دكتور يالله ..جهز الغرفه الحين
وناد استشاريين علم الجراحه
بنجيك أنا واللي عشقته من سنين
من بعدنا ماشافت العين راحه
دكتور تكفى مانبي نكون شخصين
شف لك طريقه تختصر هالمساحه
مابي تخلي بيننا يسار ويمين
ادمج بعضنا ببعض لو هي اباحه
مالومك اليا قلت عنا مجانين
العقل راح وسمح الله مراحه
حنا انتبنج من تجي العين بالعين
ماحنا بحاجه للمخدر صراحه
دكتور لحظه بس تبي تبدي منين
أبيك تبدى فيني ماأقوى صياحه
ماأقوى نزيف الدم من ناس غالين
وماأقوى على دمعه بحزة مطاحه
دكتور تكفى بس أعلمك بأمرين
ودي صباحي مايفارق صباحه
هالآدمي يسوى بعيني ملايين
حكمت قلبه واستطعت اكتساحه
لكن أمانه تبتدي فيني الحين
حاول تخيطنا بسلك الجراحه..
ممااااااااا رااااااااااااااق لي وسلااااااااااااااااام
العرض المتطور
