تكفون يااعضاء اقنعووووه !!!!

[عاشق ديرتي بريده]

عايدت جيرانك قال (لا) أصلا مااعرفهم عشان اعايدهم !!!!!!!

بهذي الكلمات أجابني قريبي الذي يسكن بأحد الشقق !

ومع السوالف قال ياخي منت ملزوم تتعرف على احد... الدنيا تخوف بالوقت !

قلت له ياخي الرسول صلى الله عليه وسلم قال مازال جبريل يوصيني بالجار حتى ظننت انه سيورثه !!

قال هذا على وقت الرسول مو زي الوقت هذا !!!

قلت وش فيه الوقت ؟ قال ياخي الحين كثرت المخدرات والإرهاب ومشاكل الدنيا ولاني ملزوم أخاف أتورط مع احد منهم بشي !

غلبي بالكلام بس طلعت من عنده وانا غير مقتنع لان عنده قناعات مقنعه وبنفس الوقت غير مقنعه !!!!

اقتنعتوا بكلامه ياجماعة الخير وإلا لا ؟


بصراحه والصراحه راحه قريبي اللي تكلمت معه عضوا معنا بالمنتدى تكفون اقنعووووه لأني اتفقت معه وقلت الأعضاء هم الفيصل بيني وبينك !!!

[جمان البحر]

طيب هو مايصلي بمسجد حارتهم ؟؟

اذا هو يصلي فهو عارف من الزين منهم واللي يحافظ على الصلاةويستاهل انك تتعرف عليه ومن اللي مايستاهل المعايدة ومايستحق انه يتعرف عليه ..

يعني المسأله واضحه ومو محتاجه كل هالخوف والتشاؤم ...

[عاشق ديرتي بريده]

اقتباس:  المشاركة الأصلية كتبت بواسطة جمان البحر     طيب هو مايصلي بمسجد حارتهم ؟؟ اذا هو يصلي فهو عارف من الزين منهم واللي يحافظ على الصلاةويستاهل انك تتعرف عليه ومن اللي مايستاهل المعايدة ومايستحق انه يتعرف عليه .. يعني المسأله واضحه ومو محتاجه كل هالخوف والتشاؤم ...

الا ياجمان يصلي
وقلت له شف ذاك اللي معه سياره فورد دايم يصلي بمسجدكم !!

قال مو كل من صلى صار طاهر !!

وقال اكثر الارهابيين يصلون وائمة مساجد !!

والله عجزت عنه !!

[جمان البحر]

اقتباس: الا ياجمان يصلي وقلت له شف ذاك اللي معه سياره فورد دايم يصلي بمسجدكم !! قال مو كل من صلى صار طاهر !! وقال اكثر الارهابيين يصلون وائمة مساجد !! والله عجزت عنه !!

أجل قريبك هذا ولتسمحلي معقد وانطوائي ...
طيب وشلون أعرس اذا هو حذر الى هالدرجة وكل الناس عنده مايأتمنون ...

وبعدين ياليت يجي هنا علشان نذبحه اجل الارهابيين صاروا هم أئمة المساجد!!مابقى الا انه يقول ان الشريم والسديس ارهابيين والا يدّعون الدين ...والله حاله ..

[مــنــال]

قد يكون صديقك أو قريبك ممن يحكم على الا ّخرين شكليا ً ..

كيف أقول و أحكم في أن هذا شخص جيد و هذا سيء إلا من خلال المعرفة و العـِـشرة ؟

حديثه و مبرراته عبارة عن مخاوف فقط ..

لا بد له من الأختلاط بالا ّخرين خصوصا ً الجيران و الأقارب و زيارتهم و إلقاء التحية عليهم حتى مساعدتهم وقت الشدائد ..

و قد كان حديثك مقنع حيث أن التواصل مع الجيران احد وصايا الرسول عليه الصلاة و السلام .

صديقك قد يحتاج إلى توعية ، فالحذر و الحيطة سلامة بلا شك و لكن هناك حقوق علينا يجب مراعاتها هنا ..

و للجار حق ولزم تأدية هذا الحق على أكمل وجه .

[عاشق ديرتي بريده]

اقتباس:  المشاركة الأصلية كتبت بواسطة جمان البحر     أجل قريبك هذا ولتسمحلي معقد وانطوائي ... طيب وشلون أعرس اذا هو حذر الى هالدرجة وكل الناس عنده مايأتمنون ... وبعدين ياليت يجي هنا علشان نذبحه اجل الارهابيين صاروا هم أئمة المساجد!!مابقى الا انه يقول ان الشريم والسديس ارهابيين والا يدّعون الدين ...والله حاله ..

اختي جمان
والله لاهو معقد ولاانطوائي

الزواج ماله دخل بالجار قبل يتزوج لازم يسأل عن اهل البنت !!

بس الجار وشلون يسأل عنه !!

يقول بعض ائمة المساجد ماقال كلهم !!

[رحّــال]

اقتباس: عايدت جيرانك قال (لا) أصلا مااعرفهم عشان اعايدهم !!!!!!! بهذي الكلمات أجابني قريبي الذي يسكن بأحد الشقق ! ومع السوالف قال ياخي منت ملزوم تتعرف على احد... الدنيا تخوف بالوقت

قله مو لازم تجلس معاهم والا تنام وياهم بس يلزم انك تعرف من يكونوا وتسلم عليهم وتعايدهم يعني من بعيد لبعيد بس مو بالمره ......

[The Free Man]

طيب ليش هم مايجون يعيدونه؟

[شقرديه]

حتى أنا ما أعرف كل جيراني

إلا اسم كم عائلة يعني تقريبا ثلاث أربع عوائل

وأتمنى أتعرف عليهم كلهم بس هم شكلهم غير اجتماعيين لأني آخر من سكن محد عبرني

عموما تعجبني الحارات اللي يتعيدون جميع يفرشون سفرة في الشارع وكلن يجيب عيدة

فيه حي ببريدة لهم اجتماع اسبوعي على الفطور طوال شهر رمضان

ليت كل الحارات زيهم،،

[بنت البدائع]

طيب اللي حارتهم جديده ومايعرف الجيران

والله جنبنا 60 بيت ولانعرف بعض

إلا الرجال فقط يتعارفون

الله يرحم زمان العام جيررران ولاأحلى

والله الجيران أحياناً يكونوا بمثابة الأهل وأحسن

[عاشق ديرتي بريده]

اقتباس:  المشاركة الأصلية كتبت بواسطة مــنــال     قد يكون صديقك أو قريبك ممن يحكم على الا ّخرين شكليا ً .. كيف أقول و أحكم في أن هذا شخص جيد و هذا سيء إلا من خلال المعرفة و العـِـشرة ؟ حديثه و مبرراته عبارة عن مخاوف فقط .. لا بد له من الأختلاط بالا ّخرين خصوصا ً الجيران و الأقارب و زيارتهم و إلقاء التحية عليهم حتى مساعدتهم وقت الشدائد .. و قد كان حديثك مقنع حيث أن التواصل مع الجيران احد وصايا الرسول عليه الصلاة و السلام . صديقك قد يحتاج إلى توعية ، فالحذر و الحيطة سلامة بلا شك و لكن هناك حقوق علينا يجب مراعاتها هنا .. و للجار حق ولزم تأدية هذا الحق على أكمل وجه .

كلامك حلو يااخت منال
اتمنى ان العضو يقتنع من كلامك !

[علشانك بس]

الحين تقول انصحو صديقي واقنعووه بشي انت منت مقتنع فيه ؟ !!
انت مثله انطوائي ولا تحب الاجتماعات ولا تبي احد يعزمك ولا تروح لأحد
واذا طلعت من المسجد بديت تلفت تخاف احد يشوفك
انت تبي من يقنعك

[علشانك بس]

لاتصير تتكلم عن نفسك ويقاله موب انت وماتبينا ندري !!!!

[عاشق ديرتي بريده]

اقتباس:  المشاركة الأصلية كتبت بواسطة علشانك بس     الحين تقول انصحو صديقي واقنعووه بشي انت منت مقتنع فيه ؟ !! انت مثله انطوائي ولا تحب الاجتماعات ولا تبي احد يعزمك ولا تروح لأحد واذا طلعت من المسجد بديت تلفت تخاف احد يشوفك انت تبي من يقنعك

بسم الله علينا !!
علشانك وشلون عرفتي كل الموصفات هذي !!

<<< بدا يخاف منها !!

[ابو ريما الخالدي]

من خاف سلم
ومعه حق في هذا
الدنيا توحش ياأخي