يابنات من تقولي سالفه تصلح لزوجتي !!!!!!!!!

[إخلاص]

اقتباس:  المشاركة الأصلية كتبت بواسطة أبو تهاني     [align=center]حبيب قلبي شكلك ما فهمت قصدي سافر لحالك لا تاخذه معك خله تقعد عند أهله إذا صرت تسولف معه و تعطيه وجه أكثر من اللازم تبداء تتحكم بك و تأمر عليك قال عُمَرَ بنِ الخطاب -رضي الله عنه- : " لاَ تُسْكِنُوا نساءكم الغُرَف، ولاَ تعلموهُنَّ الكتابة، واستعينوا عليهن بالعُرْى وعَوِّدُوهن ‏"‏لاَ‏"‏ فإن ‏"‏نعم‏"‏ تجرِّؤُهن‏ " [‏مجمع الأمثال:‏453] [/align]

اوف اوف اوف
داخلن حرب الرجال
وين قدوتنا وتعاليمه والا صرنا مثل اليهود ناخذ اللي يوافق هوانا واللي مايوافق الهوى نقطه ولا نعترف به
انت قلت قال عمر وانا اقول قال محمد سيد عمر وسيدي وسيدك
" ألا واستوصوا بالنساء خيرا " ولم يقل الا واستوصوا بالنساء شرا
واليك هذا الرابط
http://buraydh.com/forum/showthread.php?t=140880

[إخلاص]

اقتباس:  المشاركة الأصلية كتبت بواسطة فتحـية     [align=center] عاشق ديرتك .. من خلال الردود اتضح لي أنك لاتبحث عن حل بقدر ماتبحث عن الفضفضة ! من وجهة نظر خاصة لن تفيدك كثيرا ولذا يمكنك تجاوزها بكل أريحية الحديث المتكلف والذي تشعر معه بأنك تفعله مضطرا لايجدي نفعاً والأفضل أن لا تتحدث به ! جرب الصمت لأيام وأسابيع فلربما تتغير وجهة نظرك .. ألاحظ نفسي في مجالس البنات أكره اضطراري للحديث فقط لقطع الصمت أشعر بملل داخلي ينفرني من الجلوس مجددا معهن .. مسائل الحوار واهتمام الآخر والرومانسية المصطنعه هذه لاتصلح لك كونك لاتبحث عن مايسعد زوجتك حقيقة بقدر ما تبحث عن جدع هم السواليف ! ربما زوجتك تقول ذات الكلام عنك .. جرب الصمت .. هذه نصيحتي سلملم [/align]

عن اذنك صاحب الموضوع لي رأي هنا ........

الصمت بين الأصدقاء عادي
ولكن الصمت بين الزوجين ما اظن انها فكرة صائبة
قد يولد فجوة بينهما وهذا غير صالح للحياة الزوجيه وقد يضر بالأطفال ايضا.

[الفتـ الذهبي ـى]

اقتباس: وعلى فكره يا عاشق صبرآ قليلآ وراح تلاقي البنات سعرهم باتراب الفلوس ممكن تلاقي في البقاله ( أكشط واربح ) تكون هديه مع حليب أو حفايظ أو فشار فشفاش ! أنتظر قليلآ وسا تدوم النعم علينا كأننا في أيام الجاهلة في كثرة الجواري عندما تكون كالنمل لا تعلم من تأخذ وتختار من إزدياد هؤلاء الشحرورات ورخص مهرهن بإذن الله في انهيار .

وش رايك نصبر بعد وتجينا بنقاط قطاف لاوصلت 5000 نقطه يعطونك بنوته شحليله

أجل بصبر معك لمين يحله الله

[ملكة الجوارح]

الله لا يبلاني بواحد مثلكم

[البـــBADERـــدر B.D.Q]

اما صاحي ورايق مهوب صااحي ابد ابد
اجل اكشط واربح

بالنسبه لك انت يالسباطي ( عاشق ديرتي )
ياخي احس انك متملل من زواجك وحالك حاله
دور على اسباب الملل ودور على علاجه
طيب حوال تغير الروتين الي انت عايشه لانه احد اسباب الملل
حاول ترتقي بفكر زوجتك شوي
حاول تنزل للفكره
لازم يكون فيه تضحيات ىمنك ومنه
مع اني ادري ان الكلام ذا نوذجي اكثر من اللازم وانه يصعب تطبيقه لكن لعل ارائي تفيد لك

[ღ ][ وحيدة كالقمر ][ღ]

[align=center]
عاشق......إكتشفت فيك خصلة؟ من خلال ردودك



إنك (ملــــــــــــــــول)


تمل الشي بسرعة......حتى ماتكلف نفسك تجرب...لا


ع طول تقول ملّيت....




الله يعينك



تحيتي



[/align]

[سلطانة]

صاحي ورايق
أحلف انك طاق 3000 بيت وكلهم قضبوك الباب؟!!
خل عنك المهايط
عاد تكفى من زينكم ياللي ماتملون زود على انكم شيف فقر ودجه واستراحات وشيشه"الا القله"
الله لايجعل نصيبي عند اشكالك

[رايق]

[align=center]

عاااااااااااااشـــــــق ....


غريبه إنك ماتلقى كلام تقوله لزوجتك !!!!!


عندي لك الحل ....


على كثر مواضيعك هنا ماشاءالله عليك لو تقولها لزوجتك كان ماخلصت ولا بعد سنه


تدري أحسن حل إنك تطبق المثل القائل .....



( الصــــــــمــــــــت حــــــكـــــــــمــــــــه )



لأنك أحيانا تقول كلام وينقلب على راســــــــك !


فابعد عن الشر وغنيله !!!!!

اقتباس:  المشاركة الأصلية كتبت بواسطة •°سـرىآ اللـيـل°•     ^^ اللحين الرجال مورينهن نجوم الليل بالضحى ومع ذلك هم هرجتهن بكل مكان فلان سوا وحط وخرط فاضي بس وش تسوي تحبه ياعمري هي

قوووووووووويه ياســــــــــــــرى !


أي رجااااال اللي تقولين عنهم



اليوم الزوجات هن اللي موريات أزواجهن نجوم الليل في عز الظهر إلا من رحم ربي


تحياتي[/align]

[حصة]

مارح تلقى سالفة لزوجتك ومو بس انت اغلب شباب القصيم مثلك
بقولك ليش
انتم تناظرونا على اننا من الدرجة الثانية وكل شي من وجهة نظركم حلال عليكم حرام على المرة لانها مو من مستواكم والله والمستوى عاد
المرة شغلتها بالنسبة لكم الكرف بالبيت وتربية اولادها اللي مو اولادكم
تقل سبحان الله راحت للسوق تجيبهم وبعضكم زوجته تشتغل
يعني كل هذا على راس المرة المسكينه اما انتم شغلتكم بالحياة
تدخل البيت كنت اسد الغابة وين العشاوين الغدا هذا اذا جيت للعشا بعد
اللي المفروض الجارية تصير مجهزته وتهلي وترحب بسوبرمان
وياويله لو نقصت عليه بشي ولا تهتهم ولادلل اللا زورو وللا يذعل
ومقابل كل هذا شعرتها حمرا وماتناسب ميولكم الحمدلله والشكر على هالميول كورة وللا سربته بالاستراحات ولا سولف يبدى ينفش ريشة عندها ولا تعارض ولاتسأل تقطع حبل افكاره لازم تسكت لين يخلص الامير قرق وتندهش وتسذب اقاله متحمسة

سووووووووووووووري على الاطالة بس محترة من ثقتكم العميا بانفسكم

[حلم]

اعتقد الرجل في حاجة تفهم طبيعة المراه وكذلك المراه في حاجة معرفة طبيعة الرجل ومعرفة كيفية التعامل بينهم خاصة للمقدمين على الزواج

[•°سـرىآ اللـيـل°•]

حزاام ,, قايلة لكن هالرجال كذبة زمن دجال وهنا شواهد وبراهين .. وربك عليهم يعين ..

ـــــــــــــــــــــــــ

اقتباس: ممكن تلاقي في البقاله ( أكشط واربح ) تكون هديه مع حليب أو حفايظ أو فشار فشفاش !

أستغفر الله أجل أكشط .. صدق مهزززززززززززززلة ..

بصراحة تجارة رابحة وعلى كذا بفتح بقاله وبسوي إستقدام من دول العالم مع كل بيبسي بنت هديه << بإستثناء المسلمات مايتاجر فيهن ..

الله لايحرمك أجر ضحكنا بالمسن << أدخلت البهجه على قلوب مسلمات ماحلن اليوم زين بالإمتحان..


رااايق :::::::::

اقتباس: اليوم الزوجات هن اللي موريات أزواجهن نجوم الليل في عز الظهر إلا من رحم ربي

يجيب الله مطر .. بصراحة الظليمه شينه .. فيه زوجات قلق .. بس الأزواج أكثر نسبة قلق منهن ,,

الظلم قادم منهم وأكتسب منهم ,, مهما وصل بالزوجة ماتقدر تقهر زوج أقل شيء يسويه يطلقها إلا إذا كان حكيم وصبره معدي العلامة ..

أما الزوجه ماتطلب طلاق مهما صار خوفاً على بيتها من الشتات وأبنائها من الضياع .. ومن بتأخذ بعد طويل العمر ؟!

خاربه خاربه خلونا نعميها تجلس معه وتلم عياله ولاتضيعهم وتضيع كل يوم مع رجل .. تزوجت طلقت .. عسى ماله تالي ..

من اللي سمع قصيدة 4×6 ؟! أجمل قصيدة سمعتها صح البنت تقهر بس الجميل أنه قهرت رجل رحمته بصراحة بس فرحت ..

أهذب تاهيه’

[إلينـ اليوم]

عاشق شكلك ماتحب زوجتك والا انسانه اقل من
عاديه عندك مو معقوله قليل احصل احد مو مبسوط
مع زوجته او مو مرتاح معاها لو على قولتك كان كل الناس
طلقووو زوجاتهم .

[رايق]

[align=center]

اقتباس: رااايق ::::::::: يجيب الله مطر .. بصراحة الظليمه شينه .. فيه زوجات قلق .. بس الأزواج أكثر نسبة قلق منهن ,, الظلم قادم منهم وأكتسب منهم ,, مهما وصل بالزوجة ماتقدر تقهر زوج أقل شيء يسويه يطلقها إلا إذا كان حكيم وصبره معدي العلامة .. أما الزوجه ماتطلب طلاق مهما صار خوفاً على بيتها من الشتات وأبنائها من الضياع .. ومن بتأخذ بعد طويل العمر ؟! أهذب تاهيه’ [/CENTER][/COLOR]

[/quote]


ســـــــــــــــــرى


يبدوا لي أنكي قلبتي المعادله هنــــــــــــــا


الحمدلله إن العصمه بيد الرجل ولله في ذلك حكمه


ولولا الله ثم حكمة وصبر الرجاااااال لكانت أغلب الزوجااااااات الآن مطلقات



وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي



وهي خاااااربه خااااااربه خلينا نعميهااااااا



تحياتي[/align]

[•°سـرىآ اللـيـل°•]

[align=center]

اقتباس:  المشاركة الأصلية كتبت بواسطة رايق     ســـــــــــــــــرى يبدوا لي أنكي قلبتي المعادله هنــــــــــــــا الحمدلله إن العصمه بيد الرجل ولله في ذلك حكمه ولولا الله ثم حكمة وصبر الرجاااااال لكانت أغلب الزوجااااااات الآن مطلقات وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي وهي خاااااربه خااااااربه خلينا نعميهااااااا تحياتي[/align]

[align=center]أنت من صدقك ؟!

ياخي أعرف بناات كومه عايشات نكد مع رجالهن ولاطلبن الطلاق كله عشان عيالهن ..

والله أعرف وحده إلى الضرب يضربه يعني تصور الحياة هوون ومع ذلك رافضه الطلاق ..

تقول لاتقولون تحبينه وقسم بالله مالي خلقه إذا طلع أدعي أنه مايرجع يجيه شيء يفكن منه حادث اي شيء المهم يمووت

تقول فكري مع عيالي .. أطلع جنازه من البيت ولاأتركهم أنا بجهه وهم بجهه .. أعرف رجلي ظالم بياخذهم من ..ألم عيالي وأحتسب الأجر,,

صادقه شخصياً لو << أقول لو صار لي ماصار له والله لأفضل الموت على الطلاق ياخي إذا فكرت بصدق عيالي أعيش من دونهم!! وش أبي بالحياة وع أموت أرحم..

ترى فرق شاسع بين حب الأمهات وحب الأباء أنتم ماتحبون العيال مثل حبنا لهم ,, ياشيخ ترى حبهم نحس

ربك يعين المظلومااات ,, من جد أرحمهن .. وياليت عيالهن يبرون بهن على كل هالتعب ..

أهذب تاهيه’ [/align]

[الماسة محتاسة]

اخي رايق...

اقتباس: الحمدلله إن العصمه بيد الرجل ولله في ذلك حكمة

جعل الله العصمة بيد الرجل لقدرته البدنية على حماية زوجته وابنائه وليس لعقله وحكمته كما يدعي البعض...

اقتباس: ولولا الله ثم حكمة وصبر الرجاااااال لكانت أغلب الزوجااااااات الآن مطلقات

المرأة اصبر من الرجل وهذا مما لاشك فيه..والواقع يثبت ذلك....

اقتباس: وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي

غير صحيح اطلاقا..
المرأة بيدها الخلع..اليس الخلع طلاق المرأة..
وللمعلومية ياعزيزي المرأة بسبب عاطفتهااحرص من الرجل على مصلحة بيتها وابنائها....