يــــــاشـــبــاب ,,تــــراي خــــــــطـــابــــه !!

[جوان2007]

اللحين وراكــــم ماتتزوجون ياشــــــباب <<استثني العاطلين عن العمل



شباب رواتبهم اكثر من خمسة الأف ريـــال واعمارهم حول الثلاثين او تزيد

وعازفين عن الزواج فالرسول صلى الله عليه وسلم يقول

{ يا معشر الشباب من استطاع منكم الباءة فليتزوج فإنه أغض للبصر وأحصن

للفرج , ومن لم يستطع فعليه بالصوم فإنه له وجاء }

حرااااااام عليكم تدرون برفضكم للزواج سببتو مشــــكله اجتماعيه الا وهي

العنوســـــه الي كل ماله تزيد بشكل غير طبيعي ,,وش ذنب البنات !!

او ماتبون احد يمسك حريتكم وتبون تاخذون راحتكم بتله و تسهرون وتسافرون

وتروحون وتجون على كيفكم ,,,عادي تزوجو و مارسو حياتكم كما كانت مثلك

مثل غيرك من الي متزوجين هذاهم يسهرون ويسافرون ماحد منعهم ,,


والله لو تتزوجون ان تندمون على السنين الي راحت وانتم عزاب ماحد يسئل

عنكم ولا يلبي طلباتكم !!

يالله شدو الهمه وتزوجو لاتجي العطله وبالمنتدى عـــــــــــازب

[هامة حاسوبية]

[align=center]




لا أعتقد أنه يعزف عن الزواج شاب مقتدر وهو عاقل وسليم

وأظن مقصدي واضح

ومن لم يتضح له فليبحث عن قول عمر بن الخطاب رضي الله عنه





[/align]

[سماااهر]

هلا جوان ...
اللحين وراكــــم ماتتزوجون ياشــــــباب <<استثني العاطلين عن العمل
ياما في شباب يادوبك عايشين ومع ذلك اتزوجو وخلفو...!!
*العزوبيه عذاب بعض الشباب في كل شي في الملبس والماكل والمظهر ولكن شد حيلك وتزوج تجد الراحه النفسيه ...
ولا اللى يفكر يتزوج يضع امامه قائمة مطولة من المواصفات لشريكة حياته
" مواصفات تعجيزيه" يجلس سنين وهو يدورها..!!!
يالله شدو الهمه وتزوجو لاتجي العطله وبالمنتدى عـــــــــــازب
رهيب .. أمي تقول وينها أحب راسها على هالنصيحة<<<<< ماتلام معقدها ولدها !!

[هنري]

اقتباس:  المشاركة الأصلية كتبت بواسطة هامة حاسوبية     [align=center] لا أعتقد أنه يعزف عن الزواج شاب مقتدر وهو عاقل وسليم وأظن مقصدي واضح ومن لم يتضح له فليبحث عن قول عمر بن الخطاب رضي الله عنه [/align]

بالنسبة للنقطة الأولى أنا أخالفكي تماماً

هل من يعزف عن الزواج لشيء في نفسه لايعتبر ناقص عقل!!!

[قلب الأسد]

والله ياليت تقولي لها البنات اللي يتشرطن ويتميلحن على هالشباب
الواحد اذا جاء يتزوج وجمع حاله بدت هالشروط التعجيزيه من الفتـــاة
ومن اهلها المهر مايطوله والبيت تبي بيت واثاث غير وتكمل دراسه وغيره
بس اذا وقفت على الشباب لو كل واحد يقدر على المهر صدقيني راح
يفكر بالزواج ويتزوج المشكله دايم من الفتاة نفسها ,,,((تبي راتب فوق
السبعه الاف ))

[طالب وفا]

وين القا بنــــت
مهيب خاينــــــــــه
ولا له تجارب سابقه بالتعارررررررررررررف ؟
عن نفسسي اني كرهت هالزواج بسبة االي اشوفـه بنات متزوجات ويخونن ازواجهم !!

لو طول اعمري اقعد بدون زواج ولا احصل زي هالنوعيه الفاشلـــه

[عاشق ديرتي بريده]

طيب والمتزوجين وش يسون ياجوان !

[ملاك الحبر]

قصدك محد قبل فيهم من البنات اللي يتشرطن يا حلوة

[جناان]

اقتباس: وين القا بنــــت مهيب خاينــــــــــه ولا له تجارب سابقه بالتعارررررررررررررف ؟ عن نفسسي اني كرهت هالزواج بسبة االي اشوفـه بنات متزوجات ويخونن ازواجهم !!

استغفر ربك
والنوعية الي تقول عليها شااااااذه

[•°سـرىآ اللـيـل°•]

بعذرهم بصراحة بناتنا شينات من كل ناحية وخاااااااااصة الأخلاقية وأكبر دليل هنا شوفي تصرفاتهن << بنات العوايل لاتنسين ..

اللي تعطي هذا وردة واللي تطلب صورته واللي تتمغنج معه واللي تناديه لموضوعه عشان يطول بالسوالف واللي تعني للقسم العام عشان ترد على مواضيع واحد بس وغيره مايستاهلون ..

وووووووووو وخوذي ملاغة ماورى جودهم اللي ماذبحوهن ياشيخة..

تصرفات مخجلة ,, وغير متوقعه من أبناء وبنات منطقتي الذين لطالما نظرت لهم نظرة إجلال وإكبار وحالياً تهاوى كل شيء فأصبحت أراهم ناس بطاليه لعابيييين مخادعين يدّعون الصلاح فقط ولايطبقونه ..

ترى مايعني الخراب أن البنت تغازل وتواعد ,, لا هذي حركة قديمة ,, التباسط بين الجنسين كفيل في نزع الأخلاق عنهم < وقد يجر لما هو أقبح .. وربك يهدي الجميع ,,

اقتباس: لا أعتقد أنه يعزف عن الزواج شاب مقتدر وهو عاقل وسليم

عفواً هذا حكم باطل لايستند على اي دليل فلكل حريته الحياتية,,

[جوان2007]

اقتباس:  المشاركة الأصلية كتبت بواسطة هامة حاسوبية     [align=center] لا أعتقد أنه يعزف عن الزواج شاب مقتدر وهو عاقل وسليم وأظن مقصدي واضح ومن لم يتضح له فليبحث عن قول عمر بن الخطاب رضي الله عنه [/align]

بالنسبه لي فهمت شوي من مقصدك لاكن اتمنى توضحين المقصد

وترا ماعرف مقولة عمر بن الخطاب ياليت بعد تقولينه ,,

يعني انتي ماعندك الا الغموض !!

مشكوره على المرور خيتو

[جوان2007]

اقتباس: ياما في شباب يادوبك عايشين ومع ذلك اتزوجو وخلفو...!! *العزوبيه عذاب بعض الشباب في كل شي في الملبس والماكل والمظهر ولكن شد حيلك وتزوج تجد الراحه النفسيه ... ولا اللى يفكر يتزوج يضع امامه قائمة مطولة من المواصفات لشريكة حياته " مواصفات تعجيزيه" يجلس سنين وهو يدورها..!!!

اكيد ان فيه شباب رواتبهم ثلاثه ومتزوجين لاكن بالمقابل فيه شباب رواتبهم عاليه ومع ذالك عزاب


مادري ليه ,,وبالنسبه للشروط التعجيزيه ماينلامون ماغير يشوفون المزايين بالقنوات ولا جاء الصدق يبي

زي الي يشوفه ,,وهذا صعب جداً كان الله بالعون

اقتباس: رهيب .. أمي تقول وينها أحب راسها على هالنصيحة<<<<< ماتلام معقدها ولدها !!

سلمي لي على امتس ,,يابعدي هن الامهات ماغير يجاهدن بعيالهن اعرسو ,,اخوي توه متزوج عمره

اربع وثلاثين سنه تدرين انه يقول تزوجت بس عشان امي حنت عليه وابلشته قوه ,,يعني قولي لأمك

لزمي على ولدتس لين يعرس والله يوفق الجميع .

[جوان2007]

اقتباس: والله ياليت تقولي لها البنات اللي يتشرطن ويتميلحن على هالشباب الواحد اذا جاء يتزوج وجمع حاله بدت هالشروط التعجيزيه من الفتـــاة ومن اهلها المهر مايطوله والبيت تبي بيت واثاث غير وتكمل دراسه وغيره بس اذا وقفت على الشباب لو كل واحد يقدر على المهر صدقيني راح يفكر بالزواج ويتزوج المشكله دايم من الفتاة نفسها ,,,((تبي راتب فوق السبعه الاف ))

قلب ضب ..عاد طلبات البنات قضيه لحاله مادري وش تبي هالطلبات لهن

يعني افهم من كلامك انكم ماتبوت تتزوجون بس عشان البنات وكثرة الطلبات !!


الله يوفقكم ياكريم ,,مشكور منور

[رحيل]

[align=center]

اقتباس:  المشاركة الأصلية كتبت بواسطة قلب ضب     والله ياليت تقولي لها البنات اللي يتشرطن ويتميلحن على هالشباب الواحد اذا جاء يتزوج وجمع حاله بدت هالشروط التعجيزيه من الفتـــاة ومن اهلها المهر مايطوله والبيت تبي بيت واثاث غير وتكمل دراسه وغيره بس اذا وقفت على الشباب لو كل واحد يقدر على المهر صدقيني راح يفكر بالزواج ويتزوج المشكله دايم من الفتاة نفسها ,,,((تبي راتب فوق السبعه الاف ))

أخوي قلب ضب

ترى اللي يتشرطون عوايل والواحد إذا جاء يدور لا ينصاهم ويقول العالم

يتشرطون

الغالب في المجتمع إنه مايتشرطون بالمهر يعني اللي تجودبه نفسك

وتقدر عليه لأنهم شارين رجال اللي منه مقبول أيا كان

اقتباس: وين القا بنــــت مهيب خاينــــــــــه ولا له تجارب سابقه بالتعارررررررررررررف ؟ عن نفسسي اني كرهت هالزواج بسبة االي اشوفـه بنات متزوجات ويخونن ازواجهم !! لو طول اعمري اقعد بدون زواج ولا احصل زي هالنوعيه الفاشلـــه

والله يا خوي إذا أنت من الطيبين بيسيرلك رب العالمين طيبه مثلك

وإذا أنت العكس بيرزقك الله العكس إلا أن طبت من الحين ورضى عليك رب

العالمين

الله يرضى علينا وعليكم [/align]

[شخصية]

محد خابرن لي مسيار , أو مسفار , أو اللي يكون , المهم مابوه التزامات
تعرفون أحب التصوير , والتصوير آخذن كل وقتي واهتماماتي , ومشغلن حتى عن بيت أمي وابوي , ومايصلحلي العادي
ياللاه , لاتجي العطلة الا وانتم مدبرين لي مسيار , كفووو والله
هههههههه


--------------------------------------------
أعرف شاب متسبب دخله شهريا فوق العشرة الاف , ومع ذلك ماحصل من يقبل فيه مع أنه وسيم وأخلاق وراعي صلاة , لكن الناس تبي المظاهر , شهادة عليا ووظيفة حكومية , أيه نوى ياخذلوه بخارية يفتح لابوه مطعم بخاري باسمه ومهر فوق الستين الف ,الشكوى لله
من جد حالت السعوديين حالة , لامن شباب ولامن بنات , والمجتمع كل مالوه ينفجر , والله يستر من الفتن , خلوا المظاهر تفيدكم