السلام عليكم ورحمة الله وبركاته.
انا سجلت في هذا المنتدى خصوصا لاني قرات بعض المواضيع ووالردود فيها صريحه جدا لذلك حبيت اطرح موضوعي هنا,انا طالبه ادرس طب ولي صديقه معي معي في نفس القسم وهذي السنه الاولى في الطب وقبله اخذنا سنه تمهيديه (تحظيريه)وهذي السنه لازم نجيب فيها معدل ممتاز حتى نقدر ندخل طب الحمدلله عديناها بمعدلات ممتازه ودخلت انا وصديقتي الطب طبعا علمونا نتيجة قبولنا في بداية العطله الصيفيه وبالنسبه لي فرحت مره اما صديقتي بالرغم من الطب كان حلمه الا انه فرحت في اول الامر بعدها تقول اني تمنيت انهم ماقبلوها ودخلوها قسم ثاني والسبب؟تقول ان كل من عرف اني داخله الجامعه ابي طب وانا بعدي ماقلت لاحد عن قبولي غير اهل البيت الام والاب والاشقاء ) الاخوه من الاب رفضوا والاقارب بدؤا يتكلمون وهذا عيب وهذا اختلاط ومن هاالكلام الى درجه ان احد اخوته خيرها بين الزواج والطب لانه يقول ماراح احد يقبل فيك وانتي تدرسي طب وكانه جريمه,بعده الجامعه حددت وقت للمقابله وكانت روتينيه لاتحدد قبول اوعدمه المهم الجامعه اتصلوا على اولياء الامور يعلمونهم مكان المقابله لانه كان برا الجامعه المهم والده كلمهم ووافق انه تجي للمقابله وبالفعل جت وعدة المقابله على خير وهي الى الان محتاره من اهله وتقول ان الاب رفض انه تدخل لانه سمع كلام عن الاختلاط وامه ماحبت الفكره لنفس السبب والبنت ظاعت بينهم محتاره الناس ماخلوها بحالها صغير وكبير حتى البنات القريبات منها مانصحوها تدخل واقترب موعد المدرسه وحددت الجامعه ايضا يوم للفحص الطبي بس هي ماراحت ومتردده مره ودخلوا براسه فكرة التحويل لقسم آخر مع انه ماتطيقه انا بدوري لاني صديقته ماعجبتني فكرة التحويل بس مابيدي حيله لان هذي رغبة اهلها وانا ماراح ادوم لها جاء اول يوم دراسه وهي ماتطيق نفسه وكلنا رحنا الجامعه وكانت تحظر محاظرات وبالها مشغول وماهي مرتاحه نفس اليوم قررت تطلب تحويل طبعا الجامعه رفظوا وانه خلص وقت التحويل علمت اهلها يمكن يرحمونه يخلونه تكمل بس الاب اصر على التحويل وانه اذا ماحولت هالسنه راح هو يحولها بعدين حتى لو اخر سنه تضايقت اكثر والجامعه ماغيرت رايه الاب راح لقسم الرجال بعد كذا يوم نزل جدوله بقسم ثاني وصارت تبكي حتى داخل الجامعه ماستوعبت كيف راح تتكيف مع الموضوع "معلومه انه في ناس تقدموا لها ورفض الخاطب بعد ماعرف انه راح تدرس طب سبع سنوات"
ماتلاحظون انه في قسوه يعني والله حرام اللي يسونه الناس الحين شهاالافكار المتخلفه يعني الاب لولا كلام الناس ماداس على رغبة بنته ,وغير كذا الشباب الحين بنظري المفروض يكونون تخلوا عن تفكير الشياب هذا ,طبعا مو كلهم لان والله فيه بنات عندنا بالجامعه متزوجين بسنه ثالثه و رابعه, واذا على الاختلاط الحين صار في كل مكان مو بس المستشفى والبنت اللي حابه تخربط راح تدور على الشي الشين باي مكان ومو لازم تكون دكتوره .المهم الوحده منا تراعي ان الله يراقبها بكل مكان وتستشعر وجوده والله انشاءالله راح يحميها.............
اذاممكن الردود صريحه:
والمشكله صارت
مع كذا بنت معي بالقاعه وحتى ان بعضهم اخروا التحويل للمستوى الثاني,
نظرتكم لبنت تدرس طب وبكل شفافيه؟؟؟الهذه الدرجه وصل التخلف.
[/align]
العرض العادي
