مشكلتي .. الكثير يعآني منهـآ // عندكم لهآ حـل ~ ملقوووووووف على سنع :(

توتي · 07-05-10, 03:16 am

السلام عليكم ورحمة الله وبركاته

بدون مقدمآت <~ دآيم مشغول ياحبي لي

ياجمآعة الخير عندي طبع مدري مشكله عجزت اتركه

اللي هي اني دآيم احب اسيطر احب اقول رأيي بقوه واقنع الاخرين فيه ..
مع اني مقتنع اني رأيي هو الصح وحتى الاخرين يقتنعون بنفس الشي

يعني مثلا بالاستراحه مايسوون شي الا انا متدخل به مع ان كل تدخلاتي صحيحه وباقتناعهم كلهم
الا اني احس ان الصفه ذي شينه ..

كل شي اعرف له كل شي عندي حل له حتى لو صرت مالي دخل فيه

يعني اقربهن اليوم معزوم بعزيمه مالي دخل به ومع ذلك انا اللي ادبر واعبر

باختصار اذا شفت اي شي يصير قدامي بطريقه خاطئه ما اصبر لازم اصحح الطريقه
لازم اقول اللي بجعبتي <~ قوية جعبتي
بالجامعه بالقروبآت دايم احب اصير الليدر .. يعني احس بي مررررض

يمكن بتضحكون من موضوعي وتقولون هذي مو مشكله

بس وربي مليت تعبت اذا سويت اي شي وفكرت به احس اني ملقوووف

وش رايكم وش الحل ..!!

على فكره ترآ مهارة الانصآت للاطراف الثآنيه عندي ممتآزه ..

ونة خفية · 07-05-10, 03:47 am

وعليكم السلام ورحمة الله وبركاته

اقتباس:


	يعني احس بي مررررض

آجل أنت اخبر واحد بعمره رح تعالج <خخخخ

بالعكس هذا الشيء جميل ورائع
في كثير من الشخصيات ولكن لا افراط ولا تفريط
ويكون على خطوات أكيده وبشكل مهذب محبب إلى الآخرين
كما لا يحسن تسميتها سيطره ممكن تكون (تحدي للذات )
بأني شخص قادر على الأنظام إلى المجتمع ومؤثر ومتأثر به
وأحمد الله بأنك لست ممن يعانون الرهاب الأجتماعي عافاهم الله
بس لا تتهور في أمور تضيق على عمرك فيها وماتعرف تتخارج
موفق ..

بدر1 · 07-05-10, 04:00 am

راسلني على الخاص ربما نجد الحل

بس لا تعبر ودبر معي

اليوم قصدي الحين

لأني بهاجر المنتدى إلى الأبد

╝◄ ساندرا ►╚ · 07-05-10, 04:03 am

بلعكس صفه حلوووه
حلو الشخص يكون له بصمه بكل شي

بدر1 · 07-05-10, 04:14 am

فاتت عليك الفرصة

وداعا يارفيقي

بآلـخــآرج للغــدآء · 07-05-10, 05:07 am

اقتباس:


	كل شي اعرف له كل شي عندي حل له حتى لو صرت مالي دخل فيه

آلعرق دسآس مآتسد شفت بريدآوي يقول مآعرف بتله الحل متوفر عندوه

طموح انثى · 07-05-10, 08:23 am

***

اقتباس:


	اللي هي اني دآيم احب اسيطر احب اقول رأيي بقوه واقنع الاخرين فيه ..

اقتباس:


	باختصار اذا شفت اي شي يصير قدامي بطريقه خاطئه ما اصبر لازم اصحح الطريقه

تُوْتِي :
أَظُن ان الْعِبَارَة الْأُوْلَى تَخْتَلِف عَن الْثَّانِيَة ؛ بِحُكْم أَن الْأَوْلَى أسَمَيتِهَآ [سَيْطَرَة]وَالْثَّانِيَة [تَصْحِيْح خَطَأ]
شَخْصِيّآ تُعْجِبُنِي هَذِه الْشَّخْصِيَّة لَكِن بِدُوْن سَيْطَرَة وَتَكمِيم أَفْوَاهـ الْأَطْرَاف الْأُخْرَى..
بِمَعْنَى اطْرَح رَأْيُكـ وُلَآ تَجْبُرُهُم بِالْأَخْذ بِه ؛ فَإِذَا أَصَاب رَأْيُكـ حَتْمآ سَيَأَخَذُوا بِه..

اقتباس:


	وحتى الاخرين يقتنعون بنفس الشي

مدَآمُهُم مُقْتَنِعِين الْحَمْدُلِلَّه,لَكِن لَآ تَظْهَر لَهُم نَشْوَتِكـ وُلَآ تَتَوَهِق فِي كُل حَل تَقَوَّلَه

فَقَد يُخْطِئ رَأْيُك مَرَّة وَتَتَحَمَّل أَنْت تَبِعَات ذَلِك..

اقتباس:


	على فكره ترآ مهارة الانصآت للاطراف الثآنيه عندي ممتآزه ..

جَمِيْل

~
حَفِظَكَـ الْمَولَى

؛

روح لايسعهآ جسـد · 07-05-10, 11:18 am