^^انـواع الضحكـــات^^

[وردة الشرقية]

السلالالالام....

مره فتحنا موضوع يعطيك شخصيتك من خلال فصيلة الدم..ومره من خلال اللون...اللحين من خلال الضحكة...

نبدا...


1- هههههههههههه :

صاحب الضحكه هذي ،، وسيع صدر ،، حبوب ،، طيوب ،،بس مجامل بشكل كبير ،،
مسالم وعلى نياته ،، دايم مبسوط وبارد ،، اصعب شيء انه يضحك احيانا في مواقف غلط !!
يعني مواقف حزينه يجيك يضحك يصير ودك ان تصكه باللي عندك ،، غبي ،، بس
مليح

2- ههههههههههههاي (اهم شيء الياء:

انسان شايف نفسه متكبر ،، ضحكه قليل يقاله ثقل ،، متسلط ويحس بالنقص ،،
ثقيل دم ،، احسن طريقه للتعامل مع هيك ناس ،، هو القمع والشكم والتزليب وعدم رفعه من ارضه ،، عشان يعرف ان من تواضع لله رفعه 000

3- هاهاهاهاهاهاها بنفس الترتيب:

انسان مرتب ،، يعني اذا دخلت غرفته ما تلقى فيها عود طايح ،، كل شيء منظم
ومرتب حتى الضحكه ،، مثقف ويلبس نظارات 12 بوصه((ويش البوصه اصلا!!)) يعني
نظرات اكبر من وجهه ،، ما يضحك كثير بس يبتسم واجد ،، شكله كذا يخليك
ترتاح له وتشكي له ،، عاده تلقى عنده الحل ،، لو مالقيت الحل اهم شيء ترتاح ،، كتوم هو على فكرة 000

4- نياهاهاها :

انسان شرررير ،، يمووووت في النذاله والشر ،، قمه الوناسه عنده انه يرج
ببسي ويعطي احد يفكه له ،، عيونه يطلع منها شرار ،، مركب ضروس ذهب عشان اذا ضحك تلمع وتقهر الناس اكثر ,, هدار. احسن طريقه للتعامل مع هالنوعيه هو العمل بالمثل "ابعد عن الشر وغني له" ،، لكن مهما حاولت تبتعد عنه هو ما بيجيك لانه يموووت ويسوي فيك مقلب ،، لكن انتبه تعطيه فرصه حسر فيه ،، لانه لو ما قهر احد يصدع راسه ،، الله يعين اللي مصاحبينه عليه 000

5- هههاااهاهااهاهههااههه بالحوسه هذه:

انسان مضيع بمعنى الكلمه ،، يعني لو تساله عن اسمه قال ممكن الاتصال
بصديق عشان الموضه يعني ،، اذا مضطر تدخل غرفته ،، افتح الباب من بعيد عشان لا قدر الله وطاح شيء والله شي الا انت بعيد عن ،، العلك ما يطيح من فمه ويقعد يعلك فيه بعد يعني يمسك طرف العلكه بسن والطرف الثاني بيد وهات يا تمعيط ويلوي فيه ويسوي حركات بهلوانيه انسان لو تصفق فيه وتهزئه ما درا عنك يحسبك تتكلم عن ولد الجيران ،، الدنيا ما قامت ولا قعدت عنده ،، الشيء الوحيد اللي يستفزة انك تتكلم عن سيارته او ،، وهو كيس الزباله الله يعزكم يخيس عند الباب ما طلعه 000

6- هه هه هه هه :

انسان متردد ،، يفكر 60 مرره قبل لا يسوي شيء ،، رومانسي ،، يراعي مشاعر
الاخرين ،، خدوم يحب يساعد حتى لو ما يقدر يدبرها باللي ممكن ،، ان صادفك
احد من هالنوع تمسك فيه بيدينك ورجولك لان النوعيه هذي نادره 000

7- كعكعكعكعكعكعكع :

انسان "دب" "فيل" يتراوح وزنه ما بين 100 -750 كيلو متر مربع لا عفوا
تكعيب ،، استمد ضحكته من كثر الاكل ،، كريم جدا لحد الاسراف خصوصا اذا كانت
السالفه فيها اكل ،، ما يطلع من البيت الا وجيوبه مليانه ،، علب ببسي وفشار اللي يجلس وياه بيزيد 5 كيلو/ في الساعه اماكنه المفضله :
السوبرماركت - المطاعم - اينما تواجد الاكل ،، لكن في نفس الوقت نفسه عزيزه يعني مومثل اشعب غثيث ملقوع ،، كيفيه التعامل مع الاشخاص ،، اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد ،، مع ذلك خفيف دم ووسيع صدر ،، واصدقائه يحبونه حتى لو قطّوا له في عشاء ( سوو قطيّه ) بس اهم شيء يجي وياهم يقولوا فيه ضحكه جديده نازله السوق وهي

هعهعهعهعهعهعهعهعهع :

هذي الصراحه ما بعد شملتها دراستي ولكن اعتقد انه ضحكه واحد متقرّف ،، لكن
راح اجري تحليلات على الضحكه هذي ونحط بعض العينات تحت المجهر وان شاء الله
تكون النتيجه عندكم بعد ايام


وردة الشرقية

[الطيف]

هههههههههههه

[Dr.Graphics]

اما عني انا فضحكتي ::
نيا ها ها ها ها ها

اخوكم ومحبكم
أحمد

[ماجد الأول]

طيب واللي ضحكته كذا:

خخخخخخخخخخخخخخ

[سابق الريح]

الموضوع جداً ممتع وشيق ..
بالنسبة لضحكتي أنا فهي : هاهاهاهاهاهاها .... وصحيح أنا لابس نظارات بس موعاد 12 بوصة !!

وأشكرك أخت وردة الشرقية على هذه السلسة من المواضيع الشيقة والمتميزة ...


تحياتي ....

[الشقردي]

اختي وردة منتدانا العزيزه 0000
صراحه بغيت احط ضحكه بس مسكت روحي ماودي تعرفين ضحكتي
دايم ياورده انتي ام المواضيع المميزه والشيقه بنفس الوقت
مشكوره يالغاليه0000
وتسلمين0000000000000
=====================

[ابوتركي]

متكاملة أختي وردة الله لايضرك من بحور الشعر لشاطىء الظحك معين لاينظب وعلى فكرة انا هه هه هه هه والتردد الاف المرات واعتقد أخوي الشقردي هاااااااااي بس ماوده يفضح نفسه والله يرج ابليسس......

[وردة الشرقية]

اخوي الطيف ان شاء الله دووم نشوفك كذا ....

اخوي احمد متأكد من اختيارك؟ ...ترااه مايناسبك

اخوي ماجد هذه الضحكة لسى تحت الدراسة


العفو اخوي سابق الريحان شاء الله انبسطت....



هلا بالشقردي...ليه ماتبي تقول ضحكتك؟؟؟
جانا من مصدر موثوق انها"هههاااهاهااهاهههااههه "صح؟؟؟



هلالا اخوي ابو تركي الحمدلله على السلالامة.....
وين هالغيبه كلها؟؟؟

[البكيراوي]

ههههههههههه
ما ادري وش قصة التحليل النفسي اللي باديه فيه
لا تصيرن دكتورة بعلم النفس وحنا ما ندري

مشاركة مسلية وتسلمين

[وردة الشرقية]

اخوي البكيراوي ههههههه....هذه دراسات اقوم بها لمعرفة شعور الاوعي من خلال المشاعر الاارتوازية المحيطة بالطبيعه الفسيولوجيه للدماغ هههههههه

[الطيف]

نكات على كيفكــم ......

غبي راح للدكتور لانه مريض ... عطاه الدكتور دواء وقال له هذا الدواء اشربه كل 8 ساعات ... فقام الغبي يشربه كل 6 ساعات ... لييييييييش ؟؟
عشان يفاجئ الجراثيم !!! !
______________________________

هاذولي اثنين اغبياء دخلو الأمتحان بعد الأمتحان سأل الأول الثاني كيف الأمتحان معك قاله: ماحليت ولا سؤال قالالأول: حتى انا مثلك لا يحسبونا غاشين من بعض.

______________________________

فيه نذل ساعد واحد قاعد يحترق ... ليش ... علشان يعيش مشوه

______________________________

واحد غبي لقى اللبن منتهي تاريخه زور التاريخ وشربه

______________________________

فيل من غير خرطوم ليييييييييييييييش؟؟
(فلبيني)

______________________________

صعيدي كان ياكل بيده اليسار,,شافه مطوع قله الشيطان راح ياكل معاك,,,,
راح حط سم في الاكل

______________________________

عجوزه راحت المقبره ليششششششششششش؟؟
تدور قطع غيار

______________________________

مرة واحد اصلع طلعت له شعرة عمل لها عيد ميلاد !!!!!!!!!

______________________________

واحد نذل يدور على الشرطه ليش ؟؟
زوجته ماربطت الحزام !

____________________________

سودانيه لبست فستان احمر قالت لزوجها دلعني؟؟
قال يا فحمه مولعه.

______________________________

حبتين طماطم واقفين على الشارع وايت مويه بغت تدعمهم
قالت وحده للثانيه بغينا نروح كتشب

______________________________

سأل الشرطي إمرأة تقود السيارة هل رأيت إشارة المرور (قف) فأجابته نعم فقال لها إذا لماذا لم تتوقفي فأجابته لأنه مكتوب عليها (قف) وليس (قفي)

______________________________

في حبة عيش زعلانه ليــــش
لانها انشلخت

______________________________

في برتقاله منحاشه من ملعب كرة القدم ليـــش
منحاشه من عصام سكين

______________________________

حرامي ( نذل ) دخل بيت .. ما لقى شيء يسرقه ... اتصل على أمريكا ....
وترك السماعة مرفوعه !!!

______________________________

دخلت صعيدية لمطعم وما ان جلست علي الطاولة بدأت تزغرط ليش ؟؟؟؟؟
لانها طالبة عرايس

_____________________________

في حشاش نايم امه قالته يما قوم الشمس طلعت !!!!
قال دخليها وسكري الباب

______________________________

في تيس راح لأمه يسالها عن ابوه
قال ماااااااء ماااااااء
قالت مباااااااااااااع
يعني انباع بالسوق

______________________________

يقولك فية هاجري وقف راعي تكسي و قال لة فاضي قال راعي التكسي أية فاضي قال للهاجري تعال تقهو

______________________________

فيه غبي حاط على راسه قدر ليش؟ سمع إن الأمريكان بيقصفون الروس

______________________________

في أثنين صلعان تداعموا طلع شرار

______________________________

مره ثلاثه عليهم حكم اعدام عند صدام واحد اردني والثاني مصري والثالث عراقي خل الاردني على صدام وقال انت الرئيس وانت الحبيب وانا مااحب الملك حسين استغرب صدام قاله ليش ماتحبه قال الاردني سيدي الملك يخاف من اسرائيل انت ماتخاف المهم اخلى سبيله
دخل المصري قال حق صدام انت الكل بالكل وانت الزعيم انا ماحبش حسني مبارك استغرب صدام قاله ليش قاله المصري يازعيم ده حسني بخاف من امريكا انت ماتخفش وأيضا اخلى سبيله
دخل العراقي قاله سيدي انا مااحب سيدنا محمد
استغرب صدام قاله ليش ولك ماتحب محمد
قال العراقي
سيدي محمد يخاف من الله انت ماتخاف من الله

______________________________

مره واحد يبي يخلص امتحانات ويسافر فقال لصديقه شوف النتايج ودق علي اذا ساقط في ماده قولي محمد يسلم عليك واذا مادتين قولي محمدين يسلم عليك المهم طلعت النتايج دق عليه قاله ها بشر انشالله ناجح
كان يقوله اسكت يامعود امة محمد كلها تسلم عليك

_____________________________

مره 3 صعايده مروا من الحسينيه مسجد الشيعه والسيد صاح لقد قتلوا الحسين كان الصعيدي يقول حق ربعه اجري اجري لايلبسونا التهمه

______________________________

مره واحد دق على محل كيك فاله لو سمحت عندك كيكه بالقهوه راعي المحل قاله لا
دق مره ثانيه قاله حجي عندكم كيكه بالقهوه راعي المحل قال لا يبه ماعندنا
دق مره ثالثه قاله حجي عندكم كيكه بالقهوه عصب راعي المحل قال خلني اقوله اي في قاله اي يبه في كيكه بالقهوه كان يقول ازبون ويييييييييييع

______________________________

في واحد اول مره يدش مباره كره قدم قاعد يطالع السما ليش؟
قاعد يدور كلمه مباشر

______________________________

مره ثلاث نملات ثنتين طبو بالشكر والثالثه ما طبت ليش؟
فيها سكري

[المعاني]

اختي ورده موضوع مشوق ومميز لاكن ابيك تضمين لابحاثك هذه الضحكه هيئ هئ هئ هئ لاني مستغرب من واحد يضحكها
وبالنسبه لكلامك اغلبه صحيح خاصه ههههههههههااي هذي
اما ضحكتي فهي بدون صوت
وبيني وبيني كثري من هالموضوعات اللللللللللله يخليك ياخخخخخخخخخخي قصدي ياخخخخخخخخخخخخخخخخخختي

[الفاهم]

وردة الشرقية مبدعة بحق..............

تسلمين ياختي على الافكار الحلوه ...................

لطيفة وظريفة ومفيدة.................

ووالله اني احرص على مشاركاتك لان غالباً طابعها التجديد ................

بعكس كثير من الاخوة الذين همهم النقل فقط .........................


اكرر شكري واعجابي ..............

[فريـــد]

مرحبا جميعا

الوردة ..... شكلك بتاخذين الدكتوراه في الطب التحليلي النفسي على حسابنا.. !!


أنا ضحكتي غريبة مرة .....

أول زوروا هذا الرابط :http://forum.buraydh.com/showthread.php?threadid=5624


أنا مرة اضحك : هههه

ومرة : هههههههههههه

ومرة : كككككككك

ومرة: خخخخخخخ

ومرة : خلاص عاد تصدقون.... امزح معكم



ت ح ي ا ت ي .....

[فريـــد]

الأخ المراقب الطيف


مالقيت نكته الا باسمي..


يقولك فية هاجري وقف راعي تكسي و قال لة فاضي قال راعي التكسي أية فاضي قال للهاجري تعال تقهو

عاد وش رايكم ياأعضاء ......؟؟