تعالوا ابي رايكم بزواج المبكر...!!

[لنظرتي معنى]

السلام عليكم
كيف حالكم ان شاء الله بخير
شخبار اختبارتكم ياطلاب الكليه ان شاء الله زينه
الله يكون بعون طلاب الثانويه والمتوسطه

عاد قربت العطله وجت معه خرشه وروحات وجيات يالله يالله سواق يصير مسنترعند الباب
يروحبهم ويجيبهم والعباة تصير معلقه عند الباب علشان يمديه هذا الكلام اللي قاعد بلده
عاد اللي مسافر بكيفه يروح ويجي اللي هو يبي ..

ايه صح والزواجات عاد تكثر بالعطله الله يعين اللي بتزوج وهي بزقه قسم ارحمه
ممديه على الشقاء استانسي انتي ممديه على الزواج موب تزوجين وانتي صغيره بعدين اذا كبرتي تزوج عليتس <..هذا غالبا يصير
اللي تبي تعرس ابد تعرس بعمر 23 او 24 هذا العمر المناسب للزواج للبنات
موب مطرسه عمره 17 او 16 <..هذا اللي قاهرن بالعمر ويتزوجن قسم انهن مايدبرن
ماتقدر على المسؤلية رجل وبيت وشغل <.بالله بتقدر عليه تلقاه اللحين بالبيت اذا قالوله اشتغلي
قعدت تقوول كثير وشلون بتحمل انا للازم احد يساعدن طيب واذا رحتي لبيت رجلتس بتحملين..؟؟

قسم قمت من النوم وقالت امي ان وحده من قريباتنا بزر قسم
انه بزر 17 عمره وبتزوج وهذيك الله يوريكم
مووب اتكاله بالله وشلوون بيزوجونه اهله هي وشلون طاعت ..؟؟

ماصارت كذا ياكثر البنات اللي يتزوجن هن صغار بالاخير يطلقن
حرآآآم قسم صغير وتحمل اسم مطلقه.

سؤالي ..هل انتي او انت من المؤيدين للزواج المبكر للبنات ..؟؟ ولماذا ..؟؟

[عاشق الخير]

اقتباس: سؤالي ..هل انتي او انت من المؤيدين للزواج المبكر للبنات ..؟؟ ولماذا ..؟؟

[align=center]ليس العمر من يحكم هذا الشيء بل الأفعال والتربية ..[/align][align=center]
بعض البيوت بنت الـــ 15 سنه هي القائمة على كثير من امور البيت ..
وتجدي تفكيرها أكبر من عمرها ...
لذا لايوجد ما يمنع مثل هذه من الزواج المبكر ان جاء من نرضى دينه وخلقه ...
وبعض البنات تصل ال30 وهي لا تعرف كووعه من بوووعه >> وهذا كثير في زمن الشغالات و الخادمات ...


الزبده
السنعه هالله هالله .. والرفلاء يفتح الله [/align]

[shahd2007]

اقتباس: سؤالي ..هل انتي او انت من المؤيدين للزواج المبكر للبنات ..؟؟ ولماذا ..؟؟

لا لست من المؤيديين 16 و17 و18 صغيره على الزواج

خليه تنبسط ببيت اهله ووتدلع ممديه على الغثاء

اقتباس: قسم قمت من النوم وقالت امي ان وحده من قريباتنا بزر قسم انه بزر 17 عمره وبتزوج وهذيك الله يوريكم مووب اتكاله بالله وشلوون بيزوجونه اهله هي وشلون طاعت ..؟؟

الله يوفقه يارب

اعلمكم تبي تأخذ الــ خمسيين الف وتبي تشتري من السوق كل اللي بباله

وتبي تسوي زفه وتسافر برآ

وبعديين تقول ملييت ماآبيه

[عـبدالله بـريدة]

والله انا اتمنى اني اعرس على بنت عمرها مابين 22 الى 28 سنه اقل شي تصير عااقله ورزينه

مهب ابلش ببنت عمرها بالطعش وماغير تتزعل وكل يوم والثاني وانا جادعها عند اهلها واقل شي اذا فتحت دولاابها تلااقي عراايس وفيشارات
الى ثوب المدرسه رصاصي يحوم التسسبد وكل يوم والثانيه مغيره شكـل الآآآبـه
حتى الفسحه خبزة السلمان مملوط بها جبنه وعصير ربيع

فرق عن الكبيره تعطيه خمستريل فسحه تشري من مقصف الكليه
هههههههههههههههههههههههههه
والله اني ريض ودي اكتب بس لي باااااااكات مابعد طلعت الي بسسبدي

تقبل شخطتــي

[الزنون]

الله يوفق من ستزوج

انا انصح الشباب ما يتزوجون ابد
واللي يبي يتزوج ياخذ وحده عمرها 30
وعساه بعد تصير سنعة
لان ام 17 بزر ويبي يبلش به
يما قالت ودني للملاهي
يما قالت ابي مصيصه


البنت احسن له تتزوج وعمرها صغير
عشان تحصل واحد يكد عليها قبل لا يفوته القطار
لان الشباب عازفين عن الزواج

[عادل الحبيتر]

[align=center]ان جيتي للواقع لا يناسب للفتاة ان تتزوج وهي عمرها 16 او 17 .. كان أول زمان عادي يناسب .. لكن الان الحياة تغيرت وصارت الحياة مسؤوليتها كثيره .. صحيح انه يوجد فتيات تزوجوا وهم عمرهن 16 سنه ونجح زواجهم .. بس نسبة النجاح قليل ...![/align][align=center]



راح أقولك سلبيات زواج الفتاة القاصر .. فيه واحد صديق صديقي متزوج وحده عمرها 17 سنه .. يقول أنه جاي يشتم الزواج على القاصر .. قاله صديقي ليش وش فيك .. قال أني مره من المرات تهاوشت أنا وزوجتي القاصر وجي تقولي ( كل زق ) ولكم الكرامه ...! يقول أنها يوم قالت لي كذا أستحقرتها ودريت أني متزوج وحده بزره ..!



خلاصة الكلام أن الحياة تغيرت وكل شئ تغير .. كانوا أجدادنا يتزوجون وأعمارهم 15 سنه وينجح زواجهم .. لكن اللحين الحياة تغيرت وحياة الحين مب مثل اول الولد اللحين اللي يتزوج وعمره 18 او البنت اذا صار عمرها 17 وتزوجت .. راح نكتب عليه السلام .. لان الزواج مسؤولية مو لعبة ..! وكثير من صغار السن تزوجوا ومع ذلك ما يعرفون أيش معنى الزواج الصحيح .. [/align]

[بنت منيره]

^^^

لا كلام لي بعد كلام عادل

هذا اللي كنت ابقوله

[لح ــُن الرح ـُيل]

لا يــــــــــــع يـــــــــــــــع .. تخيلو ابعرس وعمري 20
احسن عمر للعرس للبنت مابين سن 24 و 25 ...
عاد موضوعك بمحله .. امي نشبة بحلقي ..
وانا والله اقول يــــــــــــــع عجزت اتخيل شكلي متزوجه..

[بآلـخــآرج للغــدآء]

وع 17 وش هآلمطآريس آولآآه
لآ وآلف لآ غير مؤيده آحسه بزر آحسن سن لزوآج من 22 وفووق آمآ قبل موب حلو
كل شوي زعله وتصرفآته بزره+بثره+تسمع بآلعرس

[سحليه ستآيل]

لآ مو حلو آلوحده تتزوج وهي صغيره آحس تزعل
بسرعه ولآ تعرف تتصرف زين
آحسن شي 22 وفوق

[بآلـخــآرج للغــدآء]

^
تسآن قلتي تآبع لرد آختي آحسن *_^

[بنت منيره]

^^
تغير الفكر عقووب الاختبارت يا بالخارج خخخخخخخخ

[رزه مرتزه]

اقتباس: سؤالي ..هل انتي او انت من المؤيدين للزواج المبكر للبنات ..؟؟ ولماذا ..؟؟

لااااااااااااااااااااااااااااوبقووه بعد

لانه على غير انه محوقة بزارين يشوووه شكل البنت
يخليه تقل عجوووزا وهي بزره

لاعــأد تعالي شوووفيه لاصار معه بزر صدز عجوز بس ناقصه الغدفه>>لاشفت الي حولي كرهت شي اسمه عرس ياحوول يرحمن

[هجير أمنيه]

ابدآ مو حلو البنت تتزوج وهي صغيره

بدري عليها الهم والمسؤليه
من وجهة نظري تدرس وتتخرج وتتوظف وتعيش ايامها

واذا حست انو قد المسؤليه ترضى تتزوج

لان الزواج ماهو طاير 00 الاهم انها تتوظف

[≈ Śķőőŋ »]

والله موب زين زواج الصغيره طيب هي بزر كيف لاجبت له بزر تربيه
بزر يربي بزر وش يصيرون

انا اشوف نفسي اني للحين غير مستعده لتحمل المسؤليه فكيف الي اصغر مني ..<أيه يالكبيره

والله يوم انا بالطعشات تفكيري غير عن يوم دخلت العشرين كثير اشياء ومفاهيم تغيرت

احسن عمر لزواج البنت من 23

بصراحه انا كل يوم لي راي مره قلت 20
ويوم صار عمري 20 قلت لا توا بدري والحين صرت على 23 باتسر بقول 30