مالي إلا الله ثم أنتن؟

[نجمة سهيل]

كيف حالكم بنات

وكل عام وأنتن بخير

داخلتاً على الله ثم عليكم

أبي أشوف قرامتكن

أبي طريقة عجينه فطاير بس تكون زينه مرررررررررررررررررره

تراء مليت وانا أعجن وأكبه

حتى جتني عقده من العجينه والفطاير واي شي يعجن

بس تكفون أبي اشوف أحسن عجينه ومجربه

[الذاهبة]

بعد قلبي !

غالي و الطلب رخيص ،،

تبشرين بالخير يا حبوبتي ، بس على فكرة .. عجاين الفطاير كثير ..

على حسب نوع الفطيرة ..

فيه سميكة ، و فيه فطاير رقيقة ، و فيه عجينة الكروسان ..

خذي هذه الوصفة ع الطاير ،، انا دايما أسويها و إن شاء الله تعجبك :

نبي نستخدم ( كوب الحليب ) اللي يشرب مع الشاي عرفتيه ؟ هذا المقياس :

_______________

3 أكواب دقيق ابيض

3 بيضات

3 ملاعق كبيرة حليب نيدو ( بودرة )

ملعقة كبيرة مليانة ( خميرة فورية )

نص ملعقة كبيرة بيكنج باودر

فنجان سكر

رشة ملح

نصف كوب زيت عافية أو العربي ..

كوب و نصف ماء ( قد يزيد أو ينقص )


_____________

طبعاً تنخلين الدقيق و المواد كلها ( الجافة ) و تسوين حفرة بالوسط و تضيفين البيض و الزيت

ثم تعجنين بالماء إلى أن تصبح عجينة متماسكة و الأفضل تستخدمين الخلاط الكهربائي ( العجانة ) ..

بعدين تغلفين الوعاء بكيس نايلون و تخلينه لمدة ساعة تقريباً ، إلى أن تتخمر ..

و بس انتهينا ..

تاخذينها و تفردينها و تقطعينها و تحشينها و بالفرن متوسط الحرارة ما تأخذ إلا عشر دقائق ..

ثم تحمرينها من فوق .. و بالهناء والعافية

و يارب تضبط معاك


*** نصيحة يا بنات ***

دائماً بالعجاين : إذا عجينة فطائر أو كروسان أو حلويات أو أي شيء يدخل بالفرن ،، خلي الحليب ( أو الماء ) أكثر من الزيت ..
أما العجاين اللي تُقلى بالزيت : زي السمبوسة و جيوب التاجر و الجبنية و غيرها .. خلي الزيت أكثر من الماء أو السائل المستخدم ،، وت ايفر يعني .. !


تحياتي ..

[نجمة سهيل]

تسلمين يالذاهبه يعلتس ماتذهبن عنا ...............

بس ياخيتي انا اجهد بالعجينه وتقريباً زي اللي تقولين

بس بالنهايه تطلع تقل طار

أنا ماأدري وش اللي يخليها تيبس

ما أدري من الحليب أو الزيت

تكفين رديلي

[شقرديه]

شوفي

الزيت لا يتعدى ملي غطى عافية

وان شاء الله تصير مضبوطة

ولا تكثرين سكر او البيكنج بودر

واعجنيها مدة ما تقل عن عشر دقائق والماء دافي موب بارد

ولو تعيدين العجن بعد ما تخمر ترا موب شينه

سوي اللي قلت لك باي مقدار وهي تنجح

[الذاهبة]

الله يسلمك يا عيوني ..

شوفي ، أنا متأكدة أن عندك خطأ بسيط جداً بس لازم تعرفينه ، و متاكدة أنك طباخة ماهرة و شغلك عدل ..

لازم تراعين التالي ،،

1 . زي ماذكرنا لك .. لا تكثرين الزيت ، ( بس ياشقردية 3 كوب طحين مع ملء غطاء العافية زيت اعتقد قليل مرة ) ..

2 . استخدمي دقيق المطاحن الكويتية ، او طحين دبي .. يطلع لك المعجنات هشة بالحيل ..

3 . اثناء قرد العجينة و تقطيعها .. لا تكبين الدقيق كب عليها .. استخدمي حاجة بسيطة ، لأن كل ما كثرتي الدقيق و انتي تفردين كلما تيبست العجينة ..

4 . البيض في العجين يزيدها طراوة .. يعني ان شاء الله المقادير اعلاه بتزين معك ..

5 . احتمال انتي تقللين الماء ( أو الحليب ) عليها .. و تقسين العجين زيادة .. و معروف ان الفطاير عجينتها تجي أقرب لــ اللين ..


جربي و ردي لنا خبر ..

يا حنا .. يا ذا العجين !

[رمش الليل]

[glint]ud;djf عليكي بخميره خشنه وكلما كثرتي كل ما طلعت الفطيره تهًبل هههههه وش رأيك[/glint]

[نجمة سهيل]

ياحبيلكن كلكن .......أنا أقول وش حنا بلى بنات بريده

راعيات الفزعات

مير ابجرب إنشاء الله باكر وأر دلكن

وتراء الووعد بالملاهي

[MiSs_7o0oRyAh]

[align=center][/align]
[align=center]
السلام عليكم ورحمة الله وبركاته
. . . . .
. . .
.

هلا والله يا بعدي يا نجمه
وين الناس ياكافي قاطعه ما تمرين تسلمين ولا شي

انا بعطيتس طرقتي في الفطاير
عجينة سهلة وحلوووووة والكل ينهبل عليها


....
تحطين بالخلاط مايلي
::
::
::
كاس ونصف ماء دافي
نصف كاس زيت
بيضتين
ثلاث فناجيل حليب بودرة
ملعقتين كبار خميرة فورية
ملعقة صغيرة بيكنج باودر
فنجال سكر
شوي ملح
كاس دقيق
::
::
::
كل هذولي تخلطينهم زيييييييييييين بالخلاط
لمدة تقريبا خمس او ثلاث دقائق
وبعطين تصبين الخلطة في غضارة بلاستيك
(( يعني اللي تبين تعجنين فيها ))
وانا افضل البلاستيك افضل من المعدن ..

تضيفين ثلاث اكواب طحين بالتدريج على شوي شوي
تحطين شوي وتعجنين
تحطين شوي وتعجنين
حتى تصير عندك عجينة لينةشوي
اخر شي تغطين العجينة في بلاستيك
وتحمين الفرن شوي
وتسكرين النار
وتحطين العجينة بالفرن الدافي لمدة نصف ساعة فقط او يمكن ربع ساعة حتى يتضاعف حجمها


وبالهنااااااء والعافية على قلوووبكن

والوعد الملاهي على ما قالت نجمة
كل وحدة تجي وتلصق اسمه على شنطته عشان نعرفكن



.
. . .
. . . . .
تحيااااااااتي
[/align]
[align=center][/align]

[كسرة خبزة]

عندي عجينة بتدعين لي
:المقادير فنجال قهوه حليب صجفف -وفنجال سكر -وفنجال زيت ويفضل زيت زيتون-كاس ونصف ماء-ملعقة اكل خميره فوريه-شوي ملح-ثلاثة كاسات ونصف طحين
اخلطي المقادير ثم اضيفي الطحين وتركيها تختمر وان شاء اللة بتعجبك عاد وش خليتي انا خبزه هاهاها

[بندر الحمر]

السلام عليكم ورحمة الله وبركاته

بعد نون النسوه ما فيه تقصير