السلام عليكم ورحمة الله وبركاته
مساء الخير جميعا يا أعضاء وعضوات وقارئـين
من وقت وانا أبحث عن جواب وأحياناً ألاقي جواب لكن ما أحس إنه مقنع
وعلشان كذا قلت اكتب السؤال هنا عسى ألاقي خلف الأسماء المستعارة أجوبة صريحة وصادقة
عنوان الموضوع يدل على خصوصيته للبنات لكني ما أستغني عن جواب الشباب لأنهم عايشين معنا في نفس المجتمع وأكيد عندهم علم
سؤالي طول الله أعماركم على عمل صالح
( ليش البنت تتنقب في السووووق وفي الروحات والجيات ؟؟؟؟
ياليت ماحد يجاوب من دافع عاطفة يعني الإجحاف مانبيه
ولا نبي الكذب
مثل ما يقال الكلمة الي تحسها في قلبك طلعها صريحة مابي تلميح ولا لف ولا دوران
وأشكر مقدما لمن قرأ ولو لم يشارك ولمن شارك ولمن نوى أن يشارك
وأسأل الله ان يجعل ما نكتب وما نقرأ حجة لنا لا علينا
الوضع اليوم قصدي الآن بزماننا هذا يضيق صدر المجنون يعني يخلي الواحد على قولتهم يهج من هدومه البنات وماهو كلهن طبعا -البعض وعسى ربي يهدين ويفتح على قلوبهن يارب العالمين
وهي بالسوق وقدام الرجال من عمال ومتسوقين ووووو تلاقيها لبسه نقاب بشكل عجيب وغريب -يعني يارجال شوفوني!!وهي بلبسها النقاب هذا -تعطي للناس نوعية تفكيره ومستوى دينه وتمسكه بعقيدته --يمكن هي ماتحس-بالشي هذا
لكن لو جربت ولبست نقاب ساتر -ويخفي وجهه لآن النقابات الحين ماهي حجاب بل العكس هي (كشف صريح) للوجه بمجرد ما أشوف النقاب الواسع على عيون البنت تعطيني بقية ملامح وجهها
يعني أدري هي سمرا أو بيضاء هي له وجه مفدور أو طويل!!هي حلوه أو لا-لآنه هي اللي عطتني بداية الوجه وعقلي أكمل الباقي (ماشاء الله عليه) هذا وأنا حرمه زيي زيها
أجل الرجال وش راح يصير معهم -اللي بالفعل يقهرني إني إذا شفت وحده عيونها (مبققه) بالنقاب عيني عينك وزوجها معها أو أخوها--ياناس وين الدين وين المروه !!!أفا والله!!البنت وهي تلبس النقاب وتحاول تطلع عيونه 00صدقوني صدقوني ومن واقع تجارب عندي --إن لها
غرض !!وهالغرض يصنف لنوعين وهم
أ-الغرض الآول شيطاني وهي قاصده للفتنه وتبي الرجال بالحرام وماهمها المعصيه ولاخافت من ربه
ب-الغرض الثاني نفسي -ولاشعوري وهو إحساسه إنها أقل من غيرها إما-بــــــ
1-(شكلا -يعني أقل جمل فتحاول تظهر جماله وخاصه إذا كان جمالها بعيونه بس)
2-(ماديا -فتحس إنها أقل من غيرها وتحاول تظهر نفسه بما إنها متغطيه مايعرفها أحد فهي متساويه بنظره
مع الغنيه 00وبكذا أشبعت النقص هذا)
3-(إجتماعيا-وهو نفس الشي يعني تكون بنت تحس إن وضعها الإجتماعي أقل يعني أسرتها ما أقنعتها
فتحاول تشبع النقص بالإستعراض وخاصه تحت الحجاب يعني ماهي معروفه)
وفيه أكثر من طريقه للبنات بطريقة التعويض لكنها ماتحس وهذا شكليا 000يعني لو تلاحظون البنت اللي تلبس نقاب واسع وتحاول تظهر نفسه للرجال (يكون هذا بالاسواق ) صح---كلامي
لكن دوري من اللي حولك وحده تسوي الحاجه هذي وسوي لها تصنيف يعني مثل كلامي اللي قبل --تلاقين عندها نقطه من النقاط اللي ذكرتها لك قبل شوي -صح
لكن فيه علامات للنقص هذا ما يشوفه إلا اللي حولها وهو ــــــــــــ
1--تظهر الميوعه والغنج بكلامه وتحاول تكون أحسن من غيرها ولو بطريقة الكلام وهذا النقص بعينه
2--تظهر بلبسها قدام أسرتها واقاربها بلابس ملفت للنظر بحيث تشبع النقص مثل ماقلت لكم
3-تحاول تكون لها السلطه والرأي الآخير والآمر بيدها ووووووإذا إضطرت بالقوه ورفع اللسان!!إنتبهو لهذي
4-تحاول تلفت نظر الآخرين وبأي طريقه حتى لو إضطرت للكذب والآدعاء بإنه عندها وعندها ووووةو
هذي بعض النقاط وماخفي أعظم ---
يمكن طولت عليكم بكلامي لكن هذي نظرتي الشخصيه ومن خلال التجارب اللي عندي لكثير من البنات وهم أحيانا يعترفون بانفسهم أنه تصرف لا إرادي يعني لاشعوري -وهي (قصدي البنت) تحتاج لمن يكون حوله يوجهها ويناصحها
ويذكرها بالله -وبالعقل وبالحساب يوم الدين --وماننسى
إشباعها عاطيفا لآنه ماسوت هذا الشي إلا بسبب النقص اللي نشوف وش نوعيته وعلى أساسه نشبعها ---أتمنى
إني وصلت الفكره لكم وبطريقه سهله --لآني ماتعودت أكتب باللهجه العاميه
إذا كنت لوحدي في السوق أتغطى وألبس قفازات وجوارب
أما إذا معي أحد أكشف النقاب لاجل أشوف كويس وإذا طالعني أحد وقدام عيونه بدون مالتفت أغطي وهو يشوف ، ومن ثم ينذل ويستحي ، وكمان إذا وصلت للكاشير أحاسب أغطي ..
حلو بدون نقاب أشوف الألوان الزاهيه والمبهجه فأشعر بالانتعاش ، حتى في السياره أموت غيظ لما تتظلل .. أحس بغمته
اولا البنت تنتنقب عشان تقدر تشوف بس المشكله ان بعض البنات ـ هداهن الله ـ بالغن في النقاب الرسول صلى الله عليه وسلم اباح النقاب اللي مايطلع فيه الا العدسه السوداء
والحين فيه نقاب خاص لروحات السوق يعني انتي تشوفين كل شيء والناس ماتشوفك
المشكله في بعض البنات اللي تنتنقب وتكحل وتضع المكياج هذا فيه فتنه عظيمه
اولا النقاب المتعارف عليه قديما جائز فكان في عهد الرسول عليه الصلاة والسلام يلبسنه الصحابيات
ثانيا انا عن نفسي ما اقول ما اشوف لا والله الحمدالله نظري عال العال بس اقولك تعودت عليه لاني من اول ما لبست العبايه وانا البسه وصعبه اني بعد هالسنين البس غطوه ... بس انه نقاب عادي مو زي النقاب اللي يطلع نصف الوجه الله يهدينا الي جادة الصواب ..
اقتباس:
والله اني احيانا اصير بالسوق واشوق راعي المحل خاصة الشوام الله ياخذهم وخذ ياتميلح وتغنج
وعاد الواحد مننا عارف قدر نفسه.. وان ابو الشباب يفوقه وسامه وذرابه
وخايفين والله على قلوب بناتنا تنكسر
هههههههههههههههههههههه
رحم الله امرء عرف قدر نفسه
بس والله اني الشام بكبره ما تجي عند ظفر واحد من عيال ديرتنا اللي يخاف الله ويتقيه
اقتباس:
ودي ان الله يرزقني 500 مليون ريال عشان اسوي سوق زي النخيل بلازا وامنع الرجال يدخلون فيه
الله يرزقك وتسوي اللي اكبر من النخيل بس لا تخليه بعيد خله حول السوق الداخلي ...خخخخ
اقتباس:
ليش بعض البنات اذا تنقبت تتكحّل وتسوي ميكياج كامل اذا راحت للسووووق ؟؟؟؟؟
الله يرحم الحال بس... هالحين فيه مكياج اسمه مكياج السوق ...
الله يهدينا وهدي بنات المسلمين
العرض العادي
