ارجوكم ساعدوني وتلقونه عند ربكم

[يتيمه]

الله يجزاكم خير ماقصرتوا جميعا لاكن شنسوي حتى اعمامنا مو معترفين فينا

[توتي]

الله يكون بعونكم يــآرب ..

لكن اهل الخير وآجــد .. واتمنى تنحل مشكلتكم قبل مايتدخل احـد

قولي للوالـده تدعي بالهدآيه والصلاح لإبنآئها .. فدعوتها لهم مستجابة بإذن الله ..

وزي ماقالوا .. عليكم بالدعاء وصلاة الليل ..

[توتي]

اقتباس:  المشاركة الأصلية كتبت بواسطة سفيرة الانسآنيهـ     اي قيام لليل يابو قيام لليل البنت تقولك اخوها يبي يطلعهم بالشارع تبيها تقوم الليل عند الرصيف والا بالخيمه ؟

لاتعلييييييييييييييييق ..!!!!!

الله يهدينا جميعاً ..

[مباشر]

طيب جربوا الشرطة وخلوها مشكلة عشان ماتنباع البيت وماحد يرغبها

[إيثــــار]

اقتباس:  المشاركة الأصلية كتبت بواسطة توتي     لاتعلييييييييييييييييق ..!!!!! الله يهدينا جميعاً ..

ودي اقول الله يبارك بردي اللي خلانا نشوفك بس المشكله ردي ما اعجبك
انا مو قصدي ان الواحد مايدعي ربه
لكن قصدي ان مافيه وقت اصلا
يعني هذا مو حل لحاله
تخيل انت في مشكله كبيره ومتحمس جاي تنخي احد ويقولك رح صل الليل وادعي ربك ؟
اوكيه مو مشكله اكيد انا بدعي ربي وبقرب له خصوصا في هذا الوقت
لكن البنت جايه تبي حل سريع

امين الله يهديني ويفتح على قلبي يارب

[ابو فارس الحمادا]

اقتباس:  المشاركة الأصلية كتبت بواسطة سفيرة الانسآنيهـ     ودي اقول الله يبارك بردي اللي خلانا نشوفك بس المشكله ردي ما اعجبك انا مو قصدي ان الواحد مايدعي ربه لكن قصدي ان مافيه وقت اصلا يعني هذا مو حل لحاله تخيل انت في مشكله كبيره ومتحمس جاي تنخي احد ويقولك رح صل الليل وادعي ربك ؟ اوكيه مو مشكله اكيد انا بدعي ربي وبقرب له خصوصا في هذا الوقت لكن البنت جايه تبي حل سريع امين الله يهديني ويفتح على قلبي يارب

الحل السريع عند رب العالمين كن فيكون
عليك بقيام الليل وأكثري من الأستغفاروالتوبة
وافعلي الأسباب لكن بتمهل وعقلانية وبدون استعجال
واعتقد وصول القضية عند الأمير بإذن الله إنهامحلولة
أسأل الله أن يفرج همكم

[الرأي الحر]

إذا تبين حل لا تطلعون من البيت لو على رقابكم ولن يأتيكم أحد وأخوك كلمي الشرطة وعلميهم وبذلك تكون مشكلة وعلى المتضرر اللجوء للقضاء
أعانكم الله ولتعلمي أنه في كل أسرة لا يخلو المنزل من سارق أو قاطع طريق
احفظ الله يحفظك

[انتظرتك]

أختي الحل بسيط جداً

تحدثي مع إمام مسجدكم

واشرحي له الحال وهو سيقف

إلي جانبكم أفضل من وقوف غيره ,,


تحيتي ,,,

[أبو الريش]

[align=center]أختي البيت ماينباع إلا بموافقة كل الورثه يعني لازم أمك توافق وأنتي ,,,,خصوصاً أن أمك لها النصيب الأكبر

كيف عيال يبيعون بيت موجوده فيه أمهم , غريبه إلى هالدرجه أغراهم خبث زوجاتهم هذي مشكلة بعض الرجال مايفكرون بالعواقب ,,,,

بيعة البيت ترتبط بموافقتكم يعني ماتباع الا وأنتم موافقين ,,,
إذا هناك إجبار منهم لكم بالبيع,, عندكم وسائل حمايه المحكمه والإماره بينصفون بينكم,,

الدوله وضعت جهات يوصل لها المواطن مخوله من قبل الإماره وتقوم بالخدمه

الله يساعدك[/align]

[م.ن]

اقتباس:  المشاركة الأصلية كتبت بواسطة سفيرة الانسآنيهـ     اي قيام لليل يابو قيام لليل البنت تقولك اخوها يبي يطلعهم بالشارع تبيها تقوم الليل عند الرصيف والا بالخيمه ؟ حسبي الله على هالدوله اللي قانونها مع الرجل والحرمه ماله الا مستشفى النفسيه والا القبر آآآآآخ والله قهر اختي قولي لاخوك اسمع تبي تتركنا بحالنا والا قسم بالله العلى العظيم نطلع انا وامى وخواتي بالشارع ونصارخ ونفضح بك عند العالم مالكم الا هالحال والا كلمي احد المشايخ يوقفه عند حده واذا حدكم الامر الجمعيه الخيريه تأجر لكم بيت بس ماراح يكون له باب وممكن بالشماس بعد لكن الله يكون بعونك لاتعبين نفسك اهل بريده مابهم خير يجيك واحد ملقوف يرسلك ايميله الحين ويقولك اضيفيني انا بشترى لكم بيت وهو ماعنده فلوس يعبي بانزين لسيارته ولما يعرف من انتي بنته يمشى ويهرج فيك

[align=center]كلامك ياسفيره ما اعجبني [/align][align=center]
واتمنى انك تراجعيه مرة ثانيه لان كل اناء بما فيه ينضح وحسبي انك اناء فيه كل خير!!
الله يقول " فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا"
وافضل الدعاء حين قيام الليل .
الا انه ومن خلال ردك حسيت ان نصيحة احد الاخوان مااعجبتك.
اما اهل بريده : فاعتقد ان محاولة التقرب منك اليهم بواسطة الانضمام لمنتداهم مناقض لوصفك اياهم.
ومااعتقد اختي انه من المناسب وصف من يريد المساعده بسؤ النية , كما اننا لانقبل ان يتهم احد هذه المرأة بسؤ النيه وانها غير صادقة..
تحياتي

[/align]

[align=center]
[/align]

[أوطان]

ياليتيمه .. حبيبتي فرج ربي كربتك بس موهنا الحل ,,
هنا بس ردود ببرودة كأس ماء صيفي ,,
شوفة عينك نصائح ودعاء كيبوردي صامت التمتمه !
البنيان المرصوص لم تفعل ,,
او تعذر الوصول الى القلب ,, يمكن . . !
حبيبتي اذا انتي صادقه بكلامك فنتواصل معك على الخاص لدلك على الابواب التي يمكن عن طريقها بعد ارادة الله اخذ حقك .. اعانك ربي ,,

[ولد السويلم]

مادري شقوول ...بس الله يكوون بعونكــ ...وهونيها إن شاء الله تهوون .....

لاحول ولا قوه إلا بالله ...

[درر مضيئة]

أختي اكتبي في جريدة الرياض وأكيد لكم نصيب في البيت حتى لو انباع لاتخافين ونصيبكم يجيب لكم بيت لو غرفتين بس تعيشون بكرامة وصدقيني راحة البال والكرامة أحسن من بيت كبير
اللهم يارحمن يارحيم يارزاق يا كريم ارزقهم سكناً ورزقاً وطمأنينة وستراً وكف عنهم شر من به شر اللهم آمين
أعانكم الله (إن مع العسر يسرا )

[يتيمه]

مشكورين ماقصرتو المشكله انهم اخواننا من ابونا واحنا ماعندنا الا ولد صغير

[درر مضيئة]

أختي لابد من أن تجابهون الحياة أعطوا نفسكم من بعد الله سبحانه وتعالى القوة وستصغر جميع الأمور بأعينكم بما أنهم يريدون البيع خوذوا أي ليموزين وروحوا للمحكمة واطلبوا البيع واشرحوا الوضع لكن قبل ذلك كلموهم يعني إخوانك وسووا نفسكم عادي مايهمكم البيع وشوفوا وش وراهم وانتظري ردهم وتصرفي لاتقولين ماعندنا أحد كم من مرأة تصرفت أفضل من تصرف الرجال كونوا أقوياء ولا تحزني ولن يضيع لكم حق أنتم ثلاثة يعني لكم نصيب حلو يمكن تكون بداية السعادة والرزق على الله