$$$$ . . . . . إذا ودك تعذب الحريم : تعال أعلمك . . . . . $$$$

[أشعة في بلقع]

[align=center]$$$$ . . . . . إذا ودك تعذب الحريم : تعال أعلمك . . . . . $$$$[/align]

[align=right]

طالبهن بالتحديد الدقيق ... لن تجد اجابة .
سيعرق جبينها وستشيح بوجهها و ستصرف مسار الحديث

أمثلة :

اطلب منها أن تحدد لك وقت بالتحديد للذهاب إلى أهلك ( يعني : الساعة كم )

جوابها : سيكون بالجملة لا لبيع التجزئة مثل : عقب العصر



عندما تسوي لك طبخه زينه . اطلب منها المقادير بالتحديد
ستقول لك شوي سكر و شوي خميرة ... بدون تحديد
لذلك ممكن تستمتع بالبسبوسه اليوم لكن لا تغامر و تطلب منها مرة أخرى لأصدقائك . تبي تفشلك

أنا إلى هالحين ما ذقت خلية نحل بنفس الطعم مرتين ورا بعض والسبب ( شوي طحين وشوي زيت بدون تحديد )


النكته : اذا قالت خل الخياط يوسع الثوب شوي ( معروف أن حريمنا براميل ، لكن أغلى من البترول)
اذا سألتها : يعني كم بالتحديد ؟ قالت : اصبع منا و اصبع مناك خخخخخ

هالحين لهن عشر سنين يسوون شاهي . طييب قل لهن كم بالتحديد السكر بتلك الزمزمية ؟
تبي تقول لك فنجالين و شوي ( لذلك نعرف سبب طعم الشاهي اللي يجيبونه الشباب من أهلهم .. وأنه خراص ) لذلك بعض الشباب اذا رجع لأهله يقوم بكب الشاهي بالشارع ويقول لاهله والله ياهو رهيب .


اسأل اختك عن مقدار الماء الذي يوضع على الرز بالكاتم ؟
ج: فوق الرز بشوي .


الخلاصة : لا تعذبون حريمكم بطلب التحديد الدقيق للوقت والمقادير و المساحات

و الشيء اللي يكسبه القارئ لهذا الموضوع : هو معرفة تفاوت مذاق الطبخ عند أهله
مرة الرز مريس و مرة حب .. والشاهي مرة دبس و مرة مر مثل ماء النقع .. والمكرونة وااو مطاريس تكرم النعمه .

السبب : الحريم خراص خراص خراص ثلاث مرات ( متأثر بالمصاريا أنتي طالأ طالأ طالأ )


[/align]

[لمسةعطر22]

والله يانت اخرررررررررررررررررراص اشوى مالقيت على الحريم الا هاذى الله يستر عليهن مااقول الا <<مالك الاخشمك لو هو عوج>>

[أنـفأإأس أإأللـيل]

[align=center]والله مواضيعك اللي خراص مع احترامي ..
وخزياه هذا موضوع يكتب..شاهي ومكرونه ورز مريس وخليه نحل هه
هذولا انتم يالسعوديين دايم هرجتكم بطونكم [/align]

اقتباس: [align=center]و الشيء اللي يكسبه القارئ لهذا الموضوع : هو معرفة تفاوت مذاق الطبخ عند أهله[/align]

[align=center]ما أعتقد ان القارئ بيكتسب شئ من هالموضوع ..لأن القارئ اكبر من انه ينزل عقله لشاهي دبس أو رز مريس .. [/align]

[الحنتريش]

تصدق ذكرتن شايب مره حمز على مرته ههههههههه
يقول لنا 15 سنه بالبيت وقزنا واحد وقدرنا واحد وعددنا واحد وكل يوم تختلف الطبخه عن الي قبله
يقول حنا بالبر بكاتم وطبختنا وحده
بس حركه الشايب وهو حمز

[التواق]

هن معذبات الله يأجرهن
ويجعل حظنا منهن الصالحات
والله لو يحمل رجال بس شهر
ان يطقة الحزن والهم والغم
وينتحر من الضيق
ههههههههههه
يا حبيلك كلن صار ضدك

[حزام الأمان]

ياحياتي يالحريم الله يسخرلهم وياجرهم ويعينهم على غثاء الي بس يتشرطون .....

[راصد جماعته]

اخي بلقع والله انك ضربتا لنا مثلا ونسيت نفسك ** ولكي لا تعتقد اني

متحيز فانا اقول لك انني انتمي لعالم الذكور ولست انثى وكذلك اعترف ان

كلامك صحيح واعاني منه * ولكني استحي ان اعترض عليه او اعاير به زوجتي

فانا من علمها عدم الدقه وجعله لها منهجا بل الويل لها والثبور وعظائم الامور لو

سالتني عن عدد الضيوف وطلبت ان احدد رقما لهم واذا كان مزاجي رائقا لحضة

سؤالها لي فان اجابتي هي ( احسبي احساب خمسه او ثمانيه بعد مادري

كان بيجي احد من اخوانك .. المهم لا تفشليننا ترى اسود عيشتك ) بذمتك هذا

جواب شخص عاقل او مسؤول ؟*** اخي بلقع المرأه النجديه قسم بالله انا

اقول ماشألله عليها اللي مادخلت المستشفى النفسيه يأخي كل حياتها

(ويلي منك وويلي عليك) من يستلمها هالبزر (اخوها ابو عشر اسنين) مرورا

بالمجتمع والزوج الاناني الجاهل ( تراه هو المسكين ضحية مجتمع متخلف)

وحتى الخالات والعمات يتدخلن بادق تفاصيل حياتها *والله انها بها المجتمع

حمالة الأسيه * والان جاي تحاسبها على اشياء انت زرعتها بها كا رجل !!!!!!!

انت متى كنت دقيق ؟ انت متى رتبت وجدولت الله يرحم حالي وحالك حياتك ؟

هي ان كانت غير دقيقه وذا ماهو ذنبها لكن عدم دقتها بامور بسيطه اكل او

ملابس او زيارات اجتماعيه يمكن معالجتها ولا يترتب عليها اي شي مهم لكن

فوضويتك وعدم دقتك يترتب عليها امورا اساسيه ومصيريه ومع ذلك وبرغم الخوف

اللي ساكن هالمسكينه (الزوجه) لانها راكبه سفينه وسط امواج عاتيه وهي

متأكده ان الربان لك عليه ومايعتمد عليه * حاطه يدها على قلبها ماتدري بأي

لحضه تنقلب هالسفينه او تصدم بجرف او تعلق بوحل ومع ذلك مطلوب منها

تبتسم وتشع وتكون ورده مفتحه !!!!!!!! * اخي بلقع اعد حساباتك واحكم بين

الناس بالعدل *** وانا لا اتكلم عن (كل ) الرجال ولا عن كل (النساء) لكن

الصوره التي انا رسمتها تنطبق على الغالبيه الغالبه لبيوتنا بنجد * وتقبل

تحياتي

[عازفة ألحان الليل]

^
احيي فيك الصدق وقول الحق بأعلى صووووت من غير خوف وتردد ورسمية ومجاملة غالبا تكون مزيفة ..

وكثر الله من امثااالك ...

[طائر الأشجان]

موضوعك جميل وطريقة سرده أجمل..
مصدر أبتسامه للرجل ،ومصدر كئابه للأنثى
الله يعينك على ردودهم،كل وحده راح تظن أنك قاصدها!!!
ودي ووردي لقلمك

[أشعة في بلقع]

[align=right]الحنتريش


شكرا على تعقيبك ، وهذا مثال من امثله كثيرة





راصد جماعته

انت شكلك تبي ترد بس ما تعرف ايش الهرجه ؟!!!
حنا نتكلم عن مذاق الاكل واختلافه في كل مرة عن السابق
وليس كلامنا على : الاكل شوي أو كثير .. هل يكفي الضيوف او مايكفيهم ؟
ارجو انك فهمت يا بعدي


طائر الاشجان
لولا انت وامثالك وما نجده من الدعم من البعض والبعضيات عبر الماسنجر و التعقيبات في المواضيع كان (أشعة في بلقع) ما يستمر
لك كل الشكر والعرفان


الرجل اذا شبع ... بدا ينشط للصلاة والعبادة والقيام بمهامه تجاه والديه وزوجته واولادة ..اذن الاكل والكلام عنه مهم ،،،لأنه يترتب عليه فوائد عظيمة



اشعة في بلقع يتمنى لكم الصحة والعافية
وتقبلوا مني خلية نحل بالشيره


[/align]

[مياسة]

[align=right]اشتقت لخلية نحل ام نايف.. فديتها
بعدين ليه ياطائر الاشجان نكتئب من كلام بلقع.. ما قال شي يحمّق !.. كل السالفة تركيز ضوء

عن جد اخوي بلقع.. وراه اذا قلت لـ اخوي كم عدد معازيمك.. يقول 3 او يمكن 11
يعني معقولة ما يعرف خساير اللخبطة ذي؟,, <- راسب بالرياضيات !

[/align]

[*يتيمة*]

شرايك تقطع بصل ولابصلتين وتحمسة
بملعقة ولاملعقتين سمنة
هذا يسمونة ذكاء الانثى الى تراعى خاطرك حتى بالبصل

ماقول الامالت على رجال وشباب الى هذا همهم

[نـــNAــونا]

والله لو تقيس الأكله والطبخه بالضبط إن تجيك مختلفه مهما يكون هذا نفس الأكل

إذا رايقه ومبسوطه تضبطه لك وإذا لا إن تطين عيشتك

وانتم بعد يالرجال تبوننا نضبط لكم وأنتم ما تضبطون مثل ما قال راصد

وآخر شيء عندي اليوم عندنا إثنين من أعمامي على الغداء قال ابوي ماهن غيرهم قلت وعمي الثالث قال ما أدري

والله بس جيت اغرف الغداء إلا أبوي جايب جدي وعمي جاء وإثنين من عياله

بس الحمد لله ما أسمع الكلام بهالأمور أن أحددها على مزاجي

على العموم وبالمختصر المفيد إنضبطوا أنتم أول همن ننضبط

[العبرى]

إذا كنت تسأل عن مذاق الأكل في كل مره

فهذا يعود للنفس..أي نفس المرأه في الطبخ..

ومدى تفننها وتذوقها..



أما إذا تسأل عن عدم تحديد المرأه للأشياء..

فهي تتصرف بإحساسها..حتى في قياسها للأمور الملموسه..!





تحيتي,,,

[أمــ الحب ــير]

مراحب اخوي ,,

صدقت والله ماقد حددت الوالدة أبدا ,,

لآكن يشهد الله آنو ماقد أكلت مطاريس من يدين الوالدة أو أحد خواتي ولله الحمد على قولتك ,,

تصدق تعبت الوآلدة تقريبا 5 شهور او أكثر كرهت الدنيا فيها أحس أني مشرد
متعود على طباخ الوالده ومااكل برى كثير ,,

وربي ماعرفت المطاريس الا في بعض العزايم وعرفت بعدها أني فنعمة الله يدومها ,,
صراحه بعض الناس مدري شلون مايعرفون الأكل الزين من الشين ماعندهم تمييز أو ذوق آستغفرالله ,,

آلله يستر ماتجيني حرمه تمطرس

لآكن آنت خليها قاعده عندك (شويه ) هذي يعني إذا ملعقه وشويه يعني ملعقتين وهكذا ,,

آورفوآر ,,