فاجئتوني ان الحريم حريصات على الاموال
الله يبارك فيهن

[أحب نفسي]

من الأسآس قلّ ..


ترا القطة من تسذآ.!
وهذي قطتي .. وحطه فوق الطاولة ..
وهو بيدفع قطته ..


الدنيا اللحين شابه ضيان كل شيء غالي والناس ماهنا حيآ ..
يآخذون اللي بمخبآتك .. فأنت عامل الناس بمثل مايعاملونك فيه ..
الردي خلك ردي معه
والجزل خلك جزل معه


وشكرآ لك

[حلاتك بريدة]

فيه وحده تقول المعلمات القديمات البعض منهن إذا عليها القهوة تجيب تمر وبس والمستجدات إذا كانت عليها القهوة جابت ما لذا وطاب من الحلى والفطاير تخجل وتطلع خسرانه هههههههه

[أحب نفسي]

8888888888888
هههههههههههههههههههه
والله انه صادقة ..

دآيم اللي مآعندهم هم اللي يجونك ييفشخرون ويحطون ويجيبون ..
أمآ ع قولة أبوي اللي معه ريال يطمع يبيه ريآلين .. خخخخخ

والله صادقة

[(*)أوقـآآت فرآآآغ]

اول من ابتكر السياسه الامريكيه بالقصيم انا هههههههه

مع العائله وافرادها والشباب الي امون عليهم مره كلن يحاسب عن نفسه ..

لانه زي ماقلت ياما باشرت عليهم وعشيتهم وبعد فتره يقلون عنك بخيل !! علشانك ماعشيتهم المره الثانيه .. عاد طلعنا نظام جديد ههههه لارضا الطرفين هم مره يعشوني وانا مره .. وتستمر الحياه

اما لا مع اصدقاء جدد او صديق من زمان ماشفته لا مستحيل اني اسوي هالحركه مهما كان حنا عرب وشهامتنا تميزنا ..!


شكرااالك

[*%البعد الثاااااالث%*]

اقتباس: وان هناك شعره دقيقة تفصل بين الكرم والاستغلال

نعم كلام سليم..
لذلك لايكون الإنسان مرتعا لاستغلال المستغلين
فليس الكل على خلق وليس الكل يكره المكر والخديعة
كماأننا دائما نسمع
أن القانون لايحمي...؟؟؟
ليس أنتم ..(تكرمون من هذا النعت..)
بل لايحمي صانعي المعروف في غير أهله..
هكذا أفضل..
كماأنه جميل من الإنسان أن يكون
متزن في سلوكه
صادق في حديثه
..حكيم في تصرفه..
فلابأس في أن يدفع الكل جزءا من المال
حتى يُرفع العبء عن تحمل الشخص للتكلفة لوحده
..خاصة أنه غير قادر عليها..
كماأنه..وإن كانت دائرة الإستغلال متسعة
..وأنت( ترى بجاحة )الغير..كماأسميتها أنت..
تتمرد فليس من الضروري دعوته
..أو كل يدفع حساب نفسه..
أوتكون الطلعة لتناول الطعام..بين الشباب بقسمة معتدلة
..مسبقا قبل الجلوس على المائدة..
أو ستجدون لأنفسكم حلا آخر..
مع الوقت بالنسبة لهذه الأشكال..
والله الموفق..
شكرا لك..

[احساس طفل]

الموضوع رئع

[سيريلانكا]

من الفضائل ممارسة الكرم مع الأصحاب حين الاستطاعة

[زين نجد]

اقتباس:  المشاركة الأصلية كتبت بواسطة سيريلانكا     من الفضائل ممارسة الكرم مع الأصحاب حين الاستطاعة

هذا الكلام..

تدري فيه ناس يتقاطون من 3 أو من 5 وهم أربعة أشخاص

والله عيب..

مدام اني امشي مع اصدقاء عزيزين فلابد أنهم يستاهلون وبالتالي ليس فيهم خسااارة..

والكلام يطول ولي رجعه للتوضيح..

[sozo]

اقتباس:  المشاركة الأصلية كتبت بواسطة زين نجد     هذا الكلام.. تدري فيه ناس يتقاطون من 3 أو من 5 وهم أربعة أشخاص والله عيب.. مدام اني امشي مع اصدقاء عزيزين فلابد أنهم يستاهلون وبالتالي ليس فيهم خسااارة.. والكلام يطول ولي رجعه للتوضيح..

الله يقويك
عسى هذا طبعك وحنا من ربعك