كلمة احبك .. وقآحه ..!

[مقبل الجعفري]

يسعد اوقاتكم حبايبي ..
جديدي بعد غيبة اتمنى يرتقي لقلوبكم ..





بضحك شويـّة .. عيدي اللي تقوليـن ..
الضحك للمجروح بلســم جرآحــــه ..!

آرجــوك عيدي الكلمه اللي من شوين ..
الكلمه اللي ضحكــتني ( صرآحــــه ) ..!

قولي ( آحبك ) بإذني بهمس .. تكفين ..
وآنا بزيد الضحك .. وآزداد .. رآحـه ..!

( مــآهي شماته ).. بس ودي تشوفين ..
طير(ن) كسرتي قبل مدّه جنــآحه ..!

حـآول يطير ومآ اسعفته الجناحين ..
شهرين منّك .. ماتعدى مـــرآحه ..!

مع كل ليله .. لا لفاه المحبين ..
ينام خوف الناس تسمع نوآحه ..!

يقول يمكن .. بكره تهون وتلين ..
ويقوم لكن ( ماصباحه رباحه ) ..!

مع كل صبح تسولف علومه العين ..
بدمعها اللي كان ( قصة صبآحه ) ..!

غبتي .. ولا قلتي غيابك على وين ..
( ليتك تركتي للموادع مساحه )..!

على الاقل بجبر غياب المقفين ..
لاطآح دمع(ن) مآرحمني مطآحه ..!

ماجيت في بالك على طول شهرين ..
يآوسع قلبك ( والله انه بـَرَآحه ) ..!

كم كنت آدور عنك الزين والشين ..
ايآ خبر .. لو جرّحتني رمــآحه ..!

ماهو كذاعايش تقل ( بين نارين ) ..
وقلبي همآجه مستوي مع قرآحه ..!

لاجيت ابسلى هبّ نسناس ..( بعدين )..
واليا سليت ( الموت جتني ريــآحه ) ..!

وبعد مرور الوقت ( جيتي بعذرين ) ..
كلن يقول اني انا ( اكثر قبآحه ) ..!

الاول انك كنتي بوسط برلين ..
بالصيف كله قآضيتها سيآحه ..!

والثاني انك ماقدرتي تدقين ..
رقمي مهو ويآك .. { يـــال الفـــلاحه } ..!

( شريحتك ضآعت قبل لا تروحين ..
لمـآ طلعتي مع هلك لاسترآحه ) ..!

وانا هنا كني على ( حدّ سكين ) ..
الهم هددني ولقّم سلاحه ..!

لو جيتي بعذر(ن) يعدل الموآزين ..
يمكن ( آشوف محرمآتك) .. مبآحه ..!

لاتسأليني عن غلاتك .. بعد حين
( غلاك جعلك ماتروحي مرآحه ) ..!

الصد .. والهجرآن.. والدمع .. والبين ..
غزو ..!على حبك وصفوآ مرآحه

من حط له في كل يومين .. وجهين ..
والله مايفرح بالوفى .. والسمآحه ..!

وابشرك طير(ن) سكن قلبك سنين ..
نهض .. واخيرا منك ( آطلق سرآحه ) ..!

لحظة طلبتك .. عيدي اللي تقولين ..
( قولي احبك .. ودي اضحك صراحه )..!

مستغربه .. ماهوب انا اللي تعرفين ..
آدري .. وآدري بأن ( صابك تناحه ) ..!

لكن شسوي في احاسيسي الحين ..
( احس في كلمة آحبك .. وقآحه ) ..!



وسلامة قلوبكم

[مالتيزرز]

سلامة قلبك وعمرك يامال الفخر والطيب ..

أشهد إنك رجال ومظيف رجال ومقلط الفنجال .. عداك العيب ورايتك بيضاء يامقبل .

دخلت جو القصيدة وما حبيت أطلع منها .. أشكرك .

[مقبل الجعفري]

اقتباس:  المشاركة الأصلية كتبت بواسطة مالتيزرز     سلامة قلبك وعمرك يامال الفخر والطيب .. أشهد إنك رجال ومظيف رجال ومقلط الفنجال .. عداك العيب ورايتك بيضاء يامقبل . دخلت جو القصيدة وما حبيت أطلع منها .. أشكرك .

الله يسلمك ويعافيك اخوي ..
ماقصرت على الرد والاشاده ..
ربي يسعدك ..
كن بالقرب ..

تحياتي لك ..

[الــــــــهرم]

اهلآ وسهلآ بالغالي مقبل
فعلآ من طول الغيبات جاب الغنايم

يُشرفني ان اكون اول مُستقبلي هذه الرائعة والفريدة من نوعها

قصيدة اكبر من تعليقي عليها

مفرداتها ومعانيها وتركيبها وموسيقى الشعر فيها

كبير انت يا مقبل
لا ادري مذا اقتبس منها
كُلها كحلقة واحدة


الصد .. والهجرآن.. والدمع .. والبين ..
غزو ..!على حبك وصفوآ مرآحه

يالله ما اروع هذا البيت وما اجمل معناه


لكن شسوي في احاسيسي الحين ..
( احس في كلمة آحبك .. وقآحه )
خاتمة تُغني عن كثير من الكلام

احترامي لشخصك
وإعجابي الشديد ببوحك الراقي

[مقبل الجعفري]

اقتباس:  المشاركة الأصلية كتبت بواسطة الــــــــهرم     اهلآ وسهلآ بالغالي مقبل فعلآ من طول الغيبات جاب الغنايم يُشرفني ان اكون اول مُستقبلي هذه الرائعة والفريدة من نوعها قصيدة اكبر من تعليقي عليها مفرداتها ومعانيها وتركيبها وموسيقى الشعر فيها كبير انت يا مقبل لا ادري مذا اقتبس منها كُلها كحلقة واحدة الصد .. والهجرآن.. والدمع .. والبين .. غزو ..!على حبك وصفوآ مرآحه يالله ما اروع هذا البيت وما اجمل معناه لكن شسوي في احاسيسي الحين .. ( احس في كلمة آحبك .. وقآحه ) خاتمة تُغني عن كثير من الكلام احترامي لشخصك وإعجابي الشديد ببوحك الراقي

ياهلا وغلا فيك استآذي ..
انت من الناس اللي احرص على انهم يقرأون لي ..
ويبدون ملاحظاتهم .. ونقدهم ..

وشهاده شاعر مثلك لي فخر وربي ..
كن بالقرب .. وكفى ..



.
.

[رواسي]

الله
صبآح الخير
وعودآً حميدآً

رآئعة أبياتك عبّرت عن كلمة أحبك بشكل إحترافي
فليس بكل وقتٍ وسهولهـ تطلق هذهـ الكلمة

عجبتني جدآً أبدعت
شكرآً لك ولأبياتك
وحروفك السلسة
ومشآعرك المتألمهـ

هكذآ هم النساء يعشن الحدث ويستمتعن بهـ وينسون كل شيء
إن ذهبوآ لشيء نسوآ البقيهـ
ألآ تراهآ عادت إليك ونسيت كل شيء
فلآ تلمهآ فأنت في قلبهآ
وإلآ لم تعد

شكرآً لك

[مقبل الجعفري]

اقتباس:  المشاركة الأصلية كتبت بواسطة رواسي     الله صبآح الخير وعودآً حميدآً رآئعة أبياتك عبّرت عن كلمة أحبك بشكل إحترافي فليس بكل وقتٍ وسهولهـ تطلق هذهـ الكلمة عجبتني جدآً أبدعت شكرآً لك ولأبياتك وحروفك السلسة ومشآعرك المتألمهـ هكذآ هم النساء يعشن الحدث ويستمتعن بهـ وينسون كل شيء إن ذهبوآ لشيء نسوآ البقيهـ ألآ تراهآ عادت إليك ونسيت كل شيء فلآ تلمهآ فأنت في قلبهآ وإلآ لم تعد شكرآً لك

صباح الرضى والسعاده اختي روآسي ..
والروعه تتجلى بحضورك ..
.
.

وكلامك جميل جدآ ..
باتفاقي معه او عدمه ..

.
.


كوني بالقرب ..


.
.


كل التحيه

[>ريانه<]

قصيده اكثر من رائعه

الف شكر لك

[مقبل الجعفري]

اقتباس:  المشاركة الأصلية كتبت بواسطة >ريانه<     قصيده اكثر من رائعه الف شكر لك

اهلين ريانه ..
الروعه انتي ..


شكـرآ على حضورك وردك ..

لاهنتي ..

[صالح بن محمد الصعب]

الله الله

قصيدة رائعة بكل ماتحمله الكلمة من معنى ، ولا أدري الصراحة وش أقتبس منها ووش أخلي .

وانا هنا كني على ( حدّ سكين ) ..
الهم هددني ولقّم سلاحه ..!

صح لسانك يا مقبل

[محمد الدخيَل]

صح لسانك ياشاعر عبرت عن مايجول بخاطرك بكل سلاسه ووضوح والعفو عند المقدره ياشاعر والقلب المحب دائما مسامح وإن شاء الله تكون غيمه عتب وتعدي على خير....

[مقبل الجعفري]

اقتباس:  المشاركة الأصلية كتبت بواسطة محمد الدخيَل     صح لسانك ياشاعر عبرت عن مايجول بخاطرك بكل سلاسه ووضوح والعفو عند المقدره ياشاعر والقلب المحب دائما مسامح وإن شاء الله تكون غيمه عتب وتعدي على خير....

هلا وغلا آستآذي ..

وصح قلبك وكلك .. وترى القصيده قد تكون خياليه :d


الله يسعدك على هالرد .. وهالتشريف ..

لاهنت اخوي ..

[al saloom7]

صح لسانك جزاك الله خير ....

[مقبل الجعفري]

اقتباس:  المشاركة الأصلية كتبت بواسطة @فهد ابوحكيم@     صح لسانك جزاك الله خير ....

هلابك ..


صح بدنك وكلك ..

لاهنت

[سحابة شوق]

قصيدة مميزة في كلماتها العذبة