أمه يمنيه ومستحي منها !!!!

[عاشق ديرتي بريده]

كان صديق لي كلما جلسنا نتكلم عن العوائل يستئذن ويذهب الى البيت !
لم نكن يأتي ببالنا ان خروجه من الاستراحه بسبب تكلمنا عن العوائل !!
وفي احد الايام كنت جالس مع صديقي ولايوجد معنا احد !
اخذتنا السوالف واذا به ينفجر ويتكلم عن ابيه وظلمه لعائلته !!
لم استطع ان اتكلم لانه يتكلم وهو بقمة زعله واصبحت انا مستمع فقط !

اتدرون ماهي المشكله التي يعاني منها !!!!

يقول ياخي ابوي ظلمنا ظلم لانه تزوج أمي اليمنيه !!!!!

وكل ماجلست معكم وتكلمتم عن العوائل اتذكر ان خوالي من اليمن يضيق صدري واطلع !!

ويوم هدا قلت مافيها شي وتبقى اليمينه هي امك ولها حق عليك !!

قال انا لااقول بأمي شي وانما نسبي اللي ضاع باليمن اين اجده !!

لم ينفعني انني أبن فلان الفلاني من القبيله الفلانيه لاني كل ماخطبت بنت قالوا ترا امه يمنيه !!

وايضا وانا في سن السادسه من عمري كانوا ابناء الحاره لاينادوني الا بكلمة ابو يمن !!

ويقول والله لو الامر بيدي ماخليت ولاسعودي يتزوج اجنبيه لان لي اصدقاء امهاتهم اجانب ويخجلون من هذا الشي !!!


تصدقون ياجماعة الخير اني رحمته وقلت الله يكون بعونك !!

وفعلا اكثر الاباء لايفكر بمستقبل اولاده بكثر مايفكر بارضاء شهوته !!!

[Є β т i š š ά м]

الله يصــلح الجمــيع ...

والله ماادري ايش اقول ..
بس الاب غلطــان وكمان نظرةالمجتمــع ليش سيئــة
يمنيه او اي جنسيه اهم شي الدين والاخلاق


كــان الله في عونـه ..


مشكـور اخي الكـريم عاشق بريدهـ
مـوضوع او قضيــه مهمــه


دمت بحفظ الله ..

[فتحي الشقاقي]

انت وخويك مكبرين المسأله حبه ونص

الحين البنات على أفا من يشيل من كل القبايل .. بس خويك الظاهر انه ما شيك الا على بنت الجيران .. صدقني هذا مو عيب ولا شي .. واجد ناس متزوجين من بلدان العالم كلها ما ضرهم ..


بس العمده على خويك مو على امه ..

[عاشق ديرتي بريده]

اقتباس:  المشاركة الأصلية كتبت بواسطة بنت حــرب     الله يصــلح الجمــيع ... والله ماادري ايش اقول .. بس الاب غلطــان وكمان نظرةالمجتمــع ليش سيئــة يمنيه او اي جنسيه اهم شي الدين والاخلاق كــان الله في عونـه .. مشكـور اخي الكـريم عاشق بريدهـ مـوضوع او قضيــه مهمــه دمت بحفظ الله ..

لا فرق بين امي سعوديه والا يمنيه !!!
بصراحه من يوم عرفت قصته صرت مستحيل اتكلم عن اليمن اخاف اجرحه !

[عاشق ديرتي بريده]

اقتباس:  المشاركة الأصلية كتبت بواسطة فتحي الشقاقي     انت وخويك مكبرين المسأله حبه ونص الحين البنات على أفا من يشيل من كل القبايل .. بس خويك الظاهر انه ما شيك الا على بنت الجيران .. صدقني هذا مو عيب ولا شي .. واجد ناس متزوجين من بلدان العالم كلها ما ضرهم .. بس العمده على خويك مو على امه ..

لافرق اخوي فتحي اذا قلت خواله الشقاقي والا خواله من اليمن !!!

بصراحه اخوي ايهم افضل اذا قلت خالي يوسف الثنيان << يحبه والا قلت خالي على عبدالله ابو يمن !!

[فتحي الشقاقي]

هذا سامي الجابر يماني ابوه وامه وماضره متزوج وشهرته واصله النجوم >> بيقهره


والله انا اشوف واجد ناس متزوجين .. صدقني اخوي الرجال اذا هو رجال صالح والله الواحد يشتريه لو أمه من تايلند ..

هذا الشباب بعضهم امهاتهم سعوديات ومن الردى لو تقدملك ما تزوجه ولا بطه

وبعدين لو انت قايل ان ابوه ليماني كان اقول يمكن .. بس امه ما اعتقد انه بينسبلها ..

[عاشق ديرتي بريده]

اقتباس:  المشاركة الأصلية كتبت بواسطة فتحي الشقاقي     هذا سامي الجابر يماني ابوه وامه وماضره متزوج وشهرته واصله النجوم >> بيقهره والله انا اشوف واجد ناس متزوجين .. صدقني اخوي الرجال اذا هو رجال صالح والله الواحد يشتريه لو أمه من تايلند .. هذا الشباب امهاتهم سعوديات ولو تقدملك ما تزوجه ولا بطه وبعدين لو انت قايل ان ابوه ليماني كان اقول يمكن .. بس امه ما اعتقد انه بينسبلها ..

على طاري سامي شفه ماسلم من الناس كلا يسبه ويقوله ابو يمن !!!
يعني لو ابو سامي اخذ سعوديه كان ارتاح سامي من قولة ابو يمن !

[فتحي الشقاقي]

الجابر بكبرهم وبخويطهم كلهم يمنيه .. حتى لو اخذ سعوديه هه

.................................................. .................................


طيب عطنا مواصفات الرجال وانا اقولك ليش ما ينعطى !!!

[الجبل الاسود]

عن نفسي اي واحد امة اجنبية ويكون قبيلي نسبة
ضاع لان امة اجنبية طيب وين القبايل اللى يعتزون باصولهم
ويتزجون اجنبيات بل حتى من يتزوج وحدها او واحد امة اجنبية

بس غريبة قولك ان بعض اللى امهاتهم اجنبيات يخجلون
بل العكس البعض يفرح ويعتز بامة بس اعتب على اللى يتزوج
بنت والداتها اجنبية والمشكلة اا صارت هندية

اما بالنسبة لهذا الشص اللى تحدثت عنة اللى يكون بعونة
وترى الزواج من يمنيات محدود ونادر جدا في السعودية

[عاشق ديرتي بريده]

اقتباس:  المشاركة الأصلية كتبت بواسطة فتحي الشقاقي     الجابر بكبرهم وبخويطهم كلهم يمنيه .. حتى لو اخذ سعوديه هه .................................................. ................................. طيب عطنا مواصفات الرجال وانا اقولك ليش ما ينعطى !!!

مواصفاته عريض المنكعين !!

شخص عادي يعني من الناس المقبوله !

[عاشق ديرتي بريده]

اقتباس:  المشاركة الأصلية كتبت بواسطة الجبل الاسود     عن نفسي اي واحد امة اجنبية ويكون قبيلي نسبة ضاع لان امة اجنبية طيب وين القبايل اللى يعتزون باصولهم ويتزجون اجنبيات بل حتى من يتزوج وحدها او واحد امة اجنبية بس غريبة قولك ان بعض اللى امهاتهم اجنبيات يخجلون بل العكس البعض يفرح ويعتز بامة بس اعتب على اللى يتزوج بنت والداتها اجنبية والمشكلة اا صارت هندية اما بالنسبة لهذا الشص اللى تحدثت عنة اللى يكون بعونة وترى الزواج من يمنيات محدود ونادر جدا في السعودية

اخوي فعلا يخجلون لاتك مستحيل تلقى واحد يقول انا امي مصريه بنت فلان الفلاني !
واي واحد امه اجنبيه ماتلقاه يناقش بالعوائل !

[جناان]

ذكرتن بقصة واحد
امه اندونيسيه.!!!
هذ وش يبي يقول عن خواله .!!!
اتوقع خويك
ارحم منه

[رتاج]

بصراحة مشكلة صديقك تقطع القلب
ليش

ليش

ليش

ليش امه يمانيه

اين جمعية حقوق الانسان من هذا الظلم ؟؟؟؟؟

اقتباس:  المشاركة الأصلية كتبت بواسطة عاشق ديرتي بريده     قال انا لااقول بأمي شي وانما نسبي اللي ضاع باليمن اين اجده !! !!!

عاشق قول لصديقك لا يقلق فالانتربول سوف يبحث عن نسب صديقك باليمن

[جبل السكر]

يؤ يؤ يؤ يؤ أبوهـ مالو حــق بصــراحهـ

ظلم ظلم ظلم حــراااااااااام عليــهـ يظلم أولادهـ بزواجهـ من أمهم اليمنيهـ

بصــراحهـ يــاأخ عـــاشق ديرتكــ

صــديقكــ إنســـااااااان مـــريض وتفكــيرو علــى قــدو يقول ظلمنــا لأنو تزوج أجنبيهـ ومــن أفضــل البــلدان العــربيهـ

حقيقهـ ظلم لو رفع قضيهـ هوا ومن على شاكلتو علــى أبائهم هه هه هه

خــــلااااااص أخ عـــاشق قـــلو ينتحــر مالو مستقبل صـــديقكــ هه هه هه



بلا قبيلهـ بلا بطيــخ وربــي مــارجعنــا للعصــر الجـــاهلي يلي عــايشينو في السعـــوديهــ غيــر قبيلتكــ وقبيلتــي وإنتوا ونحنا ناس مريضهـ بجد



يـــا اللــه قــــد إيش أفتخـــر باأمــي وباأهلهـــا وبــلدهـــم الحضــاري
والـــمتقــدم والـــراقي بـــرقي أهـــلهـ وتعــــاملهم وروحهم الطيبــهـ
وأخــلاقهم الجميلهـ وياما أتمنيت أنتسب لــهم

وأرفــع راســي فــوووووووق وبكل فخر وشموخ لمن أحــد يتكلم عنهم

وهـــادا يقــول أخجــل وظلــم ههههههه
وربي ضحكتني يــا أخ عاشق بموضوعكــ

[ღعبدالله العطيشانღ]

هلا حبي
من قال أنه راح يضيع نسبه يا عاشق .. الولد ينسب لإبيه مو لأمه !
وأظن ما يعوقه هذا الشيء من زواج أو غيره
وغير كذا واللي متعارف عليه من جميع فئات المجتمع
أن فيه أعيال قبايل أمهاتهم خضريات وتزوجوا أحلا نسب !
هذا مثال مقارب لما ذكرت وممكن يكون أصعب مما طرحت
صحيح فيه نسبة قليله من عوائل تعد باليد يرفضون هذا الشيء .. بس صدقني هذا الشيء لا يؤثر ولا يقلل من حفظ نسب هذا الشخص !
أنا يا محاكيك أمي لبنانيه أسمه هويدا وغير كذا مدرسة كيمياء وكل اخواني ماخذين افضل العوائل
ولاكد شافوا الويل يومهم يبحثون عن كرب الدنيا