[align=center]أحدٍ له الدنيا على الكيف جاتــه ..الله عطــاه و كــل شيٍ بأياديه
ما ذاق لوعات الزمــان و شقاته ..الفقر و التجويع يسمــع بطاريــه
و أحدٍ يدوّر في زمانــه نجاتــه ..يبي الستر و العافيــه بين أهاليه
عزيــــز نفس و لا يبدّل عبــاته ..راضي و يدري عيشته ما تكفيه
و أحدٍ أبد ماخذ طبايع خواتــه ..ضعيف راي و كلمتــه ما تجدّيــه
و أحدٍ لبس ثوب المراجل بذاته ..و أسعد عيون اللي من الضيق ناصيه
و أحدٍ صميــدع يرهبــك بإلتفاته ..حرٍ مطاليعه عن النــاس تغنيه
و أحدٍ يضيّع صيدته من عماتــه ..لا واخســاره من ترجّى يعشيــه
وأحدٍ زرع ما نــال غيــر الحتاته ..الحظ كنه واقفٍ لــه معاديه
و أحد قطف ورد الزمن و ثمراته ..باب البخــت مفتوح دايــم يناديه
(( و أحدٍ تساوى في حياته مماته ..
و أحدٍ يموت و طيّب الذكر يحييه ))[/align]
العرض العادي
