طباخ الإسبوع السادس # مسرعه بشويش #

[بنت البدائع]

السلام عليكم ورحمة الله وبركاته


إمتداداً لمسابقة " عضو في المطبخ "

http://www.buraydh.com/forum/showthread.php?t=149391

وبعد أن إعتذرت جمان البحر لظروف السفر..

تم إختيارها لــ # مسرعة بشويش # ..لتكون طباخ الإسبوع السادس..





ونحن هنــا بالإنتظار

[لِـيم’]

السلام عليكم ورحمة الله وبركاته


هلا بك اختي بنت البدائع وهلا بكم كلكم



طبعا الحين ان شاء الله ابدأ والله يسهل وان شاء الله تنال اعجابكم



وتراي ابنزل حلويات فقط


وتقبلوا خالص تحياتي

[لِـيم’]

بسم الله الرحمن الرحيم

اولا: نبدأ بحلى الغنم (اعزكم الله )


( أ )

كروسان

جوز الهند

بسكويت اوريو مطحون

نستله

شوكولاته اولكر

صبغة طعام لون ازرق (اذا ما عندك ما يلزم)

بسكويت شاي


( ب )

كيك اليمامه (يقطع 3 قطع)

نستله

شعيريه (حسب الرغبه )

زبده







الطريقــــــــه



1ـ نحضر صينيه كبيرة ونف عليها طبقه من بسكويت الشاي

2ـ نحضر الكروسان ونغم ثلاث ارباعه بالنستله ثم نغمسه بجوز الهند ثم نغمس الربع الاخر بالنستله ثم ببسكويت الاوريو المطحون

بعدين نصف الغنم اللي صلحناه بالصينيه

3ـ نمزج صبغة الطعام الزرقاء على النستله ثم نحضر شوكلاته اولكر ونصب عليها النستله حتى يكون كأنه مويه للغنم

4ـ نبدأبمقادير (ب) نكسر الشعريه ثم نحمسها بالزبده على النار

5ـ نغمس قطع كيك اليمامه بالنستله ثم بالشعيريه حتى يكون شكلها مثل التبن

6ـ بعدين نصفهم بالصينيه على جنب فوق بعض حتى يطلع شكلهم مثل التبن تماما






ملا حظه

يمكنك وضع اعواد مناقيش على الكروسان حتى تكون لها رجلين







وهذا شكلها النهائي








وهذي صورة ثانيه





وبالهناء والعافــــيه





ابي اسمع رأي كل واحد منكم

[لِـيم’]

ارجوا من المشرفين تصغير الصور

[أم خماس]

خطيــ ــ ــ ــر
مـاشاء الله عليكـ ..
ابداعـ بشكلــهـ ..
جمعتي نوعين حلى سوا

تسلــم ايدينكـ

[بنت البدائع]

واوووو .. ماشاء الله عليك يامسرعه .. حلى رايق .. وشكله طعم
مشكوره ماقصرتي .. تسلم ديّاااااتك ..




ومدري نختار عضو وإلا نستنى جمان





دمتِ بخير






؛

[ندوش]

ابداع مابعده ابداع من مسرعه بشويش ............

[جمان البحر]

الا اختاروا أم خماس ..

الله يعافيك يا بنوتتنا خليها تطبخ لكم علشان أنا أطبخ ولا ترا ماهنا طبخ <<<<لاحطت أحد براسه ماتتركه لين تحصل اللي تبيه ...

[أم خماس]

^^

يمــه من هالبنـــت ..
متـوحشـه

[أنـفأإأس أإأللـيل]

يامال العافية يامسرعة ,,
فن وإبداااااااع ماشاء الله ..
بس ماندري عن المذاق <بتسطر
مادام ادياتك الحلووة اللي عاملتها
أكيد بيكون لذيذ ..
أعجب الوالدة شكل الأغنام..

[أنـفأإأس أإأللـيل]

جمان البحر والله من العناد بهالبنت ..

[لِـيم’]

الله يسلمكم خواتي


وبعدين انتظروني راح انزلكم حلويات جديدة

[روان العلي]

ياعيني على هالغنيمات !

بس لو انتي حاطه شوي بقدونس ولا نعناع عشان تحسين انه علف خخخخ


مشكوره يعطيك العافيه

[لِـيم’]

الله يسلمك اختي روان

[لِـيم’]

بسم الله الرحمن الرحيم


نبدأ الحين بحلى البير



قبل ما اقولكم المقادير ابقول وشلون راح نصلح البير

قطعي بسكويت ديمه بالتمر الى قطعتين بالطول وليس بالعرض بعدين تصبين النستله على شكل دائرة بالصحن ثم تصفين بسكويت ديمه على الدائرة اللي صلحتيها بس يكون بينهن مسافات تقريبا سم او 2سم

بعدين تصبين نستله عليها

طبعا ماراح تفهمون لمن تشوفون الصزرة

لكن ابعطيكم مقادير الحلى اللي راح نحطه في وسط البير (بداخله )




اسمه حلى المعمول

المقادير:
(أ )

*نصف اصبع زبده

* 1 كيس شعيريه باكستانيه مكسرة

*1 مركز محلى كبير

* 1 ونصف كأس من بسكويت الاوريو المطحون (ويمكنك استبداله ببسكويت الجوزاء )

(ب)

نصف كأس من الاوريو المطحون





الطريقـــــــــــــه:

1 ـ تحمس الشعيريه بالزبدة حتى تشقر ثم تسقى بالمركز المحلى


2 ـ نقلب الخليط مع بعض حتى يتجانس ثم نضيف الأوريو المطحون


3 ـ نبدأ بعمل كور من الخليط ثم يقلب في مقادير ( ب )


4 ـ توضع الكور في البير فوق بعضها


5 ـ نحضر اعواد ذرة وكأس بلاستيك صغير وشريطه بعدين نخرم الكأس خرمين جنب بعض وندخل الشريطه ونربطها بالاعواد بعدين نغرسها بالبير

وهذي الصورة بعد الانتهاء( من بعيد )






وهذي (من قريب )