خذ اجرها بدعوة صادقة او حل لمشكلتها..!!

[آنا هيفاء]

بسم الله الرحمن الرحيم
السلام عليكم اعضاء منتداي الغالي::

بعد تفكير طويييييييييييل وتردد عظيم قررت اني انزل لكم قصة صديقتي المظلومة .
وارجوا من الله اني الاقي في ردودكم حل لمشكلتها

سبق واني قلت ان صديقتي هاذي ربي عطاها من الخير كله (وهاذا كان اعتقادي واعتقاد كل الي يعرفونه او يسمعون به) جميلة جمال ما انخلق على سعودية والله الي يشوفة يقول اجنبية وعليه اخلاق قمة ومتواضعه وبنت ناس لهم صيتهم العالي وذكية بدراسته ورغم هاااااااااذااااااااا كله تعيش حياة الله لا يذوق احد فيكم مرارتها...عندها ام تكرهه كره عظيم تضربه ليل نهار والله انها تكسر العصا على ظهرها تحرمه من الاكل احيانا بسبب وبدون سبب ترفض ان ابوها يكسيها او يشري لها حتى العلاج وتقول هي تصرف على نفسها او تتزوج واذا جاها الخطاب تجلس امه تبكي وتضرب على صدرها وتقول ياليته انا الي بتزوج وتجلس تدعي وتقول يعلك ماتشمين ريحة الرجل,,واذا صديقتي رفضته قالت امها لها انتي ترفضينه لانك مستغنيه واكيد انك تنامين مع (.....)كلام ماينقال!!!!!!!!!!!!!!!!!!!!!!!!!!!!!!!!!!!!!!

ونجي للب المشكلة (اختها)...اخت والله ابليس اطهر منه ,ماتخاف الله ,حسود والعياذ بالله..ولا فيها زين ولا اخلاق

الاخت هاذي تغار منه غيره مش طبيعية ,,لدرجة انه عطتها كريم لمى اخذتة للمستشفى يحللونة قالو فية مادة حارقة وخطيرة وضعت فية (موية نار)..
وتشوه سمعتها وتطرد عنه والاهم تحرش امها عليه ومن امثلة مكر اختها::انها تحاكي في الناس مصالحهم لكي تصل لهدفها من دون محد يشك فيها,,يعنى ماتجي للناس عيني عينك ..

سألت صديقتي الشيخ وقالها لاتهتمي من دعاء امك عليك اذا منت مسوية شي لها ,,وادعي ربك دائما على اختك!!

المهم صديقتي اخذت تدعي الله لاختها بالخير عل وعسى تلتهي بحياتها وتفتك منها(هاذي الطيبة ولا بلا ,,تدعي لاختها بالخير قبل نفسها)
اختها الان تعيش بقصر وعيشة ملووووووووووك مع زوج جميل ومعه دكتوراة ومن ارقى العوايل بنجد وغني جدا وجاها اطفال..ولكن الشر والحسد والحقد مازال مالي قلبها ..

تصدقون اختها خلت امها تطرد الشغالة عشان تستمتع بتعذيب هالمسكينه!!
تصدقون انه لمى تضرب صديقتي تقول انا اكرهك لانك تذكريني بجمالي لمى كنت صغيرة!!
تدرون انه بكل المناسبات كلهن يروحن للكوافير وصديقتي لا ,,وكلهن يلبسون فساتين بالالووف وهي فستانه مايكلف الميتين ريال!! واذا حضرن المناسبة التمو النسوان على صديقتي بالهبل من جمال فيها وهاذا الي حارق قلب اخته
حتى ابوها الضعيف ماله قدرة على شر امها واختها ويقول للبنت دائما لا تتجملين يزيد حقدهم عليك ولا تفرحين امامهم ..لكن صديقتي جماله من الله, والله الكحل مايعرف عينه ..
وانا نفسي كنت اغار منه واغبطه !!

صديقتي بالاونة الاخيرة ماعاد هي مثل اول ..على طول ساكته واذا خلصت من تنظيف البيت اليومي ومن الطبيخ والغسيل تنام
وقايمه بواجباته الدينيه,,ولمى نصحناها بالرقية ,,يمكن به عين او سحر يكثر نومها وماتقدر تمسك القران ولا حتى خمس دقايق على بعضه
وانا اكاد اجزم ان اختها تعمل السحر..

لمى قلنا لها احنا نساعدك ونكسر خشم اختك ,,تقول لا هاذي اختي ماتخاف الله ومابي ينضر احد معي!!!

اخوها تدخل ليرفع الظلم عنه وردعته امه!!

تصدقون ان كل الشغل عليها وينسبونه لاخواتها الي بالبيت الي حتى القلم مايرفعونه من الارض!!
تصدقون ان الاخت طلقت صديقتي من زوجها وكانت تغازله وتكلمه بنصاص الليالي!
تدرون ان اختها رغم ان رجله متدين وابن ناس مشهود لهم بالاصلاح الا انها فاجرة وصاحبة كشف وعري وميوعة مع الرجال الغرب ولا احد يقدر يفتح فمه بكلمه!!!

والله ياخواني واخواتي من القهر الي احس فيه اقول الله ياخذ امها واختها بليلة وحدة
ياليتكم تسمعون الي سمعته وتشوفون الي شفته والله قلبي حزين عليه وحاولت كثير ابتعد عنها لاني مااستحمل اشوفه تتعذب ولا اسوي شي!!!!!!!!!!!!!!!!!!!!!!والله اكثر من مرة اكلمها بالتلفون اسمع امه تصرخ عليه وتضربه من دون رحمه

تصدقون ان هاذي الاخت تقول اذا انتي يافلانه(صديقتي) عشتي بتعاسة انا بعيش بسعادة عشان كذا لازم تعيشين محرومة وذليلة دايما )
(صديقتي ماسكه على اخته مسكه والله لو تقولها والله راح تدمر حياتها ,,لكن صديقتي رااااااااافضة وتقول ابيها من الله المنتقم العزيز المقتدر)
>>>>>>>>وفيه امور كثيرة بس حاولت اختصر وماااااااااااااااخفي اعظم >> للمعلوميه هاذي صديقتي اعرفها من كنا بالمتوسطة لكن صداقتنا الحقيقيه بدت من 6 سنوات تقريبا(وحتى احنا ياصديقاتها تحاول اختها تبعدنا عنها بشتى الطرق وتقول لامها هالصديقات فاسدات يبغون يخربون بيتكم ولا عاد تكلمهم فلانه>>الي هي صديقتي !!)

والله هاذا الظلم بعينه

ابي رايكم و شوركم ونصيحتكم الله يجزاكم خير..ودعواااااتكم ياهل الصلااااح

وبالاخير اسأل الله العظيم الرحمن الرحيم يرفع الظلم عنها ,,اسأل الله الجبار القهار المنتقم المقتدر العزيز يجلس اختها مجلس الذل والحرمان ويحرمها نعمة طغتها ويحرمها من صحتها بقدرت الواحد الاحد الواحد الصمد .,,ويكشف خزي اختها ويرد كيدها ومكرها لنحرها (والله خير الماكرين)

واعذروني عالاطالة ,,

وصلى الله وبارك على سيدنا وحبيبنا محمد عليه افضل الصلاة واتم التسليم

[أبو تهاني]

هيفاء تسلمين على الموضوع

أنا وأنت والأعضاء ما نقدر نسوي شيء لخويتك

ما لها إلا الدعاء وما فيه شيء يضيع عند الله

وحاولي تدورين لها زوج صالح ينسيها أيام الذل على قولتك

[آنا هيفاء]

اقتباس:  المشاركة الأصلية كتبت بواسطة أبو تهاني     هيفاء تسلمين على الموضوع أنا وأنت والأعضاء ما نقدر نسوي شيء لخويتك ما لها إلا الدعاء وما فيه شيء يضيع عند الله وحاولي تدورين لها زوج صالح ينسيها أيام الذل على قولتك

اخوي ابو تهاني اذا على الزواج واقسم بالله العظيم طلبوها امراء و وزراء واصحاب مناصب

لكن الام واختها يطردون عنها مادري هل اهم مش بوعيهم او انو حسد!!


تسلم اخوي على مرورك ..

ودعواتك لها بالفرج القريب

[راعي القصيم]

أختي/ أنا هيفاء وفقك الله
السلام عليكم ورحمة الله وبركاته وبعد....
لقد قرأت موضوعك وقصة هذه الفتاة المسكينه أسأل الله أن يوفقها ويرفع عنها ما أصابها كما أسأل الله سبحانه أن يهدي والدتها ويصلح قلبها وأن يهدي أختها ويصلح قلبها .
أختي/ أنا هيفاء ...
أذكرك بيوسف عليه أفضل الصلوات وأتم التسليم عندما حقدو عليه إخوته من جماله وحب أبيه له والذي قرأته عن هذه الأخت المسكينه أرى ان الذي أصاب الأم والأخت هو الغيرة الشديدة والحسد على جمالها وحسنها ...
الأخت المسكينة خطبت كذا مرة ولم توافق على حسب ماذكرتي فقد يكون الرفض ناتج عن صدمة نفسية مما يقع حولها من المشاكل وسؤ المعامله أو قد يكون عين من حاسد والعين حق فجعليها تأخذ من أسرتها من حيث لايعلمون ولا يعني أن نشك بالأسرة ولاكن الشيطان حريص.
ونصحيها بقرأت سورة البقرة من بعد غروب الشمس ولها حتى قبل طلوع الفجر وهي تقراء سورة البقرة يكون عندها إناء ماء وهي تقراء تنفث فيه وإذا خلصة من القرأة تشرب من هذا الماء وتغتسل منه في مكان طاهر لمدة ثلاثة أيام تقرأها مرة واحدة في كل ليلة وعليها بقرأة الأوراد والتحصن ولا تنسى الدعى لله رب العالمين بأن يشفيها وعليها الاحتساب بما أصابها عند الله . ولي عودة وسأفيدك ببعض التوصيات لاحقاً وفقك الله وكان الله في عون هذه المسكينه وسندعوالله لها سبحانه بأن يفرج همها.

[عبدالملكـ]

إن الله يمهل ولا يهمل ...

اقتباس: اللهم يا حي يا قيوم أكشف عن اختنا همها وغمها ......

وبالنسبة للزواج .. وش دخل اختها وامها .. المفروض ما يستشارون لانهم لا يريدون النصيحة لها ..

+ شرعاً وليها أبوها وأخوها من بعده .. وإذا كانوا فاهمين القصة وقد المسؤولية
يقدرون يزوجونها وإن شاء الله تطلع مع زوجها ... لبيته .. وتتحسن أمورها ..

الله يوفقها ..

[آنا هيفاء]

اخوي راعي القصيم ::كل هاذا من اختها الي حشرت راس امها ,,وارجع واقول احس اختها عامله شي لها والله لو اقولكم وش تسوي والله العظيم ماتصدقون ,,وحدة ماتخاف من الله واهم شي سعادتها

جزاك الله خير اخوي وعزت الله ماقصرت بدعائك و بردك والله يجعله بميزان حسناتك..

[آنا هيفاء]

اخوي عبدالملك::البنت سبق لها الزواج وقعدت لها اختها لمن طلقتها !!يعني المشكلة يمكن تتكرر ثانية.
تصدقون مرة من المرات الاخت خلت العم يرفع السلاح بوجه ابوها تدرون اش السبب لان الاخت ودها تشري اثاث جديد والاب رافض يعني الي مايسمع كلامها او يتفوق عليها ياويله!!!ماقلت لكم الحكايه فيها ان!!اختها لو تقول الشمس تطلع من الغرب صدقوها!!
اختها والعياذ بالله تخليك تشك بنفسك ونت ماتدري
لو اعطيكم التفاصيل والله مايكفيها صفحات المنتدى كله البنت عايشة بجحيم كله عشانها جميلة واختها لا!!

الله يجزاك خير اخوي والله يتقبل منكم دعائكم لهالمسكينة

[هند الوفاء]

اعوذ بالله من الشيطان الرجيم ..وش هالاخت؟!

قلت بالبداية يمكن البنت مش بنتهم..خاصة انك تقولين انها جميلة جمال خيال وما تشبهم هذا الي فهمته << مسلسلات

أو ان الاب كان متزوج وحدة ثانية..او غلطة حد..كذا يعني..هم يعرفون انها بنتهم لكن يحقدون عليها هالنسيوات ..<< مسلسل 2

المهم نجي للموضوع..من أكبر الصديقة او اختها ؟

اختي هيفاء..سالفة انها طلقتها من زوجها..غريبة مفروض تحط بالها وتعرف ما تخلي اختها تمسك شي من لبسها او تاكل معها..مفروض اذا هذي معاملتهم تبعد وراء الشمس من هالناس..

واتفق مع الاخ راعي القصيم..واشوف ان الموضوع فيه ان..كيف يسمعون كلام هالعلة ..محد يقولها شي,,
هي عليها تتحصن..وكمان تقوي شخصيتها شوي..
ولي امرها موجود..هو الي يحكم ويزوجها..بس لا تسكت وتاخذ بالاسباب وبهدوء..

وطمنينا عليها..وقولي وش سويتي للحين..اول بأول ..

والله يبعد الشر عن المسلمين كلهم..

[عجوز سمنسي]

اختي انا هيفاء : انتي متأكده انها بنتهم ؟ اللي تقولينه غريب غريب وربي

كانها بنت عدوة لهم وماهي من صلبهم

اشك ان في الامر شي مو طبيعي

ذكرتيني بسالفة سندريلا

وبعدين اذا كانوا يطلبونها مراء ووزراء فما اعتقد ان امها تبي ترفع خشمها فوق

مع ذلك نقول اللهم فرج همها وازل كربتها

شكرا لك

[رحيل]

حينما تنقلب النعم إلى نقم

حينما يعاقبون أصحاب النعم لتنقلب نعمهم إلى نقم

هل رأيت ذلك ؟ وهل جربت ذلك ؟

هل جربت أن تدفع ثمن هبه وهبها الله لك ؟

هل ذقت طعمهما (النعمه والنقمه ) في آن واحد ؟

مساكين لم يقترفوا ذنب يستحق العقاب

كان الله في عونهم

.

.

.


أنا سمعت قصص بس مو مثل قصة هالبنت الله يكون بعونه ويعوضه خير مما شافت

ويفرج عليه وينصره ويرفعه بين خلقه ويسخر له أهل الخير

ياكثر الأهالي اللي يعاملون ضناهم أسوء معامله وكأنهم مو لهم

داخل هالبيوت شئ الله به عليم

على فكره إذا فيه سحر معمول فهو معمول للعائله كله

ولو تعرض على شيخ يبين إنهم مسحورين أو لا

وإذا بتساعدينه أعرضي حالتهم على راقي وإذا ثبت السحر يقرى عليهم

[آنا هيفاء]

اقتباس:  المشاركة الأصلية كتبت بواسطة هند الوفاء     اعوذ بالله من الشيطان الرجيم ..وش هالاخت؟! قلت بالبداية يمكن البنت مش بنتهم..خاصة انك تقولين انها جميلة جمال خيال وما تشبهم هذا الي فهمته << مسلسلات أو ان الاب كان متزوج وحدة ثانية..او غلطة حد..كذا يعني..هم يعرفون انها بنتهم لكن يحقدون عليها هالنسيوات ..<< مسلسل 2 المهم نجي للموضوع..من أكبر الصديقة او اختها ؟ اختي هيفاء..سالفة انها طلقتها من زوجها..غريبة مفروض تحط بالها وتعرف ما تخلي اختها تمسك شي من لبسها او تاكل معها..مفروض اذا هذي معاملتهم تبعد وراء الشمس من هالناس.. واتفق مع الاخ راعي القصيم..واشوف ان الموضوع فيه ان..كيف يسمعون كلام هالعلة ..محد يقولها شي,, هي عليها تتحصن..وكمان تقوي شخصيتها شوي.. ولي امرها موجود..هو الي يحكم ويزوجها..بس لا تسكت وتاخذ بالاسباب وبهدوء.. وطمنينا عليها..وقولي وش سويتي للحين..اول بأول .. والله يبعد الشر عن المسلمين كلهم..

اختي هند الوفاء جزاك الله خير على تفاعلك ,,,,,,,,

فعلا هي جميلة ,,لدرجة انه بالمناسبات النسوان يقولون هاذي امه اجنبية !!
واحيانا يقولو لامها هاذي من جيرانكم او هاذي زوجة ابنك؟؟!!

والله الي يطالع بوجهه يقول سبحان من صورة وانا اولهم اقول هالكلام
..............................

الاخت اكبر من صديقتي بكثير ,,يمكن بست او سبع سنوات
......................

صديقتي تزوجت وعمرة 16 سنه فقط يعني طفلة,,واهم شي صديقتي طاهرا قلبه وماتفكر بالشر,,,واسئليني انا عنها وعن اخلاقه

صديقتي كانت تشتكي لامها من تصرفات اخته وكانت امه تقوله ::اختك تبي مصلحتك وامشي على كلامه تفلحين!!

كانت صديقتي لمى تدخل على اخته تلاقيها تبكي وتقول ياليتني انا الي متزوجه رجلك ,,ولكن امام اهله وامام الناس تدعي لصديقتي بالتوفيق>>ان كيدهن عظيم
وقلت لكم ,كانت اخته تغااااااااااااازل زوجها واذا جاء ببيتهم تحط اخته هاذيك السفرة والله كنه بافخم المطاعم ,,وكانت تقول لصديقتي علمينن باي وقت زوجك يكون بالبيت عشان اذا اتصلت يرد علي >>>ماعندها باحد

اخته خربانه وماحد يشك به لانه مهي زينه وبالدراسة مامعه الا الابتدائيه !!,,وهاذا الي محيرني وشلون تتزوج واحد ابن ناس ودكتور وجميل ويلف بها العالم من حبه لها والله العظيم يلبسها مجوهرات بمئات الالوف واخر مرة مهديها طقم مجوهرات ب70 الف وساعة الماس بعشرة الاف >>ماتحسون ان اخته به ان

........
مره صديقتي جت لامه تبي تفهم وش سر الكره ,,فأخذت امها رضاعة حليب حقت الاطفال ورمته بوجهه وقالت هالوجه الي انتي فرحانه فيه لازم اشوهه!!

والله البنت ماعاد تطلع من البيت عشان محد يمدحه ويقومون عليها القيامة!!

[آنا هيفاء]

اقتباس:  المشاركة الأصلية كتبت بواسطة عجوز سمنسي     اختي انا هيفاء : انتي متأكده انها بنتهم ؟ اللي تقولينه غريب غريب وربي كانها بنت عدوة لهم وماهي من صلبهم اشك ان في الامر شي مو طبيعي ذكرتيني بسالفة سندريلا وبعدين اذا كانوا يطلبونها مراء ووزراء فما اعتقد ان امها تبي ترفع خشمها فوق مع ذلك نقول اللهم فرج همها وازل كربتها شكرا لك

اخوي جزاك الله خير على مشاركتك بالموضوع,,

فعلا كأنه قصة سندرلا بس على الاقل سندرلا تطلع وتشوف الناس!!
صديقتي لها صاحبات كثااااااااااااااااااااار واكثرهن من جنسيات عربيه مثل ايرانيات ,,وهاشي خوف اخته على زوجها الدكتور ,,فماكان من اخته الا راحت لامه وقالت لازم تبعدينه عن هالصديقات لا يأخذون ابوي منك !!!>>>شوفو كيف الخبث عكست الآية لصالحها,,
...............................

لمى تقدم لها الامير والله على كلام صديقتي ابوها وامها واهل بيتها بغو يموتون من الفرحه ,,,لكن هالشي مايرضي اخته ,,فتصلت اخته على ابوها وفهمته ان مصاهر الامراء غير وانهم اقوياء ولازم تسمع كلمتهم وتنفذ اوامرهم وخوفته بهالكلام فقال ابوها:وانا ابوك لاتاخذين واحد له مركز كبير انا شيخا كبير ومالي شدة على الكبارية !!(ابوها فاهم الوضع ومايبي مشاكل لان بنته حقوووووووووود وماتعترف بقوة ربها وانتقامه وانها اذا قالت لشي لا فيعني لا ! او راح تشبها مشاكل لمى تطير الخطيب ,,وكان ابوها يقول لها ادعي ربك بالفرج او تزوجي واحد اي كلام حتى يخف حسدهم عنك)
................

وتصدقون ان صديقتي تأخذ القران وتفتحه وتحلف عليه امام اهله ان اخته تبي تدمره ,,ومحد من اهله يصدقه...ولمى قالت خلو اختي تحلف عالقران انه ماضرتن رفضت امها وقالت اخاف يجي بنتي (الاخت) مكروه اذا حلفت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

[العبرى]

قصة غريبه جداً..

وكأنها خيال وليست واقع..!

اللهم سلم..

يبدو أن هناك سر غامض في الحكاية

عند هذه البنت ولم تخبرك به..أو عند أهلها وهي تجهله..!


كان الله بعونها..





تحيتي,,,

[كيفي عتيبي]

[align=right]


تصلح سيناريو لـ فيلم هندي


بس كيف بتكون النهايه !!


تهقون تطلع البنت .. بنت حرمه ثانيه .. وهذيك مهيب امها !!

.[/align]

[جبل عمر]

قصة غريبة عيت تدخل مخي مع إن هالزمن كلشن جايز فييه

ما نقول إلا اللهم ارفع الظلم عن كل مظلوم واهدى الظالم والمؤمن مبتلى