(الـبـكـر حُبه فـكـر والـقـعـده حُبه رعده)

[بنت البدائع]

اقتباس:  المشاركة الأصلية كتبت بواسطة عجوز سمنسي     هلا في بنت البدائع البكر هذا انا اعتبره ضحية التربية تدرين ليه ؟ لانه غالبا تكون خبرة الوالدين قليلة وهمهم التدليل اكثر من التربية بس لايزعل اول مولود وبالنهاية يطلع حقل تجارب لاخوانه الباقين عاد اما ينجوا بروحه ويطلع رجال والا يبي يطلع سربوت مقطع اربع يحسر باهله ويوذيهم <<<< مهب البكر رايح بالرجلين بالوسط عاد الحمدلله كلنا ولا فينا الداشر

أخوي عجوز سيمنسي
فعلاً ماذكرت حاصل بكون أن الآباء تنقصهم الخبره عند أول مولود
ياما من واحد و واحد بغى يموت من سبة جهل أمه فيه من جميع النواحي
وليست التربيه فقط
يصير بيده مثل الطير ماتعرف تصرف به
وكل التجارب تحطهن على رأسه
أماالباقين ياسلام سلم خبره بخبره
<<< وه من جد أتعزز للبكر

شاكره لك المرور

[بنت البدائع]

اقتباس:  المشاركة الأصلية كتبت بواسطة &وحيدة كالقمر&     وعــــــــــــليكم السلام ورحمته الله وبركاته: هلا وغلا ببنت البدائع... طيب واللي لابكر ولا قعده...ويوم تزوج البكر وتزوجت البنت الكبيرة..حطوا المسؤلية عليه.وش تقول.؟ هذا حظـــــــــــــــي....والمشكلة أمي تموووت بأخوي الوسطي موووت...تقول أرحمه...وش عليه الحمد لله يشتغل والحمد لله مو صغير ب26 ...يعني و ش بقى يعني شوفي جالسين مثلاً نتعشىء..وهو موفيه دقي ع أخوك فلان شوفي هو يبي عشاء...خوذو له.. وتبلش عنده....<<<عاد أنا هنا أنغث مو صغير مايعرف مصلحة نفسه علشان تشقى به... الله يخليه لنا بس....

هلا والله وغلا فيك وحيده
انتي سمعتي بالمثل (حُب الوالدين حضوظ)<<<طايحه بتأليف الأمثال هه
والله من جد أختي وحيده
الوالدين أحياناً يفضلون أحد على أحد من أبنائهم بغض النظر كونه بكر أم لا
ويكون من غير قصد
وبالنسبه لأخوك المحبوب من قبل أمك هذا لاحقه الحظ ماشاءالله عليه

عندنا وعندكم خير ياوخيتي
هذي أمي الثانيه تفضل وحده من خواتي بشكل مو طبيعي
لدرجة أنها ترحمنا أحياناًوتقول عاد كلكم لكم غلى <<<تبي ترقع بس مايمديه
للعلم أنها ماتسئ لنا الله يحفظه

شاكره لك مرورك وحيده

[بنت البدائع]

اقتباس:  المشاركة الأصلية كتبت بواسطة غلا عمري     ايه الله يرحم امي رحمة واسعه ويجعل قبرها روضه من رياض الجنه بنت البدائع رعاك الله وحفظك وشلونك اختي زمان ماشاركت معك والعكس انتي انسانه قديره وتستحقي الحضور - احببت الحضور وليت حضوري يكون نصف تعليق على الموضوع ان كان له معنى ماجد

أخوي ماجد
الله يرحم أميمتك
ويسكنها فسيح جناته
قل "آمين"

ألف شكر لك يكفي أطرائك الحلو
وحياك الله ..

[رحيل]

وحيده لاتشرهين على أمك شكل ماعندكم إلا هالولد فعادي تدللـــه
معروف في المجتمع أن الولد معاملته غير عن البنت
فيه ناس عندهم كم من ولد كلهم يدلعون ويناظر لخواطرهم على حسابك
عــــــــادي
أنالو أقدم أو أفضل عليهم كان تجين ضيقة صدر أحس إني أخذت شي مو من حقي

وعلى طاري القعده قابلت وحده من زميلاتي هي قعدت أهله
تسولف تقول أني طلبت من أهلي أنا نسافر وكان ذاك الوقت مشغولين بزواج أخوها
اللي بعد أيام ولما رفضوا زعلت وصارت ماتاكل
وتقول أن أهله خايفين على صحته وخاطره سافروا علشان ترضى
يوم قالت أن ما أكلت علشان يلبون اللي تبي قلت تراك تعاقبين نفسك
وأهلك بيتركون لحد مايطيح اللي براسك قالت لا أهلي مايبوني أزعل
قلت يافلانه توني أدري إنك بزر وقمت وعطيته درس بالحياة والله ماكان وقته
بس كنت ناصحه وأبي مصلحته ماهان أشوفه بهالعمر وتصرفاته تصرفات صغارين
بس يوم أنتهيت من الدرس حقي تندمت لإني من زمان ماشفت البنيه
وما أمون عليه مجرد زميله
عرفت بعد هالموقف إني بنعمه اللهم لك الحمد والشكر

أسمحي لي بنت البدائع ترى الموضوع يهمني كثير
ومتفاعله معه يعني كل شوي بنقز لك

[بنت البدائع]

اقتباس:  المشاركة الأصلية كتبت بواسطة أريج الحياة     عندي اخت تعتبر القعده امي الله يخليها لنا تخاف عليها من نسمة الهواء لما تأثرت المسكينه نتيجة دلال الوالده لها وخوفها عليها بشكل لا معقول بصراحه صارت لها كلمتها ومدى تأثيرها على الوالده وانا ب إعتبار اني وسطه قليلة نفووذ منها رغم اني اكبر منها لانها متربعه على عرش الأسره بكل قوه وهذا طبعاً بسبب دلع الوالده حتى تصدقين لو نبي موافقة امي بموضوع نلجأ لها تتوسط ونقول عند فلااانه الخبر الأكيد عاد تخيلي انا الجأ للأصغر علشان يتوسط لي ...!! شي محرج للغايه ههه وصارت البنيه شاايخه علينا بسبب هذه المكانه والحصانه عموما هذا شي في الأم تفضل اول طفل لديها لانه اول فرحتها واخر طفل لديها لانه اخر فرحتها .

بردك هذا ياأريج احسك تتكلمين عن قعدة أحد من أقاربي
الوالده الله يحفظه له تخاف عليه من نسمة الهواء
لدرجة انه لما وصل سن الإلتحاق بالمدرسه أجّلته للسنه اللي بعده
ليه ؟
تخاف عليه خوف مو طبيعي
ياعمري هو تشوفينه ذكي بدرجه ملحوظه
لكن من حرص امه عليه تنقدين على بعض تصرفاته
تخيلي تحجّر له تحجير موطبيعي
مايقهرني إلا أذا شفت من هم أصغر منه بالسن
يرحون ويجون بكل ثقه
وهذا ماسك ثوب أمه يناظرهم

الله يخلي لك أختك أروجه
وشاكره لك مرورك

[الحنتريش]

لا بكر ولا عوان
انا منب بتسر ولا قعده وابشركم الحمد لله كل شي تمام
لكن البتسر دايم يصير بوجه ابوه والقعده يصير المكزازه والي بالوسط يصير دلع الدلع

[هلالي القصيم]

مرحبااااااااااااااااااااااااااااااااااا
شوفي الحمدالله اني ماني اول واحد ولا اخر واحد
و مع هاذ الله لايوريك كرفينااااااااااااااا كرف
بس مانبي الا الاجر بس شووووووووووية رحمة يناس

لكم تحياتي
هلالي القصيم

[قلب الأسد]

والله البكر ماله الا الغربيل هو اللي يشقى وهو
اللي يعزم ويجمع يعني مايستريح ابد مهما كان
القعده له الحب والعطف والحنيه وكل ماهو زين

[مياسة]

اقتباس: يصير المكزازه

هههههههههههههه ايوه في هذي اشهد معك
لان اصغر القوم خادمهم
الحمدلله اني موقعده ولا بتسر

[بنت البدائع]

اقتباس:  المشاركة الأصلية كتبت بواسطة رحيل     وحيده لاتشرهين على أمك شكل ماعندكم إلا هالولد فعادي تدللـــه معروف في المجتمع أن الولد معاملته غير عن البنت فيه ناس عندهم كم من ولد كلهم يدلعون ويناظر لخواطرهم على حسابك عــــــــادي أنالو أقدم أو أفضل عليهم كان تجين ضيقة صدر أحس إني أخذت شي مو من حقي وعلى طاري القعده قابلت وحده من زميلاتي هي قعدت أهله تسولف تقول أني طلبت من أهلي أنا نسافر وكان ذاك الوقت مشغولين بزواج أخوها اللي بعد أيام ولما رفضوا زعلت وصارت ماتاكل وتقول أن أهله خايفين على صحته وخاطره سافروا علشان ترضى يوم قالت أن ما أكلت علشان يلبون اللي تبي قلت تراك تعاقبين نفسك وأهلك بيتركون لحد مايطيح اللي براسك قالت لا أهلي مايبوني أزعل قلت يافلانه توني أدري إنك بزر وقمت وعطيته درس بالحياة والله ماكان وقته بس كنت ناصحه وأبي مصلحته ماهان أشوفه بهالعمر وتصرفاته تصرفات صغارين بس يوم أنتهيت من الدرس حقي تندمت لإني من زمان ماشفت البنيه وما أمون عليه مجرد زميله عرفت بعد هالموقف إني بنعمه اللهم لك الحمد والشكر أسمحي لي بنت البدائع ترى الموضوع يهمني كثير ومتفاعله معه يعني كل شوي بنقز لك

هلاااابك أختي رحيل
للأسف بعض الآباء كما تفضلتي يفضلون إبن على إبن ولايعلمون
عن النتيجه السلبيه لهذة التفرقه
بعض الإخوان تتولد بينهم الغيره والكراهيه بسبة تفضيل
والديهم لأحدهم..

وبذكرك لخويتك القعده :
هذا شي غير مستغرب مادامت القعده
لأن أغلب الناس القعده عندهم ملك على رأسه تاج
كل آوامره ملباة

وحياك الله أختي رحيل سيري علينا
متى ماتبين
شاكره لك المرور

[بنت البدائع]

اقتباس:  المشاركة الأصلية كتبت بواسطة الحنتريش     لا بكر ولا عوان انا منب بتسر ولا قعده وابشركم الحمد لله كل شي تمام لكن البتسر دايم يصير بوجه ابوه والقعده يصير المكزازه والي بالوسط يصير دلع الدلع

أخوي الحنتريش
الحمد لله على النعمه
وبجد البكر بوجهه كل المسؤليات ويتحمل الشي الكثير
الله لايضيع أجره
أماالمكزازة أحياناً يكون مدلع ولايبينا نطلب منه شي<<<غاسلة أيدي من القعدات

شاكره لك المرور

[بنت البدائع]

اقتباس:  المشاركة الأصلية كتبت بواسطة هلالي القصيم     مرحبااااااااااااااااااااااااااااااااااا شوفي الحمدالله اني ماني اول واحد ولا اخر واحد و مع هاذ الله لايوريك كرفينااااااااااااااا كرف بس مانبي الا الاجر بس شووووووووووية رحمة يناس لكم تحياتي هلالي القصيم

أخوي هلالي
عند الأغلب من الناس تتركز المهام على عاتق الإبن البكر

ولاأنكر ماقلت

شاكرة لك المرور

[بنت البدائع]

اقتباس:  المشاركة الأصلية كتبت بواسطة قلب ضب     والله البكر ماله الا الغربيل هو اللي يشقى وهو اللي يعزم ويجمع يعني مايستريح ابد مهما كان القعده له الحب والعطف والحنيه وكل ماهو زين

أخوي قلب ضب كلامك صحيح

ذكرتني بشقيقتي الكبرى
ياماتحملت من مسؤليات كبيره قبل زواجها
كانت تقوم بدور الوالده بعض الأحيان

كانت تقول لأمي (كيف صرت أناالكبيره)<<< قسم أرحمه دايم
لدرجة أن أذا كان فيه اجتماع كبير عند أحد الأقارب وصارت الوالده ماتبي تطلع
معنا بسبة ظرف
اول ماندخل عليهم يستلمونه بالأسئله وين ؟ وليه؟ ومتى؟
تقولنا خففن عن لاتصيرن صور

أيه(من توسط سلم)

شاكره لك المرور

[بنت البدائع]

اقتباس:  المشاركة الأصلية كتبت بواسطة مياسة     هههههههههههههه ايوه في هذي اشهد معك لان اصغر القوم خادمهم الحمدلله اني موقعده ولا بتسر

هلا بمياسه

شاكرة لك المرور

[بنت البدائع]

بودي أن أحد منكم يناقش موضوع معاملة أهل الزوج للإبن البكر