مساء الخير يا أحمد

[رحّــال]

يرن الهاتف فتجيب فتجد أن المتصلة امرأة وتبدأ حديثها بالسلام فهذا أمر طبيعي ,,

تجلس أمام المنزل فتمر بك أم الجيران البالغة من العمر أربعين أو أكثر وتسلم عليك وتسألك عن صحتك وعن أهلك فهذا أمر ليس بمستغرب,,

أو تمر أبنة الجيران البالغة من العمر سبع سنوات فتقول السلام عليكم فلا غرابة في ذلك ,,

تكون بمكتبك في عملك وتدخلك عليك امرأة وتبادر بالسلام عليك فهذا أمر عادي ,,

لكن ..

أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

ماذا تفعل حينها هل سترد عليها ..

أم ستلزم الصمت ..

أم تبادرها بالنصيحة وتقول لها هذا عيب ..؟؟

وماذا لو لم تقل السلام عليكم .. بل قالت ( مساء الخير يا .... )
ماذا ستفعل حينها ؟؟

وماهو انطباعك عن تلك التي تحييك ؟؟

هل تملكون فكر منغلق كفكري لا يقبل تلك الأمور ؟؟ أم ماذا ؟؟

[امرؤ القيس]

لاقالت يا احمد ولأن اسمي احمد بالفعل فلابد من اجابتها حتى اعرف وشي من لحية


اذا فيها حارش ومارش فطبعا سيكون لكل حادث حديث

واذا مافيها حارش ولا مارش فهنا ايضا لكل حادث حديث

يعني

كل اناء بمافيه ينضح

اذا الله هاديني رايح اكون مؤدب معها واجيبها على قدر سؤالها

اما وخل تحت اما عشر خطوط

اما اذا انا منطلق ومقطع فرايح استغلها بمساعدة الشيطان طبعا


والله يقدم اللي فيه الخير

[تلميذة الحياة]

السلام عليكم ورحمة الله وبركاته

رحّال ,, الحين هذا الموضوع عن مايستفاد من قصتك السابقة ؟

أنت سالفتك سالفة مع السلام !

اقتباس: أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

اذا كانت تبي تطلب طلب أو مُساعدة بعد السلام ماأشوف فيها مُشكلة ..
أما اذا قالتها كذا من دون حاجة ,,أعتقد انها تدخل من ظمن باب العيب اللي تربينا عليه..

[عجوز سمنسي]

[align=center]وينها ذي يارحال ؟

ماعمره مرت بنت بجنبي وسلمت

وش حيثك انت ؟

عاد انا ولاني مؤدب اباخذ الناس بعين طبعي وارد السلام واصفر وارمش بعيوني وارد السلام واقول : هلا وغلا ياريم الفلاء[/align]

[بــرمــودا]

مســـــــــــاء الورد ياعيون أحمد

وش فيها يارحال لماتقولك غندوره (مساء الخير) هاه وش فيها ؟؟
ليش أنت متحجر ومنغلق ؟؟ مافيها شيء ياأخي المفروض إنك لزمت عليها بشرب كوب (موكا) .
والله ونجحوا هالليبراليين عيال الكلب بتكسير القيود وتمييع المجتمع .
والله من شيء تبون تشوفونه فقط (الأيام بيننا).

[امرؤ القيس]

اقتباس:  المشاركة الأصلية كتبت بواسطة بــرمــودا     مســـــــــــاء الورد ياعيون أحمد وش فيها يارحال لماتقولك غندوره (مساء الخير) هاه وش فيها ؟؟ ليش أنت متحجر ومنغلق ؟؟ مافيها شيء ياأخي المفروض إنك لزمت عليها بشرب كوب (موكا) . والله ونجحوا هالليبراليين عيال الكلب بتكسير القيود وتمييع المجتمع . والله من شيء تبون تشوفونه فقط (الأيام بيننا).

الله يهديك

انت رد على قدر السؤال

واذا ماتبي عطني الووو و انا ارد بدالك

لان ادري ماتبي ترد تخاف تقولك اعزمني على شي بارد

[العالميه]

طيب لو العكس الشاب اللي يمر ويسلم

نرد ولا لا؟؟؟

[المتمرده]

رد عليها وقول
راعي المدد يا احمد
حين الطلب لبيني
يا سيد عقلي حارا
ادركنا بالاشارا
واكشف لنا الستارا
فرح قلبا حزينِ
واني لروح لك ساعي
يا ابن بنت الرفاعي
بالله امليلي صاعي

ادري انه ماراح تعجبكم بس انا عجباني وحبيت احطها هنا مشاركة مني

[" TWIX "]

[align=right]

اقتباس: ماذا تفعل حينها هل سترد عليها ..أم تبادرها بالنصيحة وتقول لها هذا عيب ..؟؟

[/align][align=right]
ما أرد عليها لأنها بعد السلام جاني تشنج وبلعت لساني
لأني ما تعودت يسلم علي إلا الدحمي وإبريه وحمود ومحقان وتجي ذي وتقولي مساء الخير ياتويكس!!
وين حنا به يا رحّال بطوكيو ؟!!!
ألحين العجز بدن ما يسلمن علينا لأنهن عرفن اللعانة اللي بنا واللف والدوران !!
تبي البنت تتوهق وتبيعها بـ سلام , عساها تسلم بدون سلام !!!

اقتباس: هل تملكون فكر منغلق كفكري لا يقبل تلك الأمور ؟؟ أم ماذا ؟؟

لا .. لا .. مو منغلق إلا متحجر لا مو متحجر مجيم تجيم تبي لك بخاخ صدأ
ولا تقدر الصوت الناعم , خلك على صوت الطرمبة والمكينة وصوت الكنداسة !! [/align]

[علشانك بس]

اقتباس: لكن .. أن تكون واقفاً أمام منزلكم وتمر بك فتاة في ربيع شبابها وتسلم عليك ...!!!

متى نقلتو لبيروت يارحال .. !!

[اغادير]

لترد السلام

فلربما كانت محتاجه الى خدمه او استفسار

بغض النظر عن نيتها.

هنا اتعجب هل تهتز قوة الرجوله والتحكم بالنفس

لمجرد سلام من امرأه اجنبيه.

[رحّــال]

اقتباس:  المشاركة الأصلية كتبت بواسطة امرؤ القيس     لاقالت يا احمد ولأن اسمي احمد بالفعل فلابد من اجابتها حتى اعرف وشي من لحية اذا فيها حارش ومارش فطبعا سيكون لكل حادث حديث واذا مافيها حارش ولا مارش فهنا ايضا لكل حادث حديث يعني كل اناء بمافيه ينضح اذا الله هاديني رايح اكون مؤدب معها واجيبها على قدر سؤالها اما وخل تحت اما عشر خطوط اما اذا انا منطلق ومقطع فرايح استغلها بمساعدة الشيطان طبعا والله يقدم اللي فيه الخير

هي ما رايح توقف وتسولف معك

مجرد انها مرت من عندك وراحت في طريقها ... بس سلمت

يعني وش تصير في نظرك ؟؟؟

[بنت البدائع]

السلام أحسه مخجل لاجاك من شخص ماتتوقعه
يعني يكون بين إمرأة اربعينيه وشاب عادي زي ماقلت
بين طفله وشاب برضوه عادي
بس بين الشباب للأسف أعتبره من العيب إذا جاء بدون غرض .,

<<< مره كنت طالعه مع أخوي الصغنطوطي للتموينات اللي حول بيتنا مريت من جنب بيت جيراننا كان أبوهم واقف عند الباب وألقيت السلام عليه فيها عيب هذي
أبوهم شايب حول ال70 وصديق حميم للوالد وأعده أبو لي ., من شان كذا مقتنعه بسلامي له .,

[رحّــال]

اقتباس:  المشاركة الأصلية كتبت بواسطة تلميذة الحياة     السلام عليكم ورحمة الله وبركاته رحّال ,, الحين هذا الموضوع عن مايستفاد من قصتك السابقة ؟ أنت سالفتك سالفة مع السلام ! اذا كانت تبي تطلب طلب أو مُساعدة بعد السلام ماأشوف فيها مُشكلة .. أما اذا قالتها كذا من دون حاجة ,,أعتقد انها تدخل من ظمن باب العيب اللي تربينا عليه..

وعليكم السلام


سالفتي مع السلام لأنه أغلب الناس تعرف نفسيته من طريقة سلامه ...

اقتباس: أعتقد انها تدخل من ظمن باب العيب اللي تربينا عليه

هذا عيب خالصين منه

لكن أنا وش اسوي أرد والا ما أرد ؟؟

لأنه إذا رديت مشكلة وإذا ما رديت هم مشكلة ..

[رحّــال]

اقتباس:  المشاركة الأصلية كتبت بواسطة عجوز سمنسي     [align=center]وينها ذي يارحال ؟[/align][align=center] ماعمره مرت بنت بجنبي وسلمت وش حيثك انت ؟ عاد انا ولاني مؤدب اباخذ الناس بعين طبعي وارد السلام واصفر وارمش بعيوني وارد السلام واقول : هلا وغلا ياريم الفلاء[/align]

بصراحة لأني ماني راعي الأمور هذي يصير لي مواقف معهن ,,

وانت عارف الدنيا

الشي إذا صرت ما تبيه جاك برجليه وإذا صرت تبيه ما حصلته ,,,