حملة خلوها تعــجـــز ..

[الأسترليني]

اقتباس:  المشاركة الأصلية كتبت بواسطة خبوبي نت     إلا العرس يا الأسترليني المشكله نبي نصير عزوبيه سنين أخرى يكفينا اللي صبرنا أنا معك بتخفيض المهور لكن ما نعرس صعبه

هلابك يا قلبي

يا حبيلك بعد خل قلبك جامد هذة حملة شرسة يا ننتصر او نموت اصبر و تعبر لك بزوجة شنقيطية من المدينة حتى تؤتي الحملة ثمارها

[نـدى الـورد]

[align=center]

اقتباس: ومن قالك ان الزوجة ما تاخذ الراتب و الاسواق اللي مليتها النسوان من وين لهن الفلوس و الذهب اللي على ارقابهن القصيرة من وين لهن و الساعات الماركات اللي على حوافرهن من وين لهن قالت رواتب و الله ما دج بالسعودي المسكين الا هالزوجات الله يخلف على المتزوجين بس ..

والله ذي نفقه وهبها لها الإسلام تأخذها من زوجها

ولا اتوقع فيه إعتراض على هذا الأمر

والذهب من مهرها الي مسويين حمله عليه تبونها تنقصه ويسوي رجيم[/align]

[loqpol666]

اقتباس:  المشاركة الأصلية كتبت بواسطة الأسترليني     هذة حملة جديدة و قلت في نفسي ان منتدى بريدة اولى بها لاني على علم بكثرة العزوبية هنا و كثرة المزواجيين من جهه اخرى .. هذة الحملة فكرتها مقاطعة للزواج من قبل الشباب حيث انهم يطالبون بتخفيض المهور و انة ليس من المعقول الزواج بهذة الاسعار العالية فإما ان تخفض المهور و تنجح الحملة او يبقن البنات في بيوتهن لعشرات السنين حتى يصيبها العجز و تسمى العجوز ..

تبي تقاطــــع اجل..

(( امسح خشيشك لا تجيك تخطبك بس))

____________________________
اقول.. ((الخوف ان قاطعونا حنا))

[الأسترليني]

اقتباس:  المشاركة الأصلية كتبت بواسطة نـدى الـورد     [align=center] والله ذي نفقه وهبها لها الإسلام تأخذها من زوجها ولا اتوقع فيه إعتراض على هذا الأمر والذهب من مهرها الي مسويين حمله عليه تبونها تنقصه ويسوي رجيم[/align]

يعني يا ندى الاسلام ما جاء بكلامك الا يوم جاء طاري النفقة وين الاسلام بكلامكن عن الصداق

الرسول صلوات الله علية زوج صحابي و كان المهر مقدار حفظة للقران و الرسول اللهم صلي و سلم علية قال من ترضون دينة و خلقة زوجوة ما قال الرسول اللي معه مهر 50000 الف ريال زوجوة

[الأسترليني]

اقتباس:  المشاركة الأصلية كتبت بواسطة العريف     خل المهر على جنب .. البلاء .. بتشرط حضرة جناب المدموزيل تبي بيت لحاله .. ماتبي يدخن .. تبي مطوع .. موظف وظيفة حلوة .. من سكان بريدة .. الخ هذا غير إنها من راسها لرجليها .. كلها عيوب .. قصر قامة لامثيل له بين الشعوب .. سمرة البشرة .. والنمش والكلف أجسام ممتلئة لدرجة أن معالم الجسم متداخلة في بعضها .. أو نحف مبالغ فيه ( عص ) هذا فيما يخص الشكل الخارجي .. نجي للدواخل : تربية رهاااف .. إن أحسنا الظن وقلنا البنت عاقلة ومالها بالدشارة .. لقيتها مدلعة .. وماتعرف تطبخ من زود الدلال .. قلة ثقافة .. وحماقة .. وإهتمام باللبس والموضة والماركات ( على غير سنع ) عدم إدراك للمسؤلية .. ولا للواجبات .. الحكي يطوووووووووول .. لكن خلها ع ربكـ خلوها تعجز .. حملة جميلة .. ومفيدة .. وهي قرصة أذن لكل فتاة وولي أمر .. قال عليه الصلاة والسلام : ( إذا أتاكم من ترضون ديــنه وخلقه .. فزوجوه .. ) ( فأظفــــــــر بذات الدين .. تربت يداكـ )

هلا بك يا العريف

عارف وش المشكلة الان انها ما تبي اي قاعة هالحين و لا تبي الا البوفيهات الفلانية وووووو بس ليلة العرس هذا وعليك الحساب بالباقي


العريف يا فلبي الشق اكبر من الرقعة تدري ليش لان الدبرة صارت بديهن الله يخلف بس

[بــرمــودا]

اقتباس:  المشاركة الأصلية كتبت بواسطة نـدى الـورد     برمودا ترى فيه اجاانب يتمنوونالسعوديه خل عنكم المكاابره واشتروا بنات بلدكم بكل غالي قبل مايأخذها الغريب

الله يهديك ياندى ,,تراي من اللي يشجعون الصناعه الوطنيه لو ‘نها تحوم الكبد .
أنا متزوج والحمدلله وسعودية الأصل والمنشأ ...ومثل ماقال الأسترليني حنا مبسوطين على هالمقاطعه لأنهن يبن يرخصن ونبي نسويها ونتزوج على الثانيه والثالثه والرابعه ...المفروض آخذ وسام مكافحة العنوسه .
بالنسبه للأجانب الله يهنيكن فيهم والله من زين الريحه والوساخه .
تصدقين كنت عند حلاق تركي وقال لي : تصدق ماأحب أحلق للأجانب وخصوصا العرب السوريين والمصريين (أنواع الوساخه) .

[نـدى الـورد]

الإسترليني...

اعطني رجلاً من الماضي

اهب له اربع فتيات من اجملهن ... وافضلهن اخلاق وتربيه

دون مهر..

لان سابقاً الرجال ينشرى

الحين بالله مو انك معي قلة المراجل في زمنا هذا؟

[شموووخ]

هههههههههههههههههه
حلوه هالمقاطعه اعجبتني كثير
يالله عساكم عالقوووه
اعقلوها وتوكلوا
بس ان شاءالله تجيب نتيجه
اممممم
ليش متأزمين كذا على كم مهوركم يا اهل القصيم...؟؟

[loqpol666]

اقتباس:  المشاركة الأصلية كتبت بواسطة بــرمــودا     الله يهديك ياندى ,,تراي من اللي يشجعون الصناعه الوطنيه لو إنها تحوم الكبد .

انا معك باللي تحته خط..

لكــن الباقي.. انا ضدك..(( وابصم بــعــد))..

..الدنيا مليانه كشابــــير.. و((مـــوتــــن حـــمـــر))

والمفروض..

(( كــل واحـــد يـــاخـــذ عـــلـــى قـــد كـــشـــبـــرتــــه))

((ومــــد لـــحـــافـــك عـــلـــى قـــد كـــشــبـــرك))

[رحيل]

تخيل إنك تدفع لسياره في ذيك الساعه

بتدفع وأنت كشرتك من الدائري الغربي للشرقي

[.العقرب.]

رداً على كلام الأخ ..العريف.. اولاً..انت تناقض نفسك بقولك ( ماتبي يدخن .. تبي مطوع )واستشهادك بحديث الرسول صلى الله عليه وسلم ( إذا أتاكم من ترضون ديــنه وخلقه .. فزوجوه .. )
ثانياً..ارجو ان تنضر انت وامثالك إلى اشكالكم في المرآة قبل ان تتكلمو عن عيوب البنت!!!!!عند ذلك ستسجدون شكر لقبول البنات فيكم.

[نـدى الـورد]

[align=center]

اقتباس: ..ارجو ان تنضر انت وامثالك إلى اشكالكم في المرآة قبل ان تتكلمو عن عيوب البنت!!!!!عند ذلك ستسجدون شكر لقبول البنات فيكم.

عن جد الرد هذا يستاهل بوسه لراعيته ههه

عقرب بنت امها بحق وحقيق

*

ب النسبه لكم ي الشباب

اعترف ب اهميتكم بحياتنا لسبب واحد بس

هو عن طريقكم بحقق غريزة الامومه

والا غيره .. الحرمه قادره انها تتكفل بروحها

بجد هذي حقيقه غير مبالغ فيها

,






[/align]

[صـاحي و رايـق]

حي الله الأسترليني

بصراحه هذا الشيء فاقعن مرارتي
بغض النظر عن المعظم منهم من حيث أشكالهن التي لا تروق لمسماها كـ (( أنثى ))

غلا المهور ياحبي
مدري صراحه وش يفكرون فيه الاباء
يعني مثلا أرتفعت الأسعار رفعوا مهور بناتهم
يعني هنا كل ما زاد الشيء صار المهر تبع هذه الزياده
معقوله أصبح مهر البنت مربوط في الزيادة والنقصان تبع المواد الاستهلاكيه
غريب أمر الاباء في نظرتهم لهذا الشيء
هل أبنته أصبحت بضاعه تباع وتشترى بنظرته لها بهذه القسوه والإهانه

والله قهر يلاقونها منكم ولا من الإجارات ولا من محلات الذهب
أخبر أخر مره وصل (( 90 )) مدري إذا أرتفع الذهب بعد مشكله والله
صار الوضع مخيف وربي كثروا البنات وكثروا الشباب
البنات ودهم يعرسون والشباب بعد
بس المشكله أنهم كلهم متعلقين بشي أسمه تقاليد

يعني مثلآ عند المعظم
أدفع (( 40000 )) مهر
ذهب على الأقل (( 30000 )) وقسم مدري ليه الناس تشتري ذهب .. أحسه موضه وأنتهت لا تقدم ولا تؤخر
يعني مع الهدايا (( 5000 ))
صاله الزواج قول (( 20000 ))
الخرفان واااااااااااااااااااااااه على الخرفان بعد ماكنا نشتريها بـ (( 400 ))
الحين زادت من (( 1000 )) إلى (( 1500 ))
يعني قول عشرين خروف بـ (( 20000 ))
طيب شهر عسل قول (( 15000 ))
يومين في فندق (( 1500 ))
بعد الزواج تحضر عشى عند أبو البنت على الأقل (( 7000 ))
بعدين عند أبوك نفس الشيء (( 7000 ))
وقبل الزواج شقه (( 20000 )) وأغراض الشقه تقريبآ (( 20000 ))
هههههاااااي والله واجد توني أحسبها صح .. توني صدق أهون ولا أتزوج طوال عمري

المجموع طلع (( 185500 ))
شافين كيف يعني بتشتري بي أم دبليو الفئه الخامسه لون أسود من داخل بيج وجنوط حجم (( 20 ))
ياااااااسلام ما كأنك بتاخذ بنت علشان تعيشون في رخاء ونبات وتخلفو صبيان وبنات
ههههههاااااااااااااي
صراحه مشكله أتضح أنه ما يقدر عليها إلا ناس لهم كلمتهم بين الناس (( كاش )) أصحاب رباء وسرقات
صاروا يحجوز البنت وهي في بطن امها

في الأخير أخواني أتمنى تاخذون كلامي في عين الأعتبار بأنه كلام إنسان خايف مو علينا على مستقبل عيالنا
وماقلت كلامي هذا من فراغ
خبرتي في مؤسسه ماليه وشوفت العجب العجاب ........... طبعآ كلامي هذا عام للكل ؟؟


أما ما يخصني
فا أتمنى وأمني وكلي أمل بأن ترتفع المهور لحد الرقم الصعب
عشان أبتعد بعد جذري عن هذا الزواج وأقطع صلتي فيه نهائيآ
من حيني أتهدد ومقرر بعد (( 6 )) سنوات يعني إذا صار عمري (( 35 ))
وبعد الزيادة أشيل قرار الزواج من قاموس حياتي كل أبوها



إلى اللــــــــقاء

[رحيل]

ياحليله الحسبه طلع الذهب 30000
وش تحسبنا قراطيس

بالبريداوي يسد مبالغات أقل من يدفع أنتم وأكثر من يتشكى

[loqpol666]

شورك و هداية الله..




والله يا حنا نبي نتشرط تشرط ..

والله ان تقوطر سعابيلهن