آلمني مارأيت؟؟؟؟؟؟؟

[زوجة نصراوي]

بسم الله الرحمن الرحيم
السلام عليكم ورحمة الله وبركاته
أتمنى إن الكلام الي اكتبه يطلع عليه احد المسئولين عن دار الأيتام للبنات المرحله الثانويه قبل إسبوع تقريبا كنت في ملاهي الأسرة الترفيهيه وكان فيه بنات الدار
وآلمني ما رأيت كانوا كاسيات عاريات لبسهم عاري وعباياتهم كتافيه وكل وحده في أذانها سماعات وكأنهم اولاد بأشكال قصاتهم وهالشئ لفت نظر الكثير من الموجودين في الملاهي أبي أعرف ليش ماربوهم على اللباس المحتشم والعبايات الإسلاميه لأن هاذولي مالهم أهل يكونوا بذمتهم اللحين هم بذمت مين والله أحس إنهم مظلومين تدرون ليش لأن محد وجههم وقال هاذا حرام وهاذا عيب وكثير من الناس يقولون كثر خيرهم الدار ماخلو عليهم قاصر؟!بإيش بالحرام لبسهم حرام عباياتهم حرام قصات شعورهم بعضهم حرام ليش والله حرام عليكم هالمساكين هاذولي مالهم إلا الله ثم هالمربيات الفلبينيات والله ماكتبت الموضوع إلا لاني راحمتهم وياليت بيدي شي أقدر أسويه؟الله يهدي الجميع لما يحبه ويرضاه
لا تبخلون علي بردودكم

[زوجة نصراوي]

معقووووووووووووله 18 مشاهد ولا واحد كلف على نفسه وأضاف رد
أبي ردوووووووووووووووووووووود

[الطيبه مشكلتي]

الله يستر على خلقه ......انك لاتهدى من احببت ولكن الله يهدى من يشاااااااء
ويجزاك خير اختي الفاضله

[الطيبه مشكلتي]

لاتستعجيلين بيردووووووووون عليك ...

[هتلر السعودية]

الله يكون بعونهم
الله يرحم الحال

[ناظر الوعد]

للرفع,,,,,,,,,للرفع

[بندر الجلعود]

اقتباس:  المشاركة الأصلية كتبت بواسطة زوجة نصراوي     بسم الله الرحمن الرحيم السلام عليكم ورحمة الله وبركاته أتمنى إن الكلام الي اكتبه يطلع عليه احد المسئولين عن دار الأيتام للبنات المرحله الثانويه قبل إسبوع تقريبا كنت في ملاهي الأسرة الترفيهيه وكان فيه بنات الدار وآلمني ما رأيت كانوا كاسيات عاريات لبسهم عاري وعباياتهم كتافيه وكل وحده في أذانها سماعات وكأنهم اولاد بأشكال قصاتهم وهالشئ لفت نظر الكثير من الموجودين في الملاهي أبي أعرف ليش ماربوهم على اللباس المحتشم والعبايات الإسلاميه لأن هاذولي مالهم أهل يكونوا بذمتهم اللحين هم بذمت مين والله أحس إنهم مظلومين تدرون ليش لأن محد وجههم وقال هاذا حرام وهاذا عيب وكثير من الناس يقولون كثر خيرهم الدار ماخلو عليهم قاصر؟!بإيش بالحرام لبسهم حرام عباياتهم حرام قصات شعورهم بعضهم حرام ليش والله حرام عليكم هالمساكين هاذولي مالهم إلا الله ثم هالمربيات الفلبينيات والله ماكتبت الموضوع إلا لاني راحمتهم وياليت بيدي شي أقدر أسويه؟الله يهدي الجميع لما يحبه ويرضاه لا تبخلون علي بردودكم

اختي أنتي تتسالين
أين الردود
أنا أقول مو شرط الحل بالردود ممكن
فيه أحد شاف كلامك الله يجزاك خير
ويقوم هو بدوره بحل هذه المشكله
بعيداً عن المنتدى
يعني انه يحلها مع المسوولين
ودمتي بخيرررر

[بريده ام الدنيا]

اختي انتي قلتي الفلبينيات والفلبينيات كيف ويوجهونهم
لو تتكلف احد الداعيات وتسوي محاضره لهم وتوجههم مره بالاسبوع يكون افضل واتمنى يتفاعلون احد القائمين بالدار باستدعاء احد الداعيات مره كل اسبوع
لاني اسمع ان الداعيات يلقون محاضرات في الجامعات وفي المستشفيات لطالبات الطب ونصحهم
شكرا اختي على الموضوع

[زوجة نصراوي]

أشكركم على الردود
أخوي بندر أنا مو قصدي إن الواحد يرد عشان يحل الموضوع
أبي أشوف آراءهم حول هاذا الموضوع
الطيبه مشكلتي عارفه انه فيه احد بيرد علي ان شاء الله بس انا قصدي ال18اللي دخلوا قبلك
أختي بريده أم الدنيا أنا قصدي مافيه أحد غير الفلبينيات يربونهم ماسمعنا أنو فيه محاظرات بدور الأيتام وتصدقين عاد كان فيه طبق خيري ومحاظره بإستراحه وكان فيه الأيتام نفسهم وفيه المشرفات يدورون علينا يقولون لاحد يقول لهم شي ليش لبسكم كذا أو عباياتكم كذا مايبن أحد يقولهن شي ولا حتى يمسح على روسهن شفتي عاد مايبون لنا الأجر مع إنه الكل لباسهم محتشم لأنه كله طبق خيري ومحاظرات والناس محترمين المكان طيب ليش ماقالوا لهم ألبسو لبس محتشم عشان ماحد يتكلم عليهم؟؟؟؟
ويعطيكم ألف عافيه

[غمـوض]

[align=center]ونعم الزوجه انتي ونعم التربيه ماشاءالله عليك
جزاك ربي كل خير ياغاليه على هالغيره والحماس لدينك وجزاك ربي كل خير ياوخيتي والله يكتبلك الاجر يارب وان شاءالله المسؤلين يطلعون على ملاحظتك ويتدخلون بالموضوع باذن الله
بارك الله فيك[/align]

[™ ЭηάĐi şάмά •»]

عندي كم شغله استغربتها؟

وش كآسيات عاريات وش لابسات يوم تقولين عنهم كذا ؟!

جد والله لبسهم وشو بفهم بس ؟


وعن قص الشعر كل واحده حرهـ بنفسها من شعرها للبسها

وايش القصات الحرام ؟!

واذا ع السماعات شدخلك فيهم يسمعون اللي يسمعونه ولا رحتي بعد سمعتي وش مشغلين

شكلك والله فصفصتي امهم بكل شي


وبعدين

وعن عبايات الكتف ياشيخه من قال اللي تلبس عبايه كتف ماهي بمحتشمه ؟!

عيب عليك الحين انتي قذفتي اغلب البنات عشان لبسو عبيات كتف

لا تقولين حشمه ومدري ايش عبايه الكتف الحين استر من عبايه الراس اللي تخصرلك

كل الجسم واغلب عبايات الراس اللي نشوفها كذا؟

انا ماخصصت عبايه الراس الا هذي اللي تخصر الجسم ~>يعني لااحد ينقزلي يقول عبايه الراس استر شوف الفرق بين الراس المخصره والكتف

وترا مو تبين نيت البنت الزينه من الشينه بطريقه لبسها

وبعدين

كثير تشوفين عليهم عبايات راس بس وينهم وووين الدين

على العموم هاالبنات مساكين ومحرومين من اشياء كثيره اولها الاسره والام والاب

لا تستكثريني عليهم شي

ولااحد يسولي فزعه ويروح يشكي وتكلم خلوهم يعيشون لو شوي من اللي انحرمو منه

واالدار اكيد احرص منك ومن اي واحد هنا وتعرف شتسوي

والدعيات مو مقصرين عنهم وتأكدي من هاالشي

وعلى فكره ليه مارحتي ونصحتيهم بدال ماانتي شاطره تقزين فيهم وتطلعين عيوبهم ؟

ومو اسلامك فارض عليك الامر باالمعروف والنهي عن المنكر

ولا شاطره تطالعين وتنقدين

بدال ماتكتبين هاالموضوع كان بأمكآنك تروحين لهم وتنصحين صح ولالا؟



لكـ يآمتحمسه

[إياد الموسى]

اقتباس:  المشاركة الأصلية كتبت بواسطة ع ـنآدي سـمآء     عندي كم شغله استغربتها؟ وش كآسيات عاريات وش لابسات يوم تقولين عنهم كذا ؟! جد والله لبسهم وشو بفهم بس ؟ وعن قص الشعر كل واحده حرهـ بنفسها من شعرها للبسها وايش القصات الحرام ؟! واذا ع السماعات شدخلك فيهم يسمعون اللي يسمعونه ولا رحتي بعد سمعتي وش مشغلين شكلك والله فصفصتي امهم بكل شي وبعدين وعن عبايات الكتف ياشيخه من قال اللي تلبس عبايه كتف ماهي بمحتشمه ؟! عيب عليك الحين انتي قذفتي اغلب البنات عشان لبسو عبيات كتف لا تقولين حشمه ومدري ايش عبايه الكتف الحين استر من عبايه الراس اللي تخصرلك كل الجسم واغلب عبايات الراس اللي نشوفها كذا؟ انا ماخصصت عبايه الراس الا هذي اللي تخصر الجسم ~>يعني لااحد ينقزلي يقول عبايه الراس استر شوف الفرق بين الراس المخصره والكتف وترا مو تبين نيت البنت الزينه من الشينه بطريقه لبسها وبعدين كثير تشوفين عليهم عبايات راس بس وينهم وووين الدين على العموم هاالبنات مساكين ومحرومين من اشياء كثيره اولها الاسره والام والاب لا تستكثريني عليهم شي ولااحد يسولي فزعه ويروح يشكي وتكلم خلوهم يعيشون لو شوي من اللي انحرمو منه واالدار اكيد احرص منك ومن اي واحد هنا وتعرف شتسوي والدعيات مو مقصرين عنهم وتأكدي من هاالشي وعلى فكره ليه مارحتي ونصحتيهم بدال ماانتي شاطره تقزين فيهم وتطلعين عيوبهم ؟ ومو اسلامك فارض عليك الامر باالمعروف والنهي عن المنكر ولا شاطره تطالعين وتنقدين بدال ماتكتبين هاالموضوع كان بأمكآنك تروحين لهم وتنصحين صح ولالا؟ لكـ يآمتحمسه

كلام بالمنطق بصراحه
انتي القيتي الضوء على ذولي ولا شفتي الحريم اللي بالسوق وغيره
شكرا ع ـنآدي سـمآء بالتوفيق للجميع

[زوجة نصراوي]

السلام عليكم
عنادي سماء أولا أنت ماشفت لبسهم عشان تحكم عليه بدي وبنطلون شورت الأكتاف والركب طالعه
هاذا لبس محتشم؟؟؟
أما القصات قصات الولادي قصة بوي وغيرها حلال يكفي إنها تشبه بالاولاد والتشبه حرام؟؟؟
أما السماعت أنا ماحكمت عليهم وش يسمعون بس وهم جالسلت يغنون بصوت عالي الكل يناظرهم حتى مأحد قالهم ترفعين صوتك عند الناس عيب؟؟لبس يشبه الاولاد قصات ولاديه سماعات باذانهم
بعضهن وهي تتكلم تغلظ صوتها والله حرام حتى من الأنوثه محرومات ؟؟؟؟؟؟؟؟؟
أما العبايات الكتافيه وش أقول وش أخلي أولا إنها حرام ثانيا لبس غير محتشم وأنت تقولي أستر ؟؟
أنت ماتعرف العبايه الإسلاميه على حقيقتها أولا أنها على الراس ثانيا فظفاظه ماتبين شي من جسم المرأهثالثا لازم تكون طويله تغطي الأرجل مو هاذي العباة اللي تتكلم عنها المخصره حتى عباية الراس المخصره ح ر ا م إذا أنت ماتعرف الحلال والحرام لا تتكلم عنه!!\
أما قولتك إني فصفصتهم مو عشان أنقله لكم لا لأني متعجبه منه وآلمني هالشي ؟
أما قولتك ليش مانصحتهم لأن المشرفه الي معهم ماتبي أحد يقول لهم شي
وبعدين تقولي ليش مانصحتيهم وقبل قلت وش دخلك بالسماعات والله غريب؟؟؟وترى الرجال مايعرفون عن لبس الحريم شي؟أسأل وأعرف بعدين تعال أنقد؟؟؟
وأنا ماكتب إلا الي أنا واثقة فيه وأعرفه زين؟؟؟

[ماعندي واسطه]

ممكن ما تحرمين شي الا بدليل او تقولين ان الشيخ الفلاني حرمها

سواء العبايات او قص الشعر بغض النظر عن انها تقلد بوي والا مو بوي

بس بالاخير جزاك الله خير والمفروض نصحتيهن بوقته مو تقزين ومسكته وتكتبين هنا بس

شـكــ وبارك الله فيك ـــرا لك ... لك مني أجمل تحية .

[استراحة محارب]

موضوع محزن والله
يجب الأخذ بأيديهن من الغيورات , والنصيحة بالابتسامة قبل كل شي



الأهم من هذا وذاك , زرع الثقة بأنفسهن وزرع الأمل في قلوبهن

, وربي يحفظهن من كل شر

,, ويابخت من تزوج يتيمة وعوض عنها كل الحنان الذي فقدته بطفولتها ,,