فتياتنا والبعثات الخارجية

[الطيور المهاجرة]

[align=center]مساكم الله بالخير اذا حنا مسى,,,

وصبحكم الله بالخير اذا حنا صباح ..

كثير من بناتنا ماشاء الله جاتهم بعثات للخارج معكم علم يبون يكملون دراساتهم العليا ..

البنت ودها تحصل على الماجستير والدكتوراه..

لكن العائق عند بعض البنات الأهل مايرضون للبنت تروح لحاها

يخافون عليها تقل بزر وهي عقلها يوزن بلد رجاحة ورزانة

وأدب لكن الله يخلف على بعض أولياء الأمور يرضى للولد

وما يرضا ويرفض للبنت !!

طالما البنت محتشمه ومحافظه على حجابها وعارف أخلاقها

ليه أقف في طريقها وطريق مستقبلها ..

البلد محتاجه للتخصصات النادره ,, ألى متى نجلب الخبرات الأجنبية؟؟

متى نكتفي ببناتنا وخبراتهم؟؟

باابتعاث بناتنا يتغير المجتمع وتتغير عاداته وتقاليده ,,

وأفكاره البالية المتخلفة..

هل تؤيد أبتعاث البنت بعد التخرج من الثانوية العامة مباشرة أي في سن 18 سنه ..

أو بعد تخرجها من الجامعة لمواصلة دراستها العليا ..

السحاة تنتظر أرائكم النيرة


&&&&@@&&&&[/align]

[لجه]

اقتباس: لكن الله يخلف على بعض أولياء الأمور يرضى للولد وما يرضا ويرفض للبنت !! طالما البنت محتشمه ومحافظه على حجابها وعارف أخلاقها ليه أقف في طريقها وطريق مستقبلها ..

السحاة شكله به عجاج وهجن بك.

الحج بالنسبه للمرأه يشترط محرم وهو من اركان الدين واذا لم يوجد المحرم يسقط عنها.فكيف السفر للخارج وقد تكون بلاد كفر وليست للضروره .

وانت الله يهديك اغفلتي جانب المحرم.

[أنـفأإأس أإأللـيل]

اقتباس:  المشاركة الأصلية كتبت بواسطة السحاة المهاجره     [align=center] لكن العائق عند بعض البنات الأهل مايرضون للبنت تروح لحاها يخافون عليها تقل بزر وهي عقلها يوزن بلد رجاحة ورزانة وأدب لكن الله يخلف على بعض أولياء الأمور يرضى للولد وما يرضا ويرفض للبنت !! [/align]

^ ^ ^
لامستي جروحنا ياسحاة بهذا الموضوع ..
طيب بعد ماتخرجنا هذانا منطقين بالبيت
سكتونا بالبند والظاهر بيلغونه السنة الجاية
لا ترسيم ولا تعيين ..
يخلوونا نكمل دراستنا وطموحنا احسن ..
شكرا لك

[برق الوسم]

مسا الخير اخوي السحاة

انا ضد الابتعاث للخارج للفتاه

اولا هناك نقص كبير بالبكت موني اي المصروف للطلاب والطالبات مما ادخل الكثير من الطلاب بالمشاكل النفسية وبعضهم اظطر للعمل في المطاعم والتنظيف فإذا كانوا هؤلا شباب فما حال البنت الله يكون بعونها يعني تشتغل هناك او تروح تطلب سلفة .

ثانيا فتح المجال لطالبي الدراسات العليا باكمال الدراسة في جامعاتنا العريقة كجامعة الملك سعود

وتقبل مروري

[الطيور المهاجرة]

اقتباس:  المشاركة الأصلية كتبت بواسطة لجه     السحاة شكله به عجاج وهجن بك. الحج بالنسبه للمرأه يشترط محرم وهو من اركان الدين واذا لم يوجد المحرم يسقط عنها.فكيف السفر للخارج وقد تكون بلاد كفر وليست للضروره . وانت الله يهديك اغفلتي جانب المحرم.

[align=center]
أكيد الحج من الأركان الخمسة ولازم محرم ..

أنا أقصد السفر للخارج أميركا أو اروبا انا لا أقصد الدول العربية

الدول العربية والأسلامية تبي محرم لكن أكثر الدول الأجنبية لا تشترط محرم ..

خلك فهيم يالجه


السحاة

&&&^&&&[/align]

[المووج]

اقتباس:  المشاركة الأصلية كتبت بواسطة السحاة المهاجره     [align=center] أكيد الحج من الأركان الخمسة ولازم محرم .. أنا أقصد السفر للخارج أميركا أو اروبا انا لا أقصد الدول العربية الدول العربية والأسلامية تبي محرم لكن أكثر الدول الأجنبية لا تشترط محرم .. خلك فهيم يالجه السحاة &&&^&&&[/align]

والله من زين التعبير الحين يقول الحج يبي محرم وتقولين الخارج مايشترطون محرم

أولاً : الحج وهو داخل البلد ولا تنسين أنك ذاهبه لأداء فريضة عظيمة ولكن الله أراد أن لا تذهب المرأة إلى بوجود محرم لحكمة يعلمها .

ثانياً : الكل يقع في الفتنة رجالاً ونساءاً .
ثالثاً : المرأة ضعيفة ومرهفة بطبيعتها وتنجرف أمام الكلام والمغريات والكل يعلم ولا اتهم بناتنا فهي نظرية عامة .

هذا ما احببت ان أوصله مع تقديري واحترامي للكاتبة ،،،،

[ابوسامي9]

ياحبيلك اقول انطقي بيتك احسن لك

البعثات ما جابت الا خراب وهاذي خطه علمانيه من اجل تفتيح الجيل القدم

شكر لطرحك الموضوع

[شاي وقهوة]

اختي الفاضلة السحاة المهاجرة لقد اغفلتي جانبا مهما وهو سلبيات سفر فتياتنا الى دول الخارج تفوق الايجابيات يا اختي شبابنا يعانون في الخارج وهم رجال فما بالك في فتياتنا لا يخفى ع الجميع المضايقات والاضطهاد في بعض الدول للجالية الاسلاميه غير الفتن نخاف على ابنائنا في الخارج فكيف ندعم سفر بناتنا للخارج ... يا اختي كلام الاخ موووج سليم 100% لا بد من وجود المحرم وانتي سطحيه نوعا ما لانك اغفلتي هذا الجانب وذكرتي ان هناك دول لاتشترط المحرم ولكن نحن لانناقش هذا الامر نحن نقول ديننا لايسمح بسفر امرأه بدون محرم بغض النظر عن قوانين تلك الدول ومافرض ديننا هذا الامر الا لمصلحة نسائنا وخوفا عليهن....ودمتي سالمه

[إبراهيم 399]

غريبه تتكلم عن الموضوع ولا تعرف شي عنهـ
أصلا النظام حق البعثهـ شرط أساسي المحرم
ولا كيف البنت تروح ولا تعرف ولا تهرج انحليزي
وبعدين فيه ناس رايحه سواء مع زوجها أو أخوها وما شافو إلا العافيهـ
كلها ثلاث سنوات ومخلصين من الدراسة
ومادام الإبتعاث بعد الجامعهـ فأنا معاهم
لأن الواحد مايكون عاقل إلا بعد ما يكبر شو

[تالا miss,,,]

والله الابتعاااث اسهل من هنااا لانهم عقدوهااا بعض التخصصاتت هنااا ماتكمل فيهااا الا اذا انتي متخرجه ب ممتاز,,,حتى جيد جدااا مايقبولوهااا ...
الابتعاااث حلو مع اني افضل بعد الجامعه ...
ياليتهااا بس تسهل ....لنااا

[جمان البحر]

عن نفسي فأنا أؤيد ابتعاث البنات لاكمال الدراسة سواء الجامعية أو الدراسات العليا ..

ولكن أرفض تماماً ذهاب الفتاة لوحدها فالحياة كلها شرور وفي بلد أجنبي مع الحجاب سيكون الضرر على الفتاة كبيراً ..ولكن بوجود المحرم سيكون كالدرع الواقي لها ..
أضف الى ذلك أن الاسلام حرم سفر المرأة لوحدها بدون محرم ..فلا بارك الله بالدراسة التي تجعلنا نخالف أوامر ديننا ..

[زيتونه]

لا أرضى nevar

[البرحيه]

المحرم شرط اساسي .......

للمعلوميه الطالبات هناك اعقل بكثير من من الطلاب .

ايضا. نظاميات جدا ومثقفات ومبدعات وقياديات .. والكثير الكثير من الصفات الجميله



استغرب اللي يحس ان البنت لاطلعت من السعوديه بتضيع...
الفتنه في كل مكان....

عموماً
اللي فعلاً حريصه على العلم تستخير ربها وتتوكل على الله
وماهي شايفه شر.. صحيح بتعاني كم شهر بس اول ماتتعود
على بيئتهم ..تنبسط...


شكرا لك

[ابن الملوح]

أخشى بأن يتناثر العقد !! (ذهبت فتاة الى الطبيب لإجراء عملية تجميل في أنفها فقال لها الطبيب لابأس لكن هذه العملية فيها خطورة بنسبة 80% فأحجمت )!!

[عاشق تراب بريده]

اقول بالخير ياعرب !!!

وش العلم اللي مايجي الا بالحرام انشالله عمره ماجا هالعلم ان كانها حريصه من جد تطلع مع محرم معها اخوها او زوجها اهم شي محرم وتاخذ الدكتوراه لو تبي ماحد قاضبها بس بدون محرم مايجوز

تحياتي ياعجم وسامحونا ...