تعاااااااااالي يامملكة فرح ....

[أسيل محمد]

يوم الخميس اخوي عازم اصدقاه وعشانه من زمان ماعزمهم متكلف بالمره .. قال ابيكم تسوون الرز والسلطات والمطازيز والمعكرونه واالمحشي وقال ابي حلى مميز وبما اني كم مره اسوي حلاك ( الفورسيزون ) ويضبط اعجبه حيل قالي خلاص سوي بس ياإلهي كالعاده لما اجتهد مايصيب وجاك البسكوت طفح على فوق وطلع شكله مو حلو
وهذي صورته بس لاتضحكين او تعلقين علي




اقولك يومنه طفح البسكوت فكرت وشلون اغطيه جبتلك دريم ويب وحطيته على الوجه عشان يتغطى .. وزينته بالهرشي وبعضهن بشرت عليهم جالكسي ..

عاد الحمد لله العيال اعجبهم ...

[فتاة المستقبل]

طيب اكتبي لنا الطريقه ...شكل الحلى يشهوي

[أسيل محمد]

المقــادير:

حليب ..
قشطه ..
نسكافه ..
4 كريم كارميل ..
بسكوتــ شاهي ..
كاكاوو بودرة ..
كيكــ امريكانا .. او لوزين او نحول
أو إي كيك جـاهز,,


الطريقه :


أول شي ناخذ الكيك ونفتته ونرصه بالصينيه
ونضغط عليه باليد



وبعدين نعمل الصوص
وهوه 3 ملاعق حليب وملعقه نسكافيه
ع حسب ذوقكم ياتكثرون النسكافيه أو تقللونها
تذوبينهم بكاس مويه بس مو مليان عشان ماتكون الطبقه سايله~.
بس حق التشريب ...


وبعدين نكسر عليه بسكويت شاهي بس غطي
ع طبقة الكيك

تاخذين 2 ظرف كريم كراميل و4 ملاعق حليب و2 كأس مويه
وتحطينهم ع النار لحد ماتغلى ...

خذيهم وحطيهم بالخلاط مع ملعقه نسكافيه وعلبة قشطه
وباكيت بسكويت شاهي كامل وخلي شغلك سريع عشان الكراميل
مايتماسك وتخرب عليك ,,,

وعالطول حطيهم بالصينيه فوق طبقه البسكويت ,,,

وبعدين تحطي 2 كريم كراميل و4 ملاعق حليب وكاكاو بودره
وفنجان قهوة سكر و2 كأس مويه وتنحط ع النار لحد ماتغلى ...
ونحطه فوق الكراميل اللي سويناه آخر مره

وندخله الثلاجه لحد مايبرد وهوه كل ماطول بالثلاجه كل ماطلع طعمه
خيــــــــــــــــــــــآل


شكله كشخه ومرتب وشغلته ماتآخذ وقت
وبنفس الوقت طعمه خطيييير مره

انا اول مره وثاني مره اسويه كان بهاذا الشكل المرتب


ويوم صار بالعزيمه طلع بهالشكل اللي نزلته وحطيت فيه الدريم لأزالة التشوهات اضطريت اسوي له عملية تجميل

عاد شتان بينهما

اشكر لك مرورك

[»‏جـوري«]

ههههههههههه الله يررررجتس عاادي
ياختي دايم الي يجتهد وينتبه يصيب
بس صراااحه شكله يدل ان طعمه جنااااان
مشاء الله عرفتي تصرفين صح ..
والحمد الله انه نال اعجاب اصدقاء اخوتس.

[أسيل محمد]

اقتباس:  المشاركة الأصلية كتبت بواسطة مملكة فرح     ههههههههههه الله يررررجتس عاادي ياختي دايم الي يجتهد وينتبه يصيب بس صراااحه شكله يدل ان طعمه جنااااان مشاء الله عرفتي تصرفين صح .. والحمد الله انه نال اعجاب اصدقاء اخوتس.

الله يوفقك رفعتي من معنوياتي بلاك ماشفتي التعليق اللي جان عشانه احد يقول تقل مركى والثاني يقول تقل وساده والثالث والرابع ....
اهم شي ان طعمة حلو

ننتظر جديدك ...

[عادل الحبيتر]

ماشاء الله شكلها روووعه

اشتهيتها

[زين الصبايا]

يم يم شكلها لذيذه ..

رح اجربها ان شاء الله..