حشوات للسمبوسة

بريداوية تعاونية · 01-08-10, 08:58 pm

بسم الله الرحمن الرحيم

وش رايكم كل وحدة عند ه حشوة سمبوسة حلوة تحطه هنا

بريداوية تعاونية · 01-08-10, 09:34 pm

حشوة سهلة

بيض مسلوق وجبن كرافت مبشور

وحشوة ثانية بس مقاديرها كثيرة
شوي انقلها وارجع لكم

بريداوية تعاونية · 01-08-10, 09:37 pm

سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه

بريداوية تعاونية · 01-08-10, 10:12 pm

المقادير:
بصلة كبيرة - فصين ثوم - جزرتين - حبتين بطاطس- حبتين فلفل رومي -اربع شرائح ملفوف -
ملعقة صغيرة كمون - ملعقة صغير ة بهارات مشكلة مطحونة - مكعب ماجي - ملعقتين زيت ذرة

الطريقة:
تبشر بلمبشرة جميع الخضروات - نضع زيت الذرة في مقلاة ثم الخضروات ثم البهارات والكمون
ونحرك حتى تتسبك ثم نضع مكعب الماجي ونتركها 7 دقايق ثم تحشى بها السنبوسة
وبالهناء والعافية

بريداوية تعاونية · 01-08-10, 10:19 pm

سمبوسة الدجاج
دجاجه مسلوقه مفتته
3 بصلات مفرومه
فصين ثوم مفرومه
ذرة
جزر مبشور
ملح وفلفل وبهارات
3 ملاعق جبن سائل

حمري البصل والثوم بشوية زيت حتى يذبل اضيفي الدجاج والبهارات وخليها على نار هاديه
بعدين اضيفي لها الجزر والذرة وخليها لحد مايذبل الجزر واخلطيها مع الجبنة
واحشي فيها السمبوسة

بريداوية تعاونية · 01-08-10, 10:20 pm

وين حشواتكم

●● غندوره ●● · 01-08-10, 10:20 pm

[align=center]بطاطس مربعات صغار مسلوق +جبن كرفت+كزبره+شرايح زيتون+ملح +فلفل اسود+بطاطس قطع صغيره جدا
=شيء مجربه[/align]

●● غندوره ●● · 01-08-10, 10:22 pm

مشكوره بريداويه

بريداوية تعاونية · 01-08-10, 10:23 pm

وحشوة للسبرنق

بصل محمر مع ملفوف وجزر مبشور وشوية ملح يجنننن

بريداوية تعاونية · 01-08-10, 10:25 pm

حيااااك غندورة

والله عندي حشوة خطيرة

بدورها وانزلها

بريداوية تعاونية · 02-08-10, 09:12 pm

حشوة السمبوسة هاذي حلوة والي يذوقها ياخذ طريقتها

طعمها مثل الاكل الهندي

ما لكم بالطويلة

نحمس البصل والجزر المبشور والفلفل الأحمر (( الشطة )) مع شوية زيت

ونحط عليها البطاطس المقطع مربعات والمسلوق وبعدين حبة ماجي وملعقة كبيرة كاري امريكي

نطفي عليه ونتركه يبرد ونحط فوقه الفلفل الأخضر والكزبرة والبقدونس

والبصل الأخضر بس انا ما كان عندي والبيض المسلوق وهو بارد

عشان ما يتفتت وتطلع موية في الحشوة

ونضيف رشة ملح ورشة فلفل اسود

بريداوية تعاونية · 03-08-10, 03:26 am

اقتباس:

المشاركة الأصلية كتبت بواسطة بريداوية تعاونية


	حشوة السمبوسة هاذي حلوة والي يذوقها ياخذ طريقتها طعمها مثل الاكل الهندي ما لكم بالطويلة نحمس البصل والجزر المبشور والفلفل الأحمر (( الشطة )) مع شوية زيت ونحط عليها البطاطس المقطع مربعات والمسلوق وبعدين حبة ماجي وملعقة كبيرة كاري امريكي نطفي عليه ونتركه يبرد ونحط فوقه الفلفل الأخضر والكزبرة والبقدونس والبصل الأخضر بس انا ما كان عندي والبيض المسلوق وهو بارد عشان ما يتفتت وتطلع موية في الحشوة ونضيف رشة ملح ورشة فلفل اسود