كثير من الشباب لادخل لهم ولا رواتب لديهم جوالات وتأتيهم الفاتورة بمبالغ كثيرة قد لا تصدقون مع العكس نرى رجال الأعمال فواتيرهم لا تتعدى 300 ريال فهذا يدعوا للعجب وعندما تسأل لماذا فاتورة الشاب قد تعدت 2000 ريال او 3000 ريال نجد الجواب المغازل . واقرأ مانقلته من احد المنتديات ؟؟
المغازل في القرن الواحد والعشرين مختلف وبين الشباب والبنات ما يدعو للتامل والنظر وهذى بعض المواقف : سمعتها ، عشتها والبعض قد تحصل 00
1- اعرف واحد يحب وحده وهالوحده ما تحبه تحب شخص ثانى والشخص الثانى يحب بنت عمها وهى ما تدرى وبنت العمه معرسه !! فلم هندى
2- اعرف واحد راتبه خمسه وعنده لكزس ما كمل سنه الا وباع اللكزس وطلع بودمعه ويقطعون من راتبه 3 الاف قلت له ليش ؟ قال اللكزس ما اييب بنات ؟؟
4- اعرف واحد شاف انتين متنقبات في تاكسي لحقهن من السوق لين ما دشن الفريج عاد يقول حق ربيعه تمام طلعن قراب منا ولحقهن لين ما وقف التكسي جدام بيت بوالشباب نزل يشيك جان يتفاجأ انهن امه واخته ! العتب على النقاب
5- اعرف واحد عنده ثلاث موبايلات واحد للاهل والثانى للربع والثالث ؟؟ للبنات
6- يقولون الزواج قسمه ونصيب وفي هالزمان الزواج رقم ويصيب
7- اعرف ههههههه لا لا ما اعرف سمعت ان هناك بنات مواطنات يجلسن على القهاوى ويشيشن لين قبل السحور 000 قمه التطور !
8- اعرف واحد راتبه 6 الاف ومديون وعليه سلفيات يسال ربيعه شو يسوى ؟ ربيعه قاله بسيطه تبغي يكون راتبك 16 قاله كيف : قاله تزوج موظفه !!0
9- الشباب ما يلاحقون البنات اللي عندهم بودمعه والسيايير الكشخه ( خوف طبعا) والبنات العكس ما يعطون ويه للي عنده هوندا وجى تى ار ؟! حكم الشوارع
10- اعرف شباب يتنافسون على اللي عنده بنات اكثر ويحددون وقت يتاكدون منه بالاتصال في البنات وتجري المسابقه بوجود شهود 00 يا عيب الشوم 00
وهذا قليل من كثير 000 والسموحه
ـــــــ
منقول
__________________
العرض المتطور
