بازار دار البركة ... تغطية مصورة..

[إشراقة حرف]

اقتباس:  المشاركة الأصلية كتبت بواسطة شمعة امل     البازار كان جيد مع أنه ينقصه أشياء كثيرة ولكن بداية رائعـــــــة لمشاريع أكبر وأفكاراً أجمل ... كل الشكر لكِ أختي الزين نجدي على مجهوداتكِ الرائعـــة احترامي

شمعة امل حضورك اسعدني والاجمل تواجدك هناك





تسلمين على المرور

[إشراقة حرف]

اقتباس:  المشاركة الأصلية كتبت بواسطة orkieda     البازار كان مقبول .. مع انه ما عجبني .. انا حضرته الاربعاء وماكان فيه عرض فساتين لمشغل الفصول الاربعه .. لكن يعتبر بدايه جيده .. دمتي غاليتي ..

أهلا بك عزيزتي


فعلا لم يكن هناك عرض للفساتين لركن الفصول الاربعة

ولكن كان هناك صور للفساتين و للماركة المستخدمة في بيت الفورسيزون

مع العرض لان صاحبته هي الوكيل الوحيد لهذه الماركة في المنطقة



اشكر لك حضورك

[شمس بريده]

بس ليش الاسعار فوق

الصراحه غير معقوله
مشكوره اختي على النقل

[إشراقة حرف]

اقتباس:  المشاركة الأصلية كتبت بواسطة الأميره قـــوت     ليش نجامل بعيد عن المجامله البازار سيئ من جميع النواحي العرض والتنظيم والأهم المكان الزين انتي زينتيه بالصور لكن للي حضرووه كاننا حاظرين بسطات مو عرض ماقابلت احد حضره ومدحه

بعيد عن المجاملات أميرتي قوت .. البازار منظم ومعد بشكل جيد اكثر من المتوقع بنسبه لبازار اول من تظيم شخصي .

ولا تحكمي على تنظيمه بسبب اساءت بعض العاراضات لطريقة العرض بضائعهن


ولا يغيب على الكثير أننا هنا بائعات ينقصهن فن التسويق و أساليب العرض وطرق جذب اعين الزبائن .

لذا عزيزتي قوت لا نظلم البازار بانه لم يلقى نجاحه المتوقع بسبب بعض الاركان الموجوده التي لا ترتقي للعرض .

[إشراقة حرف]

اقتباس:  المشاركة الأصلية كتبت بواسطة كلي وله     من الطبيعي أن لا يعجب الكل فرضاء الناس غاية لا تدرك ولكن من الطبيعي أن الكل متفقون على إقامته وغيره فالمهم أن يقام هو وغيره مع أملنا أن يكون القادم أحلى ويتلافى السلبيات التي حصلت في الأول من سوء في التنظيم وكذلك سوء التعامل من بعض المشرفات ( حسب إفادة الراوة )

نعم صدقت/ي .. ان رضاء الناس غاية لا تدرك

ومن الطبعي ان او بازار يكون سلبياته اكثر من ايجابياته
ولكن للاسف هذا البازار تعرض لاساء من الحضور اكثر من المنظمين


تقديري لك

[˚乂لح ــن الآشوآق乂]

الســـلام عليــكم

اختي مياسه احب اقول لك لا تتخيلي قووه بازار اول مره يقام كيف تبغيه يصير !!!


orkieda رضـــى الناس غــــايــة لا تــدرك


الأميره قـــوت (حلوو انك ماتجاملي وانا احترم وجهة نظرك والبسطات اللي تقوولي عليهاا شفتي لك طاولتين برا صاار بسطات لعلمك اكثر ماااكسب في البازار هم ماشاء الله


@ ابتسام @ يابعدي انتي تتكلمي عن التنظيم هاه تبين تنظيم من وين يجيبوو لك منظمات لاكثر من 700 شخص للمعلوميه هم جايبين بس وين يلحقوون على الناس ماشاء الله واي اســتعداد للحضور نســتعد لمن للمحــطمين ولا للبزارين واستقبال بعد معليش انا مافهمت معنى استقبال هاذي شلووون يعني يقهوون الناس ولا يدلونهم على طاولات العرض !!!!!!!


الأميره قـــوت ترا فيه فرق بين المهرجانات والبازارات


همس الحزن والألم ..مااتوقع فيه شي يلفت نظر الحريم اكثر من مكياج وعطور وساعات وشنط واكسسوارت ولا انتي يلفت نظرك شي ثاانــــي !!!!


orkieda..تبينهم يدوور على وحدة وحدة يقولون اكشفي الله يعافيك ؟؟؟ لعلمك داروو شووف عيني بس لا حيــاة لمن تناادي

@بسمة طفولة@..اختي انتي ترا في القصيم من وين راح يجيبوون تااجرات مستعدات يدفعوو وعندهم ((بضاعة حلووه وتلفت النظر وتهم ربــة المنــزل ))

العضيبيه ..تبون ماحضــرة بعــد التحتـطيم !!!!

نجمة الثريا ..أحــترم وجــهة نـــظــرك اجار الطاوله غاالي هاه يابعدي انتي ماشفتي بازارات الرياض اقرب شي الطاوله الوحدة 4000 الف وروحي اسألي بعد وهم طاوله 400 ريال صاار غالي الهم يااكــافــي
وام ليان اكيد ماسووت البازار الا بعد ماحست انها قادره عليه واذا هوو فاشل على قوولك روحي ركضي من وزاره لوزاره ومن بلديه لبلديه وسووي بازار وخلي الطاوله 150 ودوري بضايع حلووه وتهم ربة المنزل وتعجب الناس وراح احضر انشاء الله واشووف الأقبال على بازارك
واذا على قولتك ثلاث اربع التاجرات مارضوو عليه ليش اجل اخذوو يومين لعــب !! اتوقع المتميزة كفت ووفت في الرد


الأميره قـــوت ..تكلفوو في الدعاايه لناس اللي( يستاهلــون)


شمس بريدة ..هاذي اسعار البازارت ياعمري


اخيــراً احـتب اقــول (...رضـــى الناس غــايــة لاتدرك ...)

(وعيون الحريم مايملاهاا شـــي )


ولا بازار اول مره في القصيم عامه وبريدة خااصه ومن دوون دعم كيف تبوونه يصير!!!


على العموم جميع ماكتبت مجرد منااقشه لاغــير وكلام يطــير فــيه الهوااا

اشكر كل من عرف يرد في الكلام اللي يشرح النفس

كماا اشكر ام ليـــــــان على اقامة مثل هاذه البازارات ولقول لهــا الــى الأمــام وفقــك الله لــما يحــب ويرضى

وشكر الزين نجدي على التغطيه وعسااك على القووه ان شاء الله

تحياتي لكم جميعاً

[@ ابتسام @]

اقتباس: @ ابتسام @ يابعدي انتي تتكلمي عن التنظيم هاه تبين تنظيم من وين يجيبوو لك منظمات لاكثر من 700 شخص للمعلوميه هم جايبين بس وين يلحقوون على الناس ماشاء الله واي اســتعداد للحضور نســتعد لمن للمحــطمين ولا للبزارين واستقبال بعد معليش انا مافهمت معنى استقبال هاذي شلووون يعني يقهوون الناس ولا يدلونهم على طاولات العرض !!!!!!!

يا خلف جداني انتي

في الحقيقة والواقع استحيت من اللي انا جايبتها معي ضاع وجهي .

المفترض شيء اعلن يكون قد الاعلان .. وإلا انتي مش معاي في النقطة دي .

!.
فقط تزاحم للناس على غير فائدة وبسطات برى مشووهه المكان . كان ما استقبلتوا الا عدد بسيط بتذاكر محددة . وبضاعة تستحق عناء الحضور


ــ لا يقهوون ولا يدلون أحد فقط كوني قد دعوتك من جميع النواحي ’’ وتحصل الفائدة للجميع والمتعة وتمني التكرار .


أي :
اعترفي بوجود الخلل .. واصلحيه إذا اردتي التكرار وستتحمدين العواقب وكوني مسؤوله عن اصغر شيء واكبر شيء في ذلك المكان.
...
الله يغفر لي كثر ما رُ دد اسم ام ليان هنا
(شكل ام ليان حاجتن بالناس على كتوفه ) الله يوفقها ويسددها ويحفظها من كل مكروه >> ترقيعه

.
.
رد مش إلـك للي تكرر حريم بريدة وحريم بريدة في ردودها .أقولها اثرنا عاملين في الناس المجاورين لنا عمايل وحنا ما درينا .. اذا كنتي غايرة من حريم بريدة ممكن نسمح لك تنتسبين لها بس من بعيد . لعله يهدأ مافي نفسك .

[˚乂لح ــن الآشوآق乂]

اقتباس:  المشاركة الأصلية كتبت بواسطة @ ابتسام @     يا خلف جداني انتي في الحقيقة والواقع استحيت من اللي انا جايبتها معي ضاع وجهي . لـdـبه رايحــه لمجاعه واكيدا انك راح تستحين لي انك رايحه لمكاان اول مره تدخلينه وتحضرين شي مثل كذاا المفترض شيء اعلن يكون قد الاعلان .. وإلا انتي مش معاي في النقطة دي . شــتبوون اكثر من كذا ولا تبين يحجووون فيك علشاان يبيضوو وجهك انتي واللي معااك !! !. فقط تزاحم للناس على غير فائدة أفهــم انــها غــيرة!! وبسطات برى مشووهه المكان . كان ما استقبلتوا الا عدد بسيط بتذاكر محددة . وبضاعة تستحق عناء الحضور البسطات اللي انتي شايفته من الجمعيهالخيريه وانا سألتهم , ذولا حريم بيترزقوون الله ولا يقطعوون ارزاق الناس علشان ماتتفشلين انتي وصديقتك !! ــ لا يقهوون ولا يدلون أحد فقط كوني قد دعوتك من جميع النواحي ’’ وتحصل الفائدة للجميع والمتعة وتمني التكرار . أي : اعترفي بوجود الخلل .. واصلحيه إذا اردتي التكرار وستتحمدين العواقب وكوني مسؤوله عن اصغر شيء واكبر شيء في ذلك المكان. ... اعترف بوجود الخلل ( اضحكتيني بصراحــه )) ارجع واقول ام ليان مااسوت كل هاذا لا وهي قد المسئوليه ياابعدي انتي الله يغفر لي كثر ما رُ دد اسم ام ليان هنا (شكل ام ليان حاجتن بالناس على كتوفه ) بعــد البازار اللي سوته شووي حجت فيهم الله يوفقها ويسددها ويحفظها من كل مكروه >> ترقيعه امين ياارب >> اكيــده. . رد مش إلـك للي تكرر حريم بريدة وحريم بريدة في ردودها .أقولها اثرنا عاملين في الناس المجاورين لنا عمايل وحنا ما درينا .. اذا كنتي غايرة من حريم بريدة ممكن نسمح لك تنتسبين لها بس من بعيد . لعله يهدأ مافي نفسك .

ايه ولا تووك دريتي ولا كاان من زماام البازارات منتشره في بريدة !! ياابعدي انتي

[همس الحزن والألم]

همس الحزن والألم ..مااتوقع فيه شي يلفت نظر الحريم اكثر من مكياج

وعطور وساعات وشنط واكسسوارت ولا انتي يلفت نظرك شي ثاانــــي !!!!



乂لح ــن الآشوآق سيدتي الفاضلة أن كان تعليقي على موضوع البازار قد أزعجك

فأسحب كلامي الآن وكأنني لم أسمع به أو رأيت البازار

ولكن كان من خلال تعليقي رأي يخص همس فقط بما شاهدت

وأنا اتفق معك أنه مهما قدم للحريم تقول ما رأيت خيراً قط

وأرضائهم غاية لا تدرك ولكن يا سيدتي الفاضلة

أن لم تكن العطورات والشنط والمكياج والساعات والأكسسوارات

تلفت نظري وهذا لأنها على حسب صناعتها وشكلها

وقيمتها التي أرى أنها تستحق أن تكون عليه

وأكيد يلفت نظري شيء آخر غير هذه المنتجات مثل المفارش أكسسوارات الخاصة بالديكور للبيت

سجاد صناعة يدوية وأعرف أنه مكلف

أواني سفرة زجاجية لوحات فنية

وما إلى ذلك من أشياء تلفت النظر غير المكياج والملابس

والساعات والأكسسوارات والشنط والزيوت

أرجو يا عزيزتي أن لا تزعلين من آراء الناس والنساء اللواتي يردن الأفضل

وعلى ما أعتقد أنه بين فترة وأخرى يقام مثل هذا السوق في الأستراحات

أو كما يسمى طبق خيري ويعرض مثل هذا وغيرها

وكانت ترسل لي الدعوة ولكن لأنشغالي الشديد لم أكن من المجيبات

لمثل هذه الأسواق التي تقام

وبغض النظر عن من قامت بهذا البازار أن كانت السيدة أم ليان أو غيرها

فأنه يكفي التحمس للفكر والمجهود الذي قامت به هي ومثيلاتها

أما عن أهتمام الحريم في النظافة للمكان الذي جلست به

وشربت قهوتها وأكلت حلاها وتسلت بأنواع من التسالي والقرمشة

وهذا طبعاً عنوانها في أهتمامها بنظافة مكانها

وكما قال الأخ الكريم عجوز سمنسي والأخت الكريمة التي تكلمت

عن نظافة الحريم ومكانهن أن النظافة شطر من الأيمان وياليت وقفت

على الأستراحة ومكان التسوق بل أصبح في كل بقعة في بريدة من البر

إلى مكان النوم

على كل حال أحببت أن أشكرك يا سيدتي الفاضلة على تعليقك

ونقدك الذي أرى أنه أتى من غيرتك على ما قدم وأن مجهود الأخوات

لا تريدين أن يذهب سدى بدون شكر لهن

فمن قرارة نفسي أكرر شكرهن وحماسهن على ما قدمنه وبالتوفيق لجميع العاملات

تقبلي مرور همس يا سيدتي الكريمة

[الملتاعه]

[align=center]

اقتباس: اول بازار يقام بالمنطقة

أختي الكريمة الزين نجدي تشكرين على هذه التغطيه ولكن من قال أنه أول بازار في المنطقة

لقد طرحت تغطية هنا لـ بازار أقيم من فترة في مركز

( جوثن )

وبمساندة سمو الأميرة نورة بنت محمد

وتشجيعها المستمر للبازار وأطلق عليه أول بازار بالمنطقة وكان يحتوي على العديد من الأركان

وأيضا عرض لجلابيات من تصميم مصممة سعودية من الرياض

دمتم بووود[/align]

[زهور العمر]

اقتباس: الأميره قـــوت ترا فيه فرق بين المهرجانات والبازارات

هلا حبيبتي تصدقين علبالي المهرجان هو البازار توي أدري أنه فيه فرق
أنا لو بجامل بجامل (بقول حلو ومنظم ومرتب ويجنن >>لكن هل هو صح ؟)

وقفه للي قالت عن أم ليان ,,أقول سلميني عليه وقولي كافكره في بريده للبازار فلها كل الشكر والتقدير لكن مااظن مثل هالعرض كان فيه تنظيم من بدري (اللي يشوف الاعلان ينتظر وش بيطلع لنا هالبازار)

الاخت لحن الاشواق البازار مو شي جديد علي ومو اول بازار احضره حضرنا بالشرقيه وبالكويت فعلا شي يستاهل (بالله بما انه بازار نسائي ماشفت اي لمسات بالعرض والتقديم فيها انوثه ولا ممكن تجذبنا >>وش قالوا قالوا الوقت ,,طيب انتم معلينين قبل بوقت يعني المكان ماكان افضل إعداده بدل مانكشخ الاعلان؟؟؟)


انا عن نفسي ماجيت الا متاخر يمكن الساعه 10 يوم الخميس(نقول متاخر)
طيب يوم الاربعاء العصر بعد الافتتاح بساعه وين التنظيم بعد ؟؟؟؟

انصدمت بصرااحه يوم دخلت مع الباب بدء من التفتيش والجلسه اللي حاطينه (جدا مافيه أحترام للزائرات )



أنا مع فكره البازار مو ضده وياليت يكون فيه ثاني مع تلافي السلبيات اللي شفناه بهذا



باختصار

اقتباس: المفترض شيء اعلن يكون قد الاعلان .. وإلا انتي مش معاي في النقطة دي .

[نجمة الثريا]

اقتباس:  المشاركة الأصلية كتبت بواسطة *^* متميزة *^*     [align=center] نجمة الثريا على حد علمي ان اسعار الطاولات كانت بسيطة لكن البضائع هي اللي فشلت صاحبة البازار بعدين اذا كانت بضاعتك من امريكا ليش مامشى سوقك ؟ ياانك مغلية اسعارك ولا ان بضاعتك جايبته من قبة رشيد يابعدي البازار ناجح لكن ام ليان غلطت يوم سمحت لكل من هب ودب يحضره المفروض يكون ببطاقات شخصية للطبقات الراقية فقط ويكون سعر الدخول على الأقل خمسين ريال لأن اللي بتدفع خمسين ريال مضطرة لحضورة وأكيد راح تشتري مهب جاية تفرش بساطه وتجي تبلع وتنثر بزارينه بلاش ولو تسألينهن وش معروض بالطاولات قالت والله مادري بس البازار ماجازلي الغلطة الثانية هي وجود الأطفال بالبازار عجزنا نتفرج ونشتري من هالبزارين نوطي على بزارين من كثرهم الله يصلحهم الغلطة الثالثة انه أجرت الطاولات على تاجرات اغلب بضائعهن متكررة مثل اللي جايبينة من امريكا الله يرحم حالهم اجل من امريكا ههههههههههههه عموما البازار ناجح بما انه أول مرة يقام في بريدة ولا ننسى ان أول السيل قطرة وان شاء الله سيكون القادم أفضل [/align]

انا احترم وجهة نظر كل عضوة لكن بحدود وبعيد عن الاسفاف والتقليل من احترام الاخرين
مهماكانت بضاعة التاجرات لكل منهن مستوى تنتمى اليه
وانا بضاعتى من امريكا لكن ما كنت اتوقع ان الناس ماعندها خلفيه بالستايل الجديد

ام ليان غلطت يوم سمحت لكل من هب ودب يحضره


مدري مين هم هب ودب ارجو التوضيح !!!!


الغلطة الثالثة انه أجرت الطاولات على تاجرات اغلب بضائعهن متكررة مثل اللي جايبينة من امريكا الله يرحم حالهم اجل من امريكا ههههههههههههه



مدري ليش التعصب لصف ام ليان لتكونى انتى ام ليان

الله يرحم حالك انتى على مستوى تفكيرك اجل لاتأجر الا على للطبقات الراقيه امثالك انتي وين والرقي وين وهذا تفكيرك !!

سبحان الله

[إشراقة حرف]

اقتباس:  المشاركة الأصلية كتبت بواسطة فيحاء15     حضرته لكن للأسف كان أقل من المقبول ...؟؟؟

اشكر لك مداخلتك وطرح رأيك

[إشراقة حرف]

اقتباس:  المشاركة الأصلية كتبت بواسطة أمونة     جهود تستحق الشكر..................

شكرا لك أمونه

[إشراقة حرف]

اقتباس:  المشاركة الأصلية كتبت بواسطة @ ابتسام @     والله صورك جملته كثير ومجهودك تشكرين عليه لكن اسوأ منه تنظيم ما مر علي صراحة. لم يكن فيه اي استعداد للحضور ’ رغم ان الناس يشجعون ويحضرون اي شي يسمعون عنه ’ لكن لا يوجد تنظيم ابدا فوضى في فوضى وعدم وضع ترتيبات للناس المدعوة ولايوجد شيء لائق لاستقبال ربع الموجودين ’

تسلمين حبيبتي

بس انا ما جبت شي من عندي ولم أغير من تنظيمه اي شيء عند التصوير

هذا هو الموجود

ثانيا تظلمنيه كثير اذا قلتي سيء التنظيم بالعكس كان منظم و مجهود رائع من القائمين عليه

ولكن لا يمنع ان يكون فيه بعض السلبيات التي قد لا تستهوي للبعض لكن من الوجه العام و كاأول بازار ربحي شخصي يعتبر جيد .