خلونا نضحك على (( السحالي ))

نايف الصغير · 27-11-07, 01:57 pm

السلام عليكم ورحمة الله وبركاته
أكيد كل وحده منكم انتو يالمتزوجيين مريتو ببعض المواقف في سنه أولى زواج
هذي بعض المواقف إللي صارت لاخواتنا في الله

تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي مينو( menu ) وسألها وش تبين قالت مثلك اطلبلي مينو زوجها تسدح من الضحك وهي تقول احسبها وجبه او طبق معين

وحده كان الخجل ذابحها تقول زوجها كان كل يوم يجيب الاكل في الفندق وهي البنت مسويه ما تشتهي وما تحب ومن هالكلام وبس تطلع فيه وهو يلهط بهالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع..شبع الرجال ودق الباب ذاك الوقت.. المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانة ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

في وحده شعرها دايم يحتاجله سشوار مهو ناعم المهم السشوار اخترب مادري ويش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
زوجها دخل واختنا في الله تكوي منسجمه
الرجال انهبل على بالها تزوج وحده ماهي صاحيه

وحده تقول انا متزوجه ولد عمي
و أول ماتزوجنا رحنا بريطانيا عنده دوره
منها شهر عسل ومنها هوا المهم تقول مره دخلنا المطعم واخذت المينو وقعدت أطالع الكلام كله انجليزي وانا مااعرف ولا حرف بالانجليزي
تقول هو اختار والجرسون واقف عند راسي يحارسني اختار قالي زوجي تبغي اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابو الطلب هو مكرونه وحركات لكن طلع.. وجبة أطفال

يقولوا فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي وياه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل من الدرج قالت فرصه امزح وياه اشوي لأنه مايشوفني المهم دفته مع الدرج الا وهو في أخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي أخرتها

هذي وحده تقول اول ماتزوجت كنت ادرس وكان يوديني زوجي للجامعه وياخذني المهم . ..
انا جالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض مايشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره واهو ميت من الضحك واجلس اصيح قلت ماتعرف تسمي علي !!

ŋŌuƒ · 30-11-07, 02:28 pm

ههههههههههههههههههه نايف الصفير تسلم مع وجود بعض الالفاظ التي لا احبها لى عودة علشان اجاكرك بقصص التماسيح

صالح الدوسري · 30-11-07, 02:37 pm

ههههههههههههههههههه

صدى الصوت · 30-11-07, 11:06 pm

مقالب رائعه

مشكور ياصغينون

نايف الصغير · 01-12-07, 08:52 am

مشكورعلى مروركم ويالله وروناوش عندكن على التماسيح

ŋŌuƒ · 01-12-07, 08:27 pm

لسلالالالالالالامـ عليكم
وربي وانا انقلة راحمتكم عن جد هم

انتوا اضحكوا يابنات ( والجميع)بس على التماسيح

حرااام وربي حالتهم حاله

هـــــــــــاذي بعض العباراات التي يرددها الشباب دائما

المهم خذوووووو راحتكم في الضحك....................

وأحمدوا ربكم أنكم بنات ...............
.................................................. ..........

لو أنا بنت .. مااشيل هم مين يسدد فاتورة جوالي

لو أنا بنت .. مااشيل هم السواقه ووجع القلب .. وتغيير زيت .. وبنزين

لو أنا بنت .. دايم احصل سيارة اخوي او ابوي او السواق جاهزة .. ما أنتظر احميها

واجلس استنى عشان اشغل المكيف

لو أنا بنت .. مااشيل هم .... الزواج .. وتأثيث البيت.. وتكاليف الحفلة

لو أنا بنت .. كان احصل كل حاجه جاهزه.. الزوج.. البيت ..

..السيارة .. السواق.. المكأفاه.. ا.. كل حاجه ..مافيه اي تعب او معاناة .

لو أنا بنت ..كان اخذ من ابوي فلوس .. ومن امي فلوس .. ومن اخويه

فلوووس ..

..البنات اربع وعشرين ساعة تكلم فلانة صديقتها خالتها حبيبها ورسايل اما الاولا

ما تجيهم رسايل الا من شركة الاتصالات ياالله ياابو الشباب سدد

الفاتورة..!!

والا إتصال من عجوووووز في مقتبل العمر.. وتقولي هلووووو هلوووو

هذا منزل معيض؟؟ .. وتردون عليها وتقلوون لهااا

ياجده هذا أول شي إسمه جوااااااال مو منزل.. وثاني شي هذا جوالي ورب

الكعبه مو جوال معيض.. قالت : هلوووو طيب شكراً .. هاهاهااااااااي

لو أنا بنت .. كان مااشيل هم الزحمه عند الحلاقين .. واشيل هم الدقن او اوسي لحيتى

.. وشعر رأسي

لو أنا بنت .. كان ما تحصلني لاااابس اللبس الخليجى.. غترة,, طاقيه,,

عقال,, ثوب,,فنيله ,,,,نعال ,,, وانتو بكرامه ,,قلم,, محفظة في الغالب

فاضيه ويااااااكثر البطايق فيها تقول دفتر سن توب,, جوال+فاتورة

جوال,,وبعض الاحيان ,, ملف علاقي ( عاطل ) ...

لو أنا بنت 000أدخل كل مكان واذا رحت اي مكان مو أحصل لوحااااات

للعوائل في كل محل اروح له .. وحراس آمن
هههههههههههههه

معاانات الشباااب

: شفتو السحالي ...ملكات في كل مكان

تـــقـــبـــلوو تحياتي لكم ( انتو كذا ولا لى يعنى حنا الاحسن والاذكى)***ملكة الاحساس