قصة حقيقية

[سـالي]

قريت هالقصه ..وصراحه ضحكت عليها وعجبتني وحبيت انكم تشاركوني فيها
هذي قصة حقيقية عن بنت .
وبحكيلكم عن قصة زواجها الغريبة المضحكة.^_^... هذي البنت سلمكم الله عندها خوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم جا دور هالبنت اللي أتكلم عنها كانت سهرانة مع اخواتها الين الساعة 2 الصبح...وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة قفل باب بيتهم ‍‍..... وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..( لأن أبوها شديد)... وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة!! قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما
صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها...........والله قصة زواج غريبة وعلى فكرة ترى هذي سالفة حقيقية وحصلت بالفعل... واللي يعيش ياما يشوف ويسمع .

سالي

[سكر وملح !!]

اختي سالي

يستاهلون بعض ورب صدفة خير من الف ميعاد . ويعيشون بسبات ونبات ويخلفون صبيان وصبيات .

قصه حلوه ياسالي , الله يسلي ايامك .

[أبو أنــــس]

سبحان الله حلووووووه الصدف بعض المرات...

اكيد ولد الجيران مستانس يوم قالت له ساعدني واستانس اكثر

هو جالس يتفرج عليه (فرجه ببلاش)

وهي اكيد لو عارفه انه بيصير لها هالموقف كان لبست احسن ملابسها

واحلاهااااااااااااا.

[الطيف]

لو ان الشاب سلقة كان فرصته يرقمها بس والله يعجبك ورجل وهذا الجار الصحيح


واغض طرفي ان بدت لي جارتي ............ حتى تواري جارتي مأواها


اعود فأقول تشكرين اخت سالي على هذه القصة الرائعة


وننتظر منك المزيد

[سـالي]

مشكورين اخواني الاعزاء








سالي

[وردة الشرقية]

قصة حلوة اختي سالي....
اختي سارة ..حرام عليكِ تقولي كذا عن البنت لأنها لو كانت راح تعمل كذا ماكانت تغطت بالزبالة"اعزكم الله"

واشكرك اختي سالي مره ثانيه على هذه القصة

[العاشق لبريدة]

مشكوره اخت سالي على القصه الحلوه
وزي ما قالوا الشباب ربا صدفه خير من الف ميعاد

[عصي الدمع]

حلوة بالمرة أختي سارة .. والصراحة إن ولد الجيران شكله لما قال لأصحابه السالفة .. قام كل واحد يدور على زبالة تتحرك ههههه. حلوة الصراحة ..

أخت سارة هي لوعرفت إنه بيصير لها هالشيء ما طلعت بالزبالة أصلا .. صح ؟ .

المهم أخت سالي جميل جدا وإن شاء الله نشوف أحلى واجمل .

( عصي الدمع ).

[الشقردي]

شكرا اختي سالي0000 قصه طريفه وفيها دعوه اننا نفتش بالزبايل ههههههه على شان نلقى بنات ونتنقى ان جازت لك والا رح لزبالة ثانيه ههههههه00

[سكر وملح !!]

اختي ساره ,,,, كل يرى الناس بعين طبعه !!!!!!!!!!!!

[أبو أنــــس]

هاه هاه اخوي الشقردي بدينا نغلط!!!!

الله يسامحك تدور علينا بالزبايل....

وياسكر وملح يعني الواحد مايمزح كل شئ جد عندك....ههههههه

وصح عليك ياعصي الدمع لو هي داريه كان ماطلعت ولو ان ابوها داري

كان ههههه يايويلها وياسواد ليلها على مايقولون

[سكر وملح !!]

يا ســــــاره .........
يعني الواحد ما يكون جد لمره وحده ,,, ,,,,
كل شــىء عندك مــــــــزح ,,,, هاهاهاهاهاها ...

[المفكر المهيلة]

ســــــــــــــــالى والله اتمنى لو يصير معى مثله واتزوج وارتاح من العزوبيه

ترون امزح هاااااا وتشكرين سالى

[وردة الشرقية]

الله الله....
شوفوا ترااا كل شي الا سويرررر....لا تزعونها
..........
اخوي المفكر المهيلة...الله يرزقك ياااارب

[البكيراوي]

قصة جميلة جدا اخت سالي بس اقول الله يستر من هالعرس اللي اول لقاء فيه عند الزبالة